ຊາວບ້ານຫລາຍຮ້ອຍຄົນ ຢູ່ພາກກາງຂອງມຽນມາ ໄດ້ພາກັນ
ຈັດຕັ້ງການປະທ້ວງ ເພື່ອຮຽກຮ້ອງໃຫ້ປ່ອຍໂຕນັກເຄື່ອນໄຫວ
ຄົນນຶ່ງ ທີ່ພົວພັນກັບການລັກ ພາໂຕເປັນລະຍະສັ້ນໆຂອງພະ
ນັກງານສອງຄົນທີ່ເຮັດວຽກຢູ່ບໍ່ທອງແດງຂອງຈີນໃນປີນີ້.
ຄູບາອົງນຶ່ງໃນເຂດ Letpadaung ກ່າວຕໍ່ວີໂອເອ ວ່າ ພວກ
ຊາວບ້ານ 500 ຫາ 600 ຄົນ ພາກັນປະທ້ວງແບບສະຫງົບ
ຢູ່ໃນຫຼາຍໆໝູ່ບ້ານໃນວັນຈັນວານນີ້ ເພື່ອຢາກໃຫ້ປ່ອຍໂຕ
ທ້າວ Phyu Hnin Htway ສະມາຊິກ ສະຫະພັນນັກສຶກສາ
ຄົນນຶ່ງ ຜູ້ທີ່ໄດ້ຖືກກັກຂັງ ໃນວັນເສົາທີ່ຜ່ານມາ.
ທ້າວ Ye Yint Kyaw ສະມາຊິກນັກສຶກສາອີກຄົນນຶ່ງ ກ່າວຕໍ່ ວີໂອເອ ວ່າ ເພື່ອນຂອງ
ລາວກຳລັງປະເຊີນໜ້າກັບການກ່າວຫາຢູ່ໃນສອງຄວາມຜິດ ຮວມທັງການລັກພາໂຕ.
ຍັງບໍ່ທັນເປັນທີ່ແຈ່ມແຈ້ງເທຶ່ອວ່າ ໄດ້ມີການຍື່ນຟ້ອງຢ່າງເປັນທາງການແລ້ວຫຼື ບໍ່.
ການກ່າວຫາ ແມ່ນເກີດຈາກເຫດການໃນເດືອນພຶດສະພາ ຊຶ່ງກຸ່ມນ້ອຍໆພາກັນລັກພາ
ໂຕພະນັກງານຈີນສອງຄົນຈາກ ໄປຈາກບໍ່ທອງແດງ ທີ່ຢູ່ໃກ້ໆນັ້ນ. ການຂະຫຍາຍບໍ່ແຮ່
ທີ່ຈີນເປັນເຈົ້າຂອງ ໄດ້ພາໃຫ້ມີການປະທ້ວງຢູ່ເລື້ອຍໆຈາກບັນ ດາຜູ້ຄົນໃນທ້ອງຖິ່ນ ທີ່
ກ່າວວ່າ ເຂົາເຈົ້າບໍ່ໄດ້ຮັບການຕອບແທນທີ່ທ່ຽງທໍາ ຈາກ ທີ່ດິນ ແລະມີຄວາມເປັນຫ່ວງ ກ່ຽວກັບຜົນກະທົບຕໍ່ສິ່ງແວດລ້ອມ.
ຊາວບ້ານ 5 ຄົນ ບໍ່ໄດ້ຖືກກ່າວຫາ ຫລັງຈາກເຂົາເຈົ້າໄດ້ມອບໂຕ ລຸນຫລັງທີ່ ໄດ້ມີການ
ເຈລະຈາປ່ອຍໂຕພະນັກງານຈີນ. ແຕ່ທ້າວ Phyu Hnin Htway ແລະຊາວບ້ານອີກຜູ້
ນຶ່ງ ບໍ່ໄດ້ໄປລາຍງານໂຕໃຫ້ຕຳຫລວດຊາບ.
