ອົງການ NATO ກ່າວວ່າ ຕົນຈະຮັກສາ ກຳລັງທະຫານ ປະມານ
12,000 ຄົນ ໄວ້ໃນອັຟການິສຖານ ຕື່ມອີກປີນຶ່ງ ໃນປີ 2016 ເພື່ອ
ປ້ອງກັນປະເທດດັ່ງກ່າວ ບໍ່ໃຫ້ກາຍເປັນບ່ອນຫລົບລີ້ ສຳລັບພວກ
ກໍ່ການຮ້າຍອີກ.
ເລຂາທິການໃຫຍ່ຂອງອົງການ NATO ທ່ານ Jens Stoltenberg ໄດ້ກ່າວໃນວັນອັງຄານວານນີ້ວ່າ ກຸ່ມພັນທະມິດສັນຍາທີ່ຈະຮັກສາ
ກຳ ລັງ “ທະຫານປະມານ 12,000 ຄົນ” ອັນເປັນສ່ວນໜຶ່ງ ຂອງ
ໜ່ວຍປະຕິບັດການສະໜັບສະໜູນຂອງຕົນ ຢູ່ໃນຂົງເຂດນັ້ນ.
ທ່ານໄດ້ກ່າວອີກວ່າ ຕົວເລກດັ່ງກ່າວ ແມ່ນສອດຄ່ອງກັບໂຕເລກ
ກຳລັງທະຫານຂອງອົງການ NATO ໃນປັດຈຸບັນ ຢູ່ໃນ
ອັຟການິສຖານ.
ທ່ານ Stoltenberg ໄດ້ປະກາດ ກ່ຽວກັບການໃຫ້ຄຳສັນຍາດັ່ງກ່າວ ຫຼັງຈາກບັນດາລັດ
ຖະມົນຕີ ການຕ່າງປະເທດ ຂອງກຸ່ມພັນທະມິດ ໄດ້ຮັບຮອງເອົາການຕັດໃຈນັ້ນ.
ສະຫະລັດ ແລະ ບັນດາພັນທະມິດຂອງຕົນ ໄດ້ບຸກເຂົ້າໄປໃນອັຟການິສຖານ ເມື່ອປີ 2001 ຫຼັງຈາກມີການໂຈມຕີກໍ່ການຮ້າຍ ເມື່ອວັນທີ 11 ກັນຍາ ເພື່ອສູ້ລົບກັບກຸ່ມຕາລີບານ. ອົງການ NATO ໄດ້ຮັບໜ້າທີ່ ເປັນຜູ້ບັນຊາການ ໃນປີ 2003 ແຕ່ກຸ່ມພັນທະມິດ ໄດ້ຍຸດຕິປະຕິ ບັດການສູ້ລົບ ໃນປີ 2004 ແລ້ວຈົ່ງໄວ້ແຕ່ ໜ່ວຍປະຕິບັດການສະໜັບສະໜູນ ເທົ່ານັ້ນ.
ໃນປັດຈຸບັນນີ້ ພວກຫົວຮຸນແຮງຕາລີບານຍັງສືບຕໍ່ເພີ້ມທະວີການໂຈມຕີ ໃນຂະນະທີ່ ກຸ່ມລັດອິສລາມ ແມ່ນກຳລັງມີອິດທິພົນເພີ້ມຂຶ້ນ ຢູ່ໃນປະເທດອັຟການິສຖານ.
