ຫຼາຍປະເທດພັນທະມິດຂອງອົງການ NATO ໄດ້ສະແດງການສະໜັບສະໜູນເພື່ອຂະຫຍາຍງົບປະມານໃຊ້ຈ່າຍດ້ານການປ້ອງກັນປະເທດ, ໃນຂະນະດຽວກັນ ກໍໄດ້ເນັ້ນຢ້ຳເຖິງຄວາມຕ້ອງການສຳລັບ ຢູເຄຣນ ແລະ ປະເທດ ຢູໂຣບ ອື່ນໆ ໃຫ້ເປັນສ່ວນນຶ່ງຂອງການເຈລະຈາໃດໆເພື່ອສິ້ນສຸດສົງຄາມຂອງ ຣັດເຊຍ ກັບ ຢູເຄຣນ.
ຄຳເຫັນດັ່ງກ່າວໄດ້ມີຂຶ້ນໃນຂະນະທີ່ບັນດາລັດຖະມົນຕີປ້ອງກັນປະເທດຂອງອົງການ NATO ໄດ້ເຕົ້າໂຮມກັນ ໃນນະຄອນຫຼວງ ບຣັສໂຊລສ໌ ປະເທດ ແບລຈຽມ ສຳລັບກອງປະຊຸມທີ່ເພັ່ງເລັງໃສ່ເປົ້າໝາຍການໃຊ້ຈ່າຍດ້ານການປ້ອງກັນປະເທດ, ຂະຫຍາຍຄວາມສາມາດທາງດ້ານອຸດສາຫະກຳ ແລະ ການສະໜັບສະໜູນສຳລັບ ຢູເຄຣນ.
ການປະຊຸມດັ່ງກ່າວໄດ້ເກີດຂຶ້ນທ່າມກາງການຜັກດັນຂອງ ສະຫະລັດ ເພື່ອໃຫ້ບັນດາພັນທະມິດອົງການ NATO ຈັດສັນງົບປະມານປ້ອງກັນພາຍໃນປະເທດຫຼາຍຂຶ້ນ, ແລະ ປະທານາທິບໍດີ ສະຫະລັດ ທ່ານ ດໍໂນລ ທຣຳ ໄດ້ໃຫ້ສັນຍານວ່າ ທ່ານຈະຈັດການເຈລະຈາກັບປະທານາທິບໍດີ ຣັດເຊຍ ທ່ານ ວລາດີເມຍ ປູຕິນ ໃນໄວໆນີ້.
ລັດຖະມົນຕີປ້ອງກັນປະເທດ ອັງກິດ ທ່ານ ຈອນ ຮີລີ ໄດ້ກ່າວຕໍ່ບັນດານັກຂ່າວ ກ່ອນກອງປະຊຸມລະດັບລັດຖະ ມົນຕີ ວ່າ “ມັນບໍ່ສາມາດມີການເຈລະຈາກ່ຽວກັບ ຢູເຄຣນ ໂດຍປາສະຈາ ຢູເຄຣນ. ແລະ ສຽງຂອງ ຢູເຄຣນ ຕ້ອງເປັນໝາກຫົວໃຈຂອງທຸກໆການເຈລະຈາ.”
ລັດຖະມົນຕີປ້ອງກັນປະເທດ ເຢຍຣະມັນ ທ່ານ ບໍຣິສ ປິສໂຕຣຽສ ກ່າວວ່າ ໂອກາດໃນການເປັນສະມາຊິກອົງການ NATO ຂອງ ຢູເຄຣນ ແລະວ່າ ການຍິນຍອມເສຍເຂດແດນໃດໆຂອງເຂົາເຈົ້າຫຼືບໍ່ນັ້ນ ບໍ່ຄວນຖືກຕັດສິນກ່ອນເລີ່ມຕົ້ນການເຈລະຈາໃດໆ.
ທ່ານ ປິສໂຕຣຽສ ໄດ້ກ່າວຕໍ່ບັນດານັກຂ່າວວ່າ ທ່ານເສຍໃຈ ກ່ຽວກັບ ສິ່ງທີ່ທ່ານເອີ້ນວ່າ ການຍິນຍອມໃດໆທີ່ກ່າວໂດຍ ສະຫະລັດ ກ່ອນການເຈລະຈາທີ່ອາດເປັນໄປໄດ້, ເຊິ່ງເປັນການອ້າງເຖິງຄຳເວົ້າເມື່ອວັນພຸດວານນີ້ ໂດຍລັດຖະມົນຕີປ້ອງກັນປະເທດ ສະຫະລັດ ທ່ານ ພີດ ເຮກເຊັດ ຜູ້ທີ່ໄດ້ກ່າວວ່າ ການທີ່ ຢູເຄຣນ ຈະຮັກສາເຂດແດນກ່ອນການບຸກລຸກໄວ້ຄືເກົ່ານັ້ນ ແມ່ນ “ເປົ້າໝາຍທີ່ບໍ່ເປັນຄວາມຈິງ.”
ທ່ານ ເຮກເຊັດ ໄດ້ສະໜັບສະໜູນສຳລັບການສິ້ນສຸດສົງຄາມຜ່ານການເຈລະຈາ ດ້ວຍການຮັບປະກັນຄວາມໝັ້ນຄົງທີ່ຖືກໜູນຫຼັງໂດຍກອງກຳລັງ ຢູໂຣບ ແລະ ບໍ່ແມ່ນຢູໂຣບ ທີ່ຖືກສົ່ງໄປປະຈຳການພາຍໃຕ້ພາລະກິດທີ່ບໍ່ແມ່ນຂອງອົງການ NATO. ທ່ານໄດ້ປະຕິເສດການສົ່ງກຳລັງທະຫານ ສະຫະລັດ ໄປ ຢູເຄຣນ.
ລັດຖະມົນຕີປ້ອງກັນປະເທດ ລັກເຊັມເບີກ ທ່ານ ຢູຣີໂກ ແບັກສ໌ ໄດ້ກ່າວຕໍ່ບັນດານັກຂ່າວ ໃນວັນພະຫັດມື້ນີ້ວ່າ ພັນທະມິດທຸກປະເທດຕ້ອງສືບຕໍ່ຊ່ວຍເຫຼືອ ຢູເຄຣນ.
ອ່ານຂ່າວນີ້ເປັນພາສາອັງກິດ
Multiple NATO allies expressed support Thursday for boosting defense spending, while highlighting the need for Ukraine and other European nations to be a part of any negotiated end to Russia’s war against Ukraine.
The comments came as NATO defense ministers gathered in Brussels for a meeting focused on defense spending targets, boosting industrial capacity and support for Ukraine.
“There can be no negotiation about Ukraine without Ukraine. And Ukraine’s voice must be at the heart of any talks,” British Defense Secretary John Healey told reporters just ahead of the ministerial.
German Defense Minister Boris Pistorius said Ukraine’s potential membership in NATO and whether it should concede any territory should not be decided before peace talks start.
Pistorius told reporters he regretted what he called concessions made by the United States ahead of any potential negotiations, referencing comments Wednesday by U.S. Defense Secretary Pete Hegseth who said Ukraine keeping its pre-invasion boundaries is an “unrealistic objective.”
Hegseth advocated for a negotiated end to the war with security guarantees backed by European and non-European troops that are deployed under a non-NATO mission. He ruled out deploying U.S. troops to Ukraine.
Luxembourg’s Defense Minister Yuriko Backes told reporters Thursday that all allies need to continue to support Ukraine.
ຟໍຣັມສະແດງຄວາມຄິດເຫັນ