ຜູ້ໂຈມຕີສະລະຊີບທີ່ປອມໂຕເປັນແມ່ຍິງໂດຍໃສ່ຜ້າຄຸມໜ້າ ໄດ້ບີບຄະນວນລະເບີດໃຫ້
ແຕກຂຶ້ນທີ່ຕະຫຼາດແຫ່ງນຶ່ງ ໃນພາກຕາເວັນອອກຂອງອັຟການິສຖານ ໃນວັນເສົາມື້ນີ້
ເຮັດໃຫ້ທະຫານຝຣັ່ງທີ່ສັງກັດ ຢູ່ໃນກຳລັງເນໂຕ້ 4 ຄົນເສຍຊີວິດ ແລະອີກ 5 ຄົນໄດ້
ຮັບບາດເຈັບ.
ຖະແຫລງການຈາກທຳນຽບປະທານາທິບໍດີຝຣັ່ງ ທ່ານ Francois Holland ແຈ້ງວ່າ
ສາມຄົນໃນຈໍານວນຂອງຜູ້ໄດ້ຮັບບາດເຈັບ ແມ່ນມີອາການສາຫັດ.
ປະທານາທິບໍດີ Holland ໄດ້ສົ່ງລັດຖະມົນຕີປ້ອງກັນປະເທດ ທ່ານ Jean-Yves
Le Drian ໄປຍັງອັຟການິສຖານ ຫລັງຈາກການໂຈມຕີໃນມື້ນີ້.
ວີດີໂອ ໂຄສົກເນໂຕ້ປະກາດຂ່າວການເສຍຊີວິດຂອງທະຫານຝຣັ່ງ:
ເຈົ້າໜ້າທີ່ອັຟການິສຖານກ່າວວ່າ ເຫດຮ້າຍດັ່ງກ່າວເກີດຂື້ນທີ່ແຂວງ Kapisa ບ່ອນ
ທີ່ສ່ວນໃຫ່ຍຂອງກຳລັງເນໂຕ້ແມ່ນທະຫານຝຣັ່ງ.
ກຸ່ມທາລີບານ ໄດ້ອ້າງເອົາຄວາມຮັບຜິດຊອບໃນການໂຈມຕີ ໂດຍກ່າວວ່າ ທັງກໍາລັງທະຫານຝຣັ່ງແລະທະຫານອັຟການິສຖານໄດ້ຮັບບາດເຈັບລົ້ມຕາຍ.
ທ່ານ Holland ໄດ້ປະກາດໃນເດືອນແລ້ວນີ້ວ່າ ຝຣັ່ງຈະຖອນທະຫານສ່ວນໃຫຍ່ຂອງ
ຕົນອອກຈາກອັຟການິສຖານພາຍໃນທ້າຍປີນີ້ ສອງປີກ່ອນກຳນົດທີ່ ໄດ້ຕົກລົງກັນໄວ້
ກັບອົງການເນໂຕ້.
ການວາງລະເບີດທີ່ແຂວງ Kapisa ໃນວັນເສົາມື້ນີ້ ເປັນການໂຈມຕີທີ່ຮ້າຍແຮງສຸດຄັ້ງ
ທີ່ສອງຕໍ່ທະຫານເນໂຕ້. ຫວ່າງບໍ່ນານຜ່ານມານີ້ ເນໂຕ້ໄດ້ລາຍງານວ່າ ສະມາຊິກຄົນ
ນຶ່ງຂອງຕົນໄດ້ຖືກລະເບີດຕາຍ.