ອົງການເນໂຕ້ກ່າວວ່າ ຕົນຈະບໍ່ປະຖິ້ມອັຟການິສຖານ ໃຫ້ແກ່ພວກສັດຕູທັງໆທີ່ໄດ້ມີ
ການໃຊ້ຈ່າຍທາງດ້ານການເງິນຢ່າງໜັກ.
ສະຫະລັດແລະອົງການເນໂຕ້ ມີແຜນທີ່ຈະຖອນກຳລັງສູ້ລົບຂອງຕົນອອກຈາກອັຟການິ
ສຖານໃນປີ 2014 ແລະໃນຄຳປາໄສທີ່ມີການຕຽມລ່ວງໜ້າໃນວັນພຸດມື້ນີ້ທ່ານ Anders
Fogh Rasmussen ເລຂາທິການໃຫຍ່ຂອງອົງການເນໂຕ້ໄດ້ເຕຶອນພວກທີ່ຢາກຈະ
ບ່ອນທຳລາຍລັດຖະບານອັຟ ການີສຖານນັ້ນວ່າ ພວກທ່ານບໍ່ສາມາດລໍຖ້າ ໃຫ້ພວກ
ເຮົາຖອນອອກໄປ ໂດຍກ່າວວ່າ ພວກເຂົາເຈົ້າຈະພົບພໍ້ກັບກໍາລັງຮັກສາຄວາມປອດໄພ
ທີ່ເຂັ້ມ ແຂງຂອງອັຟການີສຖານ ທີ່ເຂົ້າຮັບໜ້າທີ່ແທນອົງການເນໂຕ້.
ທະຫານຕ່າງປະເທດຢູ່ອັຟການິສຖານ
- ສະຫະລັດ 90,000
- ອັງກິດ 9,500
- ເຢຍຣະມັນ 4,800
- ອີຕາລີ 3,950
- ຝຣັ່ງ 3,600
- ໂປແລນ 2,500
- ໂຣມາເນຍ 1,900
- ເທີກີ 1,850
- ອອສເຕຍເລຍ 1,550
- ສະເປນ 1,500
- ແຫຼ່ງຂ່າວ: ISAF
ບັນດາເຈົ້າໜ້າທີ່ອະວຸໂສຂອງສະຫະລັດແລະອົງການເນໂຕ້ກໍາລັງປະຊຸມ ກັນທີ່ນະຄອນ
Brussels ປະເທດເບລຢ້ຽມເພື່ອວາງແຜນການຖອນກຳ ລັງສູ້ລົບຕ່າງປະເທດ ຈໍານວນ
ທີ່ຍັງເຫລືອ 130,000 ຄົນອອກຈາກອັຟ ການີສຖານ ພ້ອມທັງວິທີການໃຊ້ຈ່າຍໃຫ້ແກ່
ກໍາລັງຮັກສາຄວາມປອດໄພຂອງອັຟການີສຖານຢ່າງມີປະສິດທິຜົນ. ການປຶກສາຫາລື
ກັນຄັ້ງນີ້ ແມ່ນຈະວາງແນວທາງປະຕິບັດສໍາລັບກອງປະຊຸມສຸດຍອດຂອງບັນດາຜູ້ນໍາອົງ
ການເນໂຕ້ທີ່ນະຄອນ Chicago ໃນເດືອນໜ້ານີ້.
ເມື່ອວັນອັງຄານວານນີ້ ທ່ານ ຮາມິດ ກາຊາຍ ປະທານາທິບໍດີອັຟການີສ ຖານ ກ່າວວ່າ
ທ່ານຕ້ອງການໃຫ້ສະຫະລັດຈ່າຍເງິນຈໍານວນ 2 ພັນລ້ານໂດລາຕໍ່ປີ ເພື່ອເປັນງົບປະ
ມານແກ່ກໍາລັງຮັກສາຄວາມປອດໄພຂອງອັຟ ການີສຖານ ຫລັງຈາກການມອບໂອນພາ
ລະກິດຮັກສາຄວາມປອດໄພໃນປີ 2014 ນີ້ ແຕ່ທ່ານ Rasmussen ແລະບັນດາເຈົ້າໜ້າ
ທີ່ສະຫະລັດໄດ້ແນະໃຫ້ເຫັນວ່າ ຄ່າໃຊ້ຈ່າຍແມ່ນອາດສູງເກືອບ 4 ພັນລ້ານໂດລາຕໍ່ປີ.