ເຈົ້າໜ້າທີ່ໃນພາກຕາເວັນອອກຂອງອິນເດຍ ກ່າວວ່າ ມີເດັກ
ນ້ອຍນັກຮຽນ 20 ຄົນເສຍຊີວິດ ຫຼັງຈາກທີ່ໄດ້ກິນອາຫານທ່ຽງຟຣີ
ທີ່ປຸງແຕ່ງຢູ່ໂຮງອາຫານຂອງໂຮງຮຽນນັ້ນ.
ເຈົ້າໜ້າທີ່ລັດ Bihar ກ່າວວ່າ ມີນັກຮຽນຄົນອື່ນໆອີກ 27 ຄົນໄດ້ເຂົ້າຮັກສາຕົວໃນໂຮງພະຍາ ບານ ຫຼັງຈາກໄດ້ກິນອາຫານຂອງໂຮງຮຽນ ຊຶ່ງຮວມມີເຂົ້າແລະພວກຖົ່ວຕ່າງໆ ໃນວັນອັງຄານວານນີ້ ຢູ່ໂຮງຮຽນປະຖົມແຫ່ງນຶ່ງໃນເມືອງ Masrakh ປະມານ 90 ກິໂລແມັດຫ່າງຈາກ Patna ເມືອງຫຼວງຂອງລັດ ໄປທາງທິດເໜືອ ແລະ 10 ຄົນໃນນັ້ນ ມີອາການຫຼໍ່ແຫຼມ.
ປະຊາຊົນທີ່ໂກດແຄ້ນຈໍານວນນຶ່ງໄດ້ພາກັນປະທ້ວງ ຫຼັງຈາກທີ່ໄດ້ຍິນຂ່າວການຕາຍຂອງພວກເດັກນ້ອຍນັກຮຽນດັ່ງກ່າວນີ້.
ລັດຖະມົນຕີປະຈໍາກະຊວງການສຶກສາທ່ານນຶ່ງ ເວົ້າວ່າ ການສືບສວນເບື້ອງຕົ້ນສະແດງ
ໃຫ້ເຫັນວ່າ ອາຫານດັ່ງກ່າວນັ້ນມີທາດ phosphorous ປະສົມຢູ່ນໍາ. ບໍ່ໄດ້ມີການເປີດເຜີຍ
ຂໍ້ມູນໃດ ເພີ່ມຕື່ມອີກ.
ລັດຖະບານຂອງຫຼາຍໆລັດໃນອິນເດຍ ໄດ້ເລີ່ມໂຄງການລ້ຽງອາຫານທ່ຽງຟຣີໃຫ້ພວກເດັກນັກຮຽນທີ່ຍາກຈົນ ຈໍານວນເປັນລ້ານໆຄົນ. ໂຣກຂາດທາດອາຫານແມ່ນບັນຫາຮ້າຍແຮງໃນໝູ່ເດັກນ້ອຍນັກຮຽນອິນເດຍ.
ອົງການ UNICEF ກ່າວວ່າ 1 ໃນ 3 ຂອງພວກເດັກນັກຮຽນທີ່ເປັນໂຣກຂາດທາດອາຫານ
ນັ້ນແມ່ນຢູ່ໃນອິນເດຍ ແລະວ່າ ໂຣກຂາດທາດອາຫານໃນອິນເດຍ ແມ່ນມີແພ່ຫຼາຍກວ່າ
ໃນເຂດໃຕ້ທະເລຊາຍ Sahara ໃນອາຟຣິການັ້ນອີກ.
ການ ມີໂຣກຂາດທາດອາຫານໃນຕອນທີ່ອາຍຸຍັງນ້ອຍໆນັ້ນ ເປັນບັນຫາທີ່ສົ່ງກະທົບໄລຍະຍາວ ແລະໃຫຍ່ຫຼວງຕໍ່ສຸຂະພາບຂອງເດັກ ເພາະວ່າມັນຈະຂັດຂວາງພັດທະນາການຂອງເດັກນ້ອຍທັງໃນລະບົບເຄື່ອນໄຫວ ສະຕິປັນຍາ ສັງຄົມແລະຄວາມຮູ້ສຶກນໍາດ້ວຍ.
