ຢ່າງໜ້ອຍ 48 ຄົນ ໄດ້ເສຍຊີວິດຈາກການວາງລະເບີດສະລະ
ຊີບທີ່ໂຮງຮຽນແຫ່ງນຶ່ງ ໃນພາກຕາເວັນອອກສຽງເໜືອ ຂອງໄນ
ຈີເຣຍ ຊຶ່ງສວນຫລາຍແມ່ນພວກນັກຮຽນ.
ເຫດລະເບີດໄດ້ເກີດຂື້ນໃນວັນຈັນວານນີ້ ຢູ່ໃນເມືອງ Potis-
kum ລັດ Yobe ໃນຂະນະທີ່ພວກນັນຮຽນເຕົ້າໂຮມກັນໃນ
ຕອນເຊົ້າ ຢູ່ທີ່ໂຮງຮຽນມັດທະຍົມຂອງ ລັດຖະບານ ທີ່ເນັ້ນ
ໜັກໃສ່ການຮຽນເລື້ອງວິທະຍາສາດ.
ບັນດາພະນັກງານການແພດ ກ່າວວ່າ ຢ່າງໜ້ອຍ 79 ຄົນ
|ໄດ້ຮັບບາດເຈັບ ຫລາຍຄົນແມ່ນມີອາການສາຫັດ. ບັນດາ
ຜູ້ເຫັນເຫດການກ່າວວ່າ ຜູ້ວາງລະເບີດ ນຸ່ງເຄື່ອງຄືກັນກັບນັກຮຽນ.
ຍັງບໍ່ມີກຸ່ມໃດອ້າງເອົາຄວາມຮັບຜິດຊອບໃນການໂຈມຕີເທື່ອ ແຕ່ກໍມີຄວາມສົງໄສວ່າ
ເປັນນ້ຳມືຂອງກຸ່ມຫົວຮຸນແຮງ Boko Haram.
ກຸມດັ່ງກ່າວໄດ້ຖືກຖິ້ມໂທດໃສ່ວ່າ ເປັນຜູ້ໂຈມຕີທີ່ເມືອງ Potiskum ໃນອາທິດ ທີ່ຜ່ານ
ມາ ເວລາຜູ້ວາງລະເບີດສະລະຊີບ ໂຈມຕີຂະບວນແຫ່ທາງສາສະໜາ ເຮັດໃຫ້ມີຜູ້ເສຍ
ຊີວິດຫລາຍກວ່າຊາວຄົນ.
ປະທານາທິບໍດີ ໄນຈີເຣຍ ທ່ານ Goodluck Jonathan ໄດ້ປະນາມການໂຈມຕີ ແລະ
ໃຫ້ຄຳໝັ້ນສັນຍາທີ່ຈະນຳເອົາພວກຮັບຜິດຊອບມາລົງໂທດ. ຢູ່ໃນຖະແຫລງການໃນວັນ
ຈັນວານນີ້ ທ່ານຍັງໄດ້ສະແດງຄວາມເສົ້າສະລົດໃຈຕໍ່ບັນ ດາຄອບຄົວທີ່ໄດ້ຮັບເຄາະຮ້າຍ
ແລະປະຊາຊົນລັດ Yobe.
ເລຂາທິການໃຫຍ່ ສະຫະປະຊາຊາດ ທ່ານ Ban ki-Moon ກ່າວວ່າ ທ່ານມີຄວາມໂກດ
ແຄ້ນ ຕໍ່ການໂຈມຕີທີ່ມີຂຶ້ນເລື້ອຍໆຢ່າງໂຫດຮ້າຍ ຕໍ່ສະຖາບັນການ ສຶກສາ ຢູ່ໃນພາກ
ເໜືອ ຂອງໄນຈີເຣຍ.