ລິ້ງ ສຳຫລັບເຂົ້າຫາ

ມີນັກປີນພູ ຢ່າງນ້ອຍ 9 ຄົນ ເສຍຊີວິດໃນ ຢູ່ເທິງພູ Manaslu ເນປາລ


ແຜນທີ່ ປະເທດເນປາລ
ເຈົ້າໜ້າທີ່ກູ້ໄພສຸກເສີນຂອງເນປາລກ່າວວ່າ ມີຫລາຍຄົນທີ່ຍັງ
ຊອກຫາບໍ່ເຫັນໃນວັນຈັນມື້ນີ້ ຫລັງຈາກເກີດເຫດຫິມະຖະຫລົ່ມ
ຢ່າງຮ້າຍແຮງ ຢູ່ເທິງພູເຂົາທີ່ສູງອັນດັບທີ 8 ຂອງໂລກ.

ມີນັກປີນພູຢ່າງນ້ອຍ 9 ຄົນ ເສຍຊີວິດໃນວັນອາທິດວານນີ້ ຢູ່ເທິງ
ພູ Manaslu ເວລາຫິມະຖະຫລົ່ມລົງມາ ໃນເຫດໂສກນາດຕະກໍາ
ທີ່ຮ້າຍແຮງທີ່ສຸດບັ້ນນຶ່ງສໍາລັບພວກປີນເຂົາຢູ່ເທິງພູຫິມະໄລ ໃນ
ບໍ່ເທົ່າໃດປີຜ່ານມານີ້. ມີຫລາຍຄົນຖືກຊ່ວຍຊີວິດໄວ້ໄດ້ ແລະຖືກ
ນໍາສົ່ງໄປຍັງຄ້າຍພັກຢູ່ຕີນພູ ໂດຍທາງເຮືອບິນເຮລີຄອບເຕີ້.
ພວກປີນພູຈໍານວນນຶ່ງ ໄດ້ຮັບບາດເຈັບ.

ເຮລິຄອບເຕີ້ກູ້ໄພ ຂຶ້ນບິນເວິ່ນໄປຕາມຈ້າຍພູ ໃນວັນຈັນມື້ນີ້
ເພື່ອຊອກຫາພວກທີ່ອາດຍັງລອດຊີວິດຢູ່ ຫລືຫລົງທາງ.

ອົງການຂ່າວເອພີ ລາຍງານວ່າ ຫິມະໄດ້ຖະຫລົ່ມລົງມາ ໃນຕອນເຊົ້າມືດວັນອາທິດ ຂະນະ
ທີ່ພວກປີນພູຍັງພາກັນຫລັບນອນ ຢູ່ໃນເຕ້ນຂອງເຂົາເຈົ້າ ເຈົ້າໜ້າທີ່ທ້ອງຖິ່ນກ່າວວ່າ
ພວກນັກປີນພູທີ່ເສຍຊີວິດນັ້ນ ສ່ວນໃຫຍ່ແມ່ນຊາວຝຣັ່ງ. ນອກນັ້ນແລ້ວ ແມ່ນມາຈາກ
ອີຕາລີ, ເຢຍລະມັນ ແລະສະເປນ.
XS
SM
MD
LG