ພວກລັດຖະມົນຕີປ້ອງກັນປະເທດຂອງກຸ່ມເນໂຕ້ກໍາລັງປະຊຸມກັນໃນວັນພະຫັດມື້ນີ້ທີ່ນະ
ຄອນຫຼວງ Brussels ປະເທດເບລຢ້ຽມ ເພື່ອປຶກສາຫາລືກັນເຖິງການປ່ຽນແປງທີ່ອາດ
ເປັນໄປໄດ້ຕໍ່ຍຸດທະສາດຂອງພວກພັນທະມິດໃນອັຟການີສຖານ ຊຶ່ງລວມທັງຍຸຕິການປະ
ຕິບັດການສູ້ລົບ ໄວກ່ອນແຜນ ການທີ່ກໍານົດໄວ້ນັ້ນ.
ທ່ານ Leon Panetta ລັດຖະມົນຕີປ້ອງກັນປະເທດສະຫະລັດ ແລະ ທ່ານ ນິໂຄລາສ
ຊາໂກຊີ ປະທານາທິບໍດີຝຣັ່ງ ຕ່າງກໍໄດ້ແນະນໍາວ່າກໍາລັງປະສົມຄວນຈະຍຸຕິການສູ້ລົບ
ຂອງຕົນລົງໃນປີ 2013 ກ່ອນແຜນ ການທີ່ໄດ້ວາງໄວ້ແລ້ວນັ້ນນຶ່ງປີ ແລະປ່ຽນໄປເປັນ
ການເຝິກ ແລະໃຫ້ຄໍາແນະນໍາແກ່ກອງທັບອັຟການີສຖານ ໄປຈົນເຖິງປີ 2014.
ທ່ານ Panetta ໄດ້ໃຫ້ຄວາມເຫັນດັ່ງກ່າວເມື່ອວັນພຸດວານນີ້ ຢູ່ເທິງເຄື່ອງ ບິນຕອນມຸ້ງ
ໜ້າໄປຍັງນະຄອນຫຼວງ Brussels ປະເທດເບລຢ້ຽມ. ທ່ານ ພາແນດຕ້າໄດ້ບອກພວກ
ນັກຂ່າວທີ່ເດີນທາງຮ່ວມໄປກັບທ່ານນັ້ນວ່າຫວັງ ຢ່າງຍິ່ງວ່າໃນໄລຍະກາງ ຫາທ້າຍປີ
2013 ພວກເຮົາຈະສາມາດຫັນປ່ຽນຈາກບົດບາດການສູ້ລົບ ໄປເປັນການເຝິກແອບ ໃຫ້
ຄໍາແນະນໍາ ແລະໃຫ້ ຄວາມຊ່ວຍເຫລືອ.
ທ່ານ ພາແນດຕ້າ ລັດຖະມົນຕີປ້ອງກັນປະເທດສະຫະລັດເອີ້ນປີ 2013 ວ່າ ເປັນປີຫົວ
ລ້ຽວຫົວຕໍ່ສໍາຫຼັບການໂອນຂັ້ນສຸດທ້າຍຂົງເຂດຕ່າງໆທີ່ຍັງເຫຼືອນັ້ນໃຫ້ແກ່ກອງທັບອັຟ
ການີສຖານ. ທ່ານພາແນດຕ້າກ່າວອີກວ່າເວລານີ້ຍັງບໍ່ທັນມີການຕັດສິນໃຈໃດໆເທື່ອ
ກ່ຽວກັບຈໍານວນທະຫານສະຫະລັດຈະຍັງເຫຼືອຢູ່ໃນອັຟການີສຖານຫຼາຍປານໃດ ເວລາ
ພາລະກິດການ ສູ້ລົບສິ້ນສຸດລົງ.
ກອງປະຊຸມບັ້ນດັ່ງກ່າວມີຂຶ້ນພຽງບໍ່ເທົ່າໃດມື້ ຫຼັງຈາກລາຍງານຂອງເນໂຕ້ທີ່ຮົ່ວໄຫຼອອກ
ມາເຜີຍໃຫ້ຮູ້ວ່າສະມາຊິກຂອງກຸ່ມຕາລິບານໝັ້ນໃຈວ່າພວກເຂົາເຈົ້າສາມາດກັບຄືນເຂົ້າ
ໄປກໍາອໍານາດຢູ່ໃນອັຟການີສຖານໄດ້ອີກ ຫຼັງ ຈາກກໍາລັງທະຫານຝ່າຍປະສົມຖອນ
ອອກໄປແລ້ວ.
