ຣັດເຊຍວ່າ ເນໂຕ້ ຫັນກັບຄືນ ໄປສູ່ແນວຄິດ ສົງຄາມເຢັນ (ສະໄລດ໌/ວີດີໂອ)

ຣັດ​ເຊ​ຍ ກ່າວ​ຫາ ອົງການ​ເນ​ໂຕ້ ວ່າ​ກັບ​ຄືນ​ໄປສູ່ແນວຄິດ​
ສະໄໝສົງຄາມ​ເຢັນ​ອີກ ​ໂດຍ​ໂຈະການ​ຮ່ວມ​ມື​ກັບ ຣັດ​ເຊຍ
ຍ້ອນ ຣັດເຊຍ​ ເຂົ້າ​ຍຶດເອົາ​ເຂດ Crimea ຂອງ ຢູ​ເຄຣນ.

ຜູ້ຕາງໜ້າ ຣັດ​ເຊຍ ປະຈຳອົງການເນໂຕ້ ທ່ານ Alexander
Grushko ​ໄດ້ຂຽນ ລົງ​ຢູ່​ໃນໜ້າ Twitter ຂອງ​ທ່ານ​ໃນ​ວັນ
ພຸດ​ມື້​ນີ້​ວ່າ ສັນຊາດຕະຍານ​ໃນພື້ນຖານ ສົງຄາມ​ເຢັນ​ຂອງ
ອົງການ​ເນ​ໂຕ້ ​ໄດ້​ຕື່ນຄືນມາອີກ.

ບັນດາ​ລັດຖະມົນຕີຕ່າງປະ​ເທດ ກຸ່ມເນໂຕ້ ສືບຕໍ່ການ​ສົນທະ​ນາ​ຫາລືກັນ​ທີ່ ນະຄອນ​ບັສ​ເຊີ​ລ ​ໃນ​ວັນ​ພຸດ​ມື້​ນີ້ ກ່ຽວກັບ​ວິ​ກິດ​ການ​ໃນ ຢູ​ເຄຣນ.

ບັນດາ​ລັດຖະມົນຕີ ​ໄດ້​ພາກັນ​ຕັດສິ​ນໃຈ​ ໃນ​ວັນ​ອັງຄານ​ວານ​ນີ້ ເພື່ອ​ຍຸດຕິການ​ຮ່ວມ​ມືຢ່າງເປັນທາງການ ທັງ​ທາງດ້ານ​ພົນລະ​ເຮືອນ ແລະ​ດ້ານທະ​ຫານທັງໝົດ ກັບຣັດ
ເຊຍ.

​ເຂົາ​ເຈົ້າກ່າວ​ວ່າ ​ເຂົາ​ເຈົ້າບໍ່​ໃຫ້ການ​ຮັບ​ຮູ້​ກ່ຽວກັບ​ການປະກາດຍຶດ ເອົາແຫລມ Crimea ຂອງຢູເຄຣນເຂົ້າເປັນສ່ວນນຶ່ງຂອງ ຣັດເຊ ​ແລະຮຽກຮ້ອງ ​ໃຫ້ຣັດ​ເຊຍ ປະຕິ
ບັດ​ຕາມ​ກົດໝາຍ​ສາກົນ ​ໂດຍທັນ​ທີ.

ຊ່ອງ​ທາງດ້ານການ​ທູດ ລະຫວ່າງອົງການເນໂຕ້ ​ແລະມົສກູ ຍັງ​ເປີດ​ຢູ່​ຕໍ່​ໄປ. ໃນ​ຂະນະ
​ດຽວ​ກັນ ຣັດ​ເຊຍ​ ກ່າວ​ຫາ ທະນາຄານ​ຍັກ​ໃຫຍ່ J.P Morgan ຂອງ ສະຫະລັດວ່າ ກີດ
ກັ້ນ​ຢ່າງຜິດກົດໝາຍ ຕໍ່ການ​ໂອນ​ເງິນສົດ ​ຈາກສະຖານທູດ ຂອງ​ຕົນ ​ໃນ Kazakhs-
tan ໄປໃຫ້ບໍລິສັດນຶ່ງຂອງຣັດ​ເຊຍ.

ຖະແຫລ​ງການສະບັບນຶ່ງ ຂອງກະຊວງຕ່າງປະ​ເທດ ຣັດ​ເຊຍ ຮ້ອງການ​ເຄື່ອນ​ໄຫວ
ຂອງ ທະນາຄານ J.P Morgan ວ່າ “​ເປັນ​ທີ່​ຮັບ​ບໍ່​ໄດ້ ຜິດ​ກົດໝາຍ ​ແລະ ບໍ່​ມີ​ເຫດ​ມີ​ຜົນ” ​ແລະ​ເຕືອນວ່າ ​ການ​ກີດ​ກັ້ນ​ນີ້ຈະພາໃຫ້ເກີດ “​ຜົນທີ່ຕິດຕາມ​ມາ​ຕ່າງ​ໆ” ​ແກ່​ສະຖານທູດ ສະຫະລັດ ​ໃນຣັດ​ເຊຍ.
​