ມຽນມາ ໄດ້ຕັດສິນລົງໂທດ ນັກໜັງສືພິມສີ່ຄົນ ແລະຜູ້ພິມວາລະ
ສານຄົນນຶ່ງ ໃຫ້ຕິດຄຸກ 10 ປີ ໃນຖານລະເມີດກົດໝາຍວ່າດ້ວຍ
ຄວາມລັບຂອງປະເທດ.
ຫົວໜ້າບັນນາທິການ ທ່ານ Tint San ແລະນັກຂ່າວສີ່ຄົນ ຂອງ
ວາລະສານ Unity ໄດ້ຖືກຈັບໃນເດືອນມັງກອນປີນີ້ ຫລັງຈາກ
ເຂົາເຈົ້າໄດ້ລາຍງານ ກ່ຽວກັບໂຮງງານພະລິດເຄມີ ແລະອາວຸດ
ທີ່ມີການສົງໄສກັນນັ້ນ ຢູ່ພາກເໜືອຂອງ ມຽນມາ.
ທະນາຍຄວາມຂອງຈຳເລີຍ ທ່ານ Kyaw Lin ໄດ້ກ່າວຕໍ່ ວີໂອເອ
ພະແນກພາ ສາມຽນມາວ່າ ທ່ານຫວັງວ່າ ຄຳຕັດສິນຈະຖືກຕ່າວ
ປິ້ນໃນທີ່ສຸດ ໂດຍການຂໍອຸ ທອນ.
ທ່ານ Kyaw Lin ເວົ້າວ່າ “ພວກເຮົາຍັງສາມາດຂໍອຸທອນຕໍ່ຄຳຕັດສິນນີ້ ກ່ອນອຶ່ນໄປຫາ
ສານເຂດ ແລະຫລັງຈາກນັ້ນຂຶ້ນໄປຫາສານສູງສຸດຂອງສະຫະພາບ. ຂ້າພະເຈົ້າ ຈະດຳ
ເນີນການແບບນີ້ ຖ້າຫາກລູກຄວາມມີຄວາມປາດຖະໜາ ແຕ່ ຂ້າພະເຈົ້າບໍ່ມີຄວາມຫວັງ
ໃນບາດກ້າວທຳອິດ ແລະມີຄວາມຫວັງໃນແງ່ດີຂຶ້ນສຳ ລັບຂັ້ນທີສອງ."
ເລຂາທິການສະພານັກຂ່າວມຽນມາ ທ່ານ Zaw Thet Htwe ໄດ້ຕິຕຽນການຕັດສິນລົງ
ໂທດຢ່າງໜັກນີ້ ແລະກ່າວວ່າ ມັນຈະເປັນໄພຕໍ່ຄວາມສໍາພັນໃນການປະຕິບັດງານ ລະຫວ່າງ
ສື່ມວນຊົນແລະລັດຖະບານ.