ນ້ອຍນັກຮຽນ 20 ຄົນເສຍຊີວິດ ຫຼັງຈາກທີ່ໄດ້ກິນອາຫານທ່ຽງຟຣີ
ທີ່ປຸງແຕ່ງຢູ່ໂຮງອາຫານຂອງໂຮງຮຽນນັ້ນ.
ເຈົ້າໜ້າທີ່ລັດ Bihar ກ່າວວ່າ ມີນັກຮຽນຄົນອື່ນໆອີກ 27 ຄົນໄດ້ເຂົ້າຮັກສາຕົວໃນໂຮງພະຍາ ບານ ຫຼັງຈາກໄດ້ກິນອາຫານຂອງໂຮງຮຽນ ຊຶ່ງຮວມມີເຂົ້າແລະພວກຖົ່ວຕ່າງໆ ໃນວັນອັງຄານວານນີ້ ຢູ່ໂຮງຮຽນປະຖົມແຫ່ງນຶ່ງໃນເມືອງ Masrakh ປະມານ 90 ກິໂລແມັດຫ່າງຈາກ Patna ເມືອງຫຼວງຂອງລັດ ໄປທາງທິດເໜືອ ແລະ 10 ຄົນໃນນັ້ນ ມີອາການຫຼໍ່ແຫຼມ.
ປະຊາຊົນທີ່ໂກດແຄ້ນຈໍານວນນຶ່ງໄດ້ພາກັນປະທ້ວງ ຫຼັງຈາກທີ່ໄດ້ຍິນຂ່າວການຕາຍຂອງພວກເດັກນ້ອຍນັກຮຽນດັ່ງກ່າວນີ້.
ລັດຖະມົນຕີປະຈໍາກະຊວງການສຶກສາທ່ານນຶ່ງ ເວົ້າວ່າ ການສືບສວນເບື້ອງຕົ້ນສະແດງ
ໃຫ້ເຫັນວ່າ ອາຫານດັ່ງກ່າວນັ້ນມີທາດ phosphorous ປະສົມຢູ່ນໍາ. ບໍ່ໄດ້ມີການເປີດເຜີຍ
ຂໍ້ມູນໃດ ເພີ່ມຕື່ມອີກ.
ລັດຖະບານຂອງຫຼາຍໆລັດໃນອິນເດຍ ໄດ້ເລີ່ມໂຄງການລ້ຽງອາຫານທ່ຽງຟຣີໃຫ້ພວກເດັກນັກຮຽນທີ່ຍາກຈົນ ຈໍານວນເປັນລ້ານໆຄົນ. ໂຣກຂາດທາດອາຫານແມ່ນບັນຫາຮ້າຍແຮງໃນໝູ່ເດັກນ້ອຍນັກຮຽນອິນເດຍ.
ອົງການ UNICEF ກ່າວວ່າ 1 ໃນ 3 ຂອງພວກເດັກນັກຮຽນທີ່ເປັນໂຣກຂາດທາດອາຫານ
ນັ້ນແມ່ນຢູ່ໃນອິນເດຍ ແລະວ່າ ໂຣກຂາດທາດອາຫານໃນອິນເດຍ ແມ່ນມີແພ່ຫຼາຍກວ່າ
ໃນເຂດໃຕ້ທະເລຊາຍ Sahara ໃນອາຟຣິການັ້ນອີກ.
ການ ມີໂຣກຂາດທາດອາຫານໃນຕອນທີ່ອາຍຸຍັງນ້ອຍໆນັ້ນ ເປັນບັນຫາທີ່ສົ່ງກະທົບໄລຍະຍາວ ແລະໃຫຍ່ຫຼວງຕໍ່ສຸຂະພາບຂອງເດັກ ເພາະວ່າມັນຈະຂັດຂວາງພັດທະນາການຂອງເດັກນ້ອຍທັງໃນລະບົບເຄື່ອນໄຫວ ສະຕິປັນຍາ ສັງຄົມແລະຄວາມຮູ້ສຶກນໍາດ້ວຍ.
