ຄະນະເຈລະຈາຈາກເກືອບ 200 ປະເທດ ພວມປະຊຸມກັນ ກ່ຽວກັບວ່າຈະຈັດ ຕັ້ງປະຕິບັດຂໍ້ຕົກລົງປາຣີ ວ່າດ້ວຍການປ່ຽນແປງຂອງດິນຟ້າອາກາດແບບໃດ.
ທ່ານນາງ Patricia Espinosa ຫົວໜ້າຮັບຜິດຊອບກ່ຽວກັບເລື້ອງອາກາດຂອງອົງການສະຫະປະຊາຊາດ ກ່າວຕໍ່ຄະນະເຈລະຈາ ທີ່ເຂົ້າຮ່ວມກອງປະຊຸມ ເປັນເວລາ 2 ອາທິດທີ່
ປະເທດ Morocco ວ່າ “ບໍ່ມີນັກການເມືອງ ຫລືປະຊາ ຊົນ ຫລືຜູ້ຈັດການທຸລະກິດ ຫລືຜູ້ລົງທຶນໃດ” ສາມາດມີຄວາມສົງໄສວ່າ ໂລກຂອງເຮົາໄດ້ຕັດສິນໃຈໄປແລ້ວເພື່ອຫັນປ່ຽນໄປສູ່ການເປັນ “ສັງຄົມທີ່ປັບໂຕໄດ້ ໃນການນຳໃຊ້ ການປ່ອຍແກັສພິດຕ່ຳ.”
ພາລະໜ້າທີ່ຂອງຄະນະເຈລະຈາໃນເວລານີ້ ກໍແມ່ນຮ່າງລາຍລະອຽດ “ກ່ຽວກັບ ກົດລະບຽບ” ຮວມທັງ ຈະວັດແທກ ແລະລາຍງານການປ່ອຍແກັສເຮືອນແກ້ວແບບໃດ.
ນອກນັ້ນ ຍັງເປັນທີ່ຄາດກັນວ່າ ເຂົາເຈົ້າຈະສຳຫຼວດເບິ່ງວ່າໂລກຂອງເຮົາຈະສາມາດປ່ຽນແປງໄປສູ່ການຫັນປ່ຽນທີ່ວ່າອາດເກືອບຈະບໍ່ມີການນຳໃຊ້ເຊື້ອໄຟ ທີ່ມາຈາກຊາກພືດແລະຊາກສັດເລີຍ ທີ່ເປັນຕົວການ ພາໃຫ້ມີການປ່ອຍແກັສ ເຮືອນແກ້ວນັ້ນ.
