ໃນອີກຂ່າວນຶ່ງກ່ຽວກັບ NATO ນັ້ນ ອົງການ NATO
ແລະ ອັຟການິສຖານ ໄດ້ເຊັນຂໍ້ຕົກລົງນຳກັນ ໃນຕອນ
ປິດກອງປະຊຸມສຸດຍອດ 2 ວັນຂອງ NATO ທີ່ນະຄອນ
ຫລວງ Lisbon ຂອງປອກຕຸຍກາລ ໃນມື້ວັນເສົາວານນີ້
ເພື່ອຮັບປະກັນຄວາມໝາຍໝັ້ນໄລຍະ ຍາວຂອງຝ່າຍພັນ
ທະມິດ ຕໍ່ການມີໜ້າຢູ່ອັຟການິສຖານ ແລະພາກພື້ນດັ່ງ
ກ່າວ ພາຍຫລັງ ທີ່ຝ່າຍພັນທະມິດໄດ້ຍຸດຕິການສູ້ຮົບທາງ
ທະຫານລົງ ໃນປີ 2014.
ໃນກອງປະຊຸມຖະແຫລງຂ່າວ ທີ່ມີປະທານາທິບໍດີ
Afghanistan ທ່ານ Hamid Kazai ແລະ ເລຂາ
ທິການໃຫຍ່ສະຫະປະຊາຊາດ ທ່ານພັນ ກີມູນ ເຂົ້າ
ຮ່ວມນຳນັ້ນ ທ່ານ Anders Fogh Rasmussen
ຫົວໜ້າອົງການ NATO ເວົ້າວ່າ ຂໍ້ຕົກລົງສະບັບນີ້
ເປັນສັນຍານບອກໃຫ້ປະຊາຊົນອັຟການິສຖານ ຮູ້ວ່າ
ຝ່າຍພັນທະມິດຍັງຈະສືບຕໍ່ມຸ້ງໝັ້ນ ໃນການຊ່ວຍເຫລືອອັຟການິສຖານ ເປັນເວລາຍາວນານ ກາຍປີ 2014 ໄປອີກ.
