ຄະນະເຈລະຈາທີ່ກຳລັງຊອກຫາຊ່ອງທາງເພື່ອໃຫ້ບັນລຸຂໍ້ຕົກ
ລົງໃນຂອບເຂດ ທີ່ກວ້າງຂວາງກ່ຽວກັບໂຄງການນິວເຄລຍ
ຂອງອີຣ່ານ ໄດ້ມາເຖິງວັນສຸດທ້າຍ ໃນການເຈລະຈາຂອງເຂົາ
ເຈົ້າທີ່ນະຄອນ Vienna ໃນກຳນົດເສັ້ນຕາຍທີ່ເຂົາ ເຈົ້າຕັ້ງຂຶ້ນ
ໃນວັນອັງຄານມື້ີ່ນີ້ ໃນຂະນະທີ່ຍັງມີຫລາຍໆບັນຫາທີ່ຍັງຄ້າງ
ຄາ ຕົກລົງກັນບໍ່ໄດ້ ແລະມີຄວາມເປັນໄປໄດ້ ທີ່ຈະຍັງສືບຕໍ່ຂັ້ນ
ຕອນດັ່ງກາວ ໄປອີກຫລາຍມື້.
ຄະນະເຈລະຈາຈາກອີຣ່ານ ແລະກຸ່ມປະເທດທີ່ຮວມທັງ ສະຫະ
ລັດ ອັງກິດ ຈີນ ຝັ່ຣງ ຣັດເຊຍແລະເຢຍຣະມັນ ໄດ້ພົບປະກັນ
ເປັນເວລາສອງຊົ່ວໂມງຢູ່ໃນກອງ ປະຊຸມທີ່ໄດ້ເລີ້ມຂຶ້ນໃນຕອນ
ແລງວັນຈັນ ແລະຕໍ່ເວລາ ມາເຖິງຕອນເຊົ້າວັນອັງຄານມື້ນີ້.
ການເຈລະຈາແມ່ນໄດ້ດຳເນີນໄປຢ່າງຂຸ້ນຂ້ຽວ ໃນຂະນະທີ່ທັງສອງຝ່າຍໄດ້ຊອກຫາ ໃນ
ອັນທີ່ເຂົາເຈົ້າໄດ້ກຳນົດໄວ້ວ່າ ຈະເປັນຂໍ້ຕົກລົງ ທີ່ຈະຈຳກັດກິດ ຈະການນິວເຄລຍຂອງ
ອີຣ່ານ ເພື່ອເປັນການແລກປ່ຽນກັບການຜ່ອນຜັນການລົງໂທດ.
ການເຈລະຈາໃນຮອບນີ້ ຊຶ່ງສືບສານຕໍ່ຈາກຂອບຂໍ້ຕົກລົງ ທີ່ເຂົາເຈົ້າໄດ້ບັນລຸກັນໃນ
ເດືອນເມສາຜ່ານມາ ມີກຳນົດສີ້ນສຸດລົງໃນອາທິດແລ້ວນີ້ ແຕ່ໄດ້ຕໍ່ອອກໄປອີກເຈັດມື້.
ບັດນີ້ ບັນດາເຈົ້າໜ້າທີ່ຂອງທັງສອງຝ່າຍ ໄດ້ໃຫ້ສັນຍານທີ່ອາດ ຕ້ອງການເວລາຕື່ມອີກ.
ເຈົ້າໜ້າທີ່ຂັ້ນສູງຂອງອີຣ່ານຄົນນຶ່ງ ໄດ້ກ່າວໃນວັນຈັນວານນີ້ວ່າ “ພວກເຮົາຍັງມອງບໍ່
ເຫັນເສັ້ນຕາຍທີ່ແນ່ນອນເທື່ອ. ພວກເຮົາຮູ້ວ່າ ມີການພິຈາລະນາບາງ ຢ່າງຈາກສະຫະ
ລັດ. ແຕ່ບໍ່ໄດ້ໝາຍຄວາມວ່າ ທຸກຄົນເຫັນດີນຳ”.
ຖ້າຫາກຂໍ້ຕົກລົງບັນລຸກັນໃນວັນພະຫັດຈະມາເຖິງນີ້ ລັດຖະສະພາ ສະຫະລັດ ຈະມີເວລາ
30 ມື້ເພື່ອທົບທວນ ແລະລົງຄະແນນສຽງວ່າ ຈະຍົກເລີກການລົງໂທດບາງຢ່າງ ທີ່ບັນດາ
ສະມາຊິກສະພາໄດ້ກຳນົດໄປນັ້ນ. ຫລັງຈາກວັນພະຫັດແລ້ວ ລະຍະເວລາໃນການທົບ
ທວນຈະກາຍເປັນ 60 ມື້.
ໂຄສົກທຳນຽບຂາວ ທ່ານ Josh Earnest ກ່າວໃນວັນຈັນວານນີ້ວ່າ ການ ກາຍກຳນົດ
ເສັ້ນຕາຍ ໃນວັນອັງຄານມື້ນີ້ “ແມ່ນມີທາງເປັນໄປໄດ້.”
