ອົງການ ອະວະກາດ ແຫ່ງຊາດ ສະຫະລັດ ກັບຄືນໄປສູ່ດວງຈັນ (ວີດິໂອ)

ອົງການ​ອະວະກາດ​ແຫ່ງ​ຊາດ​ຂອງສະຫະລັດ ຫລື NASA ກໍາ
ລັງ​ກັບ​ຄືນ​ ​ໄປສູ່​ດວງເດືອນອີກ​ຄັ້ງ​ນຶ່ງ.

ຈະ​ຫລວດ​ທີ່​ບໍ່​ມີ​ຄົນ​ຂັບ ​ໄດ້​ຖືກຍິງ​ຂື້ນສູ່​ທ້ອງຟ້າ ​ໃນ​ຕອນ​ແລງ​
ວັນ​ສຸກ​ວານ​ນີ້ ຈາກແຄມ​ຝັ່ງກໍ້າຕາ​ເວັນ​ອອກຂອງ ລັດ​ເວີ​ຈີ​ເນຍ
ເພື່ອ​ນໍາ​ເອົາຫຸ່ນ​ຍົນ​ສໍາ​ຫລວດຂຶ້ນ​ໄປ​ປ່ອຍ​ສູ່​ວົງ​ໂຄຈອນ ເພື່ອ​
ໄປ​ສຶກສາເບິ່ງບັນຍາ​ກາດ​ ແລະ​ຂີ້​ຝຸ່ນ ຢູ່​ເທິງ​ດວງ​ເດືອນ.


ຫຸ່ນ​ຍົນດັ່ງກ່າວ ທີ່​ມີ​ຊື່ວ່າ ຫຸ່ນ​ຍົນ​ສໍາ​ຫລວດ​ ບັນຍາກາດ​ແລະ​ຂີ້ຝຸ່ນຂອງ​ເດືອນ ​ເອີ້ນ​ຫຍໍ້​ວ່າ LADEE (Lunar Atmospheric and Dust Environment Explorer) ແລະມີ​ຂະໜາ​ດສໍ່າ​ກັບ​ລົດນ້ອຍຄັນ​ນຶ່ງນັ້ນ ຈະ​ເກັບ​ກໍາ​ເອົາ​ຂໍ້​ມູນ​ເປັນ​ເວລາ 100 ມື້ ​ໃນ​ຂະນະ​ທີ່​ໂຄຈອນ​ອ້​ອມ​ເດືອນ.

ບັນດາ​ນັກວິທະຍາສາດ ຕ້ອງການ​ສຶກສາ​ເພີ້​ມ​ເຕີມ​ກ່ຽວ​ ​ກັບ​ບັນຍາກາດ​ອັນບາງໆ​ຂອງ
ເດືອນ ​ເພາະ​ເຂົາ​ເຈົ້າຄິດ​ວ່າ ອາ​ດຈະ​ຄື​ກັນ​ກັບ​ຢູ່​ໃນລະບົບ​ສຸລິຍະ​ຈັກກະວານ​ຂອງ​ມະ​ນຸດ​ ກໍ​ໄດ້.

ວີດິໂອ ກ່ຽວກັບ ຍານສໍາຫລວດ LADEE: