ທີ່ປະເທດຍີ່ປຸ່ນ ໃນວັນເສົາມື້ນີ້ ປະຊາກອນຫລາຍສິບພັນຄົນ
ໄດ້ພາກັນໄປຮ່ວມໃນພິທີທີ່ຈັດຂຶ້ນ ເພື່ອເປັນຂີດໝາຍຄົບ
ຮອບ 69 ປີ ຂອງການຖີ້ມລະເບີດນິວເຄລຍ ໃສ່ເມືອງ
Nagasaki.
ຜູ້ລອດຊີວິດມາໄດ້ທີ່ເຖົ້າແກ່ແລ້ວຫລາຍພັນຄົນ ບັນດາເຈົ້າ
ໜ້າທີ່ລັດຖະບານ ແລະຜູ້ຕາງໜ້າຈາກປະເທດອື່ນໆ ຮວມ
ທັງ ເອກອັກຄະລັດຖະທູດສະຫະລັດ ປະຈຳຍີ່ປຸ່ນ ທ່ານນາງ
Caroline Kennedy ແລະນາຍົກລັດຖະມົນຕີຍີ່ປຸ່ນ ທ່ານ
Shinzo Abe ໄດ້ເຂົ້າຮ່ວມພິທີ ຢູ່ທີ່ສວນສາທາລະນະ
Peace Park ຂອງເມືອງ.
ໃນຄຳຖະແຫລງຕໍ່ຝຸງຊົນ ເຈົ້າເມືອງ Nagasaki ທ່ານ Tomihisa Taue ໄດ້ຮຽກຮ້ອງໃຫ້ລັດຖະບານ ທ່ານ Abe ຈົ່ງຟັງຫາງສຽຂອງປະຊາຊົນ ແລະຢ່າປະລະທ່າຢືນທີ່ນິຍົມສັນຕິພາບ ຂອງຍີ່ປຸ່ນ.
ຍີ່ປຸ່ນກຳລັງຖືກແບ່ງແຍກ ຍ້ອນການຕັດສິນໃຈຂອງລັດຖະບານ ທີ່ອະນຸຍາດ ໃຫ້ກອງ
ທັບຂອງຕົນ ໄປປ້ອງກັນຕ່າງປະເທດ ແລະຫລີ້ນບົດບາດໃຫຍ່ກ່ວາເກົ່າ ຢູ່ນອກປະເທດ.
