ປະທານສະພາມຽນມາກ່າວວ່າ ລັດຖະທຳມະນູນທີ່ຮ່າງຂຶ້ນ
ມາໂດຍພວກທະຫານ ຊຶ່ງຫ້າມບໍ່ໃຫ້ຜູ້ນຳຝ່າຍຄ້ານ ທ່ານ
ນາງ Aung San Su Kyi ສະມັກເປັນປະທານາທິບໍດີໄດ້
ນັ້ນ ບໍ່ສາມາດປ່ຽນແປງໄດ້ ກ່ອນການເລືອກຕັ້ງໃນເດືອນ
ພະຈິກ ປີໜ້ານີ້.
ໃນການຖະແຫຼງຕໍ່ບັນດານັກຂ່າວ ທີ່ນະຄອນຫລວງ Nay-
pyidaw ໃນວັນອັງຄານວານນີ້ ທ່ານ Shwe Mann ກ່າວວ່າ
ບັນດາຜູ້ປ່ອນບັດ ສາມາດເຂົ້າຮ່ວມການລົງປະຊາມະຕິແຫ່ງ
ຊາດ ກ່ຽວກັບການປ່ຽນແປງ ລັດຖະທຳມະນູນ ໃນເດືອນພຶດ
ສະພາ. ທ່ານກ່າວວ່າ ມັນຈະເປັນໄປບໍ່ໄດ້ສຳລັບການປ່ຽນ
ແປງໃດໆກໍຕາມ ທີ່ຈະມີຜົນບັງຄັບໃຊ້ໃນທັນທີໂລດ.
ທ່ານ Shwe Maan ກ່າວວ່າ “ຮ່າງກົດໝາຍຈຳນວນນຶ່ງ ແມ່ນຈຳເປັນຕ້ອງ ໄດ້ມີການລົງປະຊາມະຕິ. ພວກເຮົາຕ້ອງການໃຫ້ປະຊາຊົນປ່ອນບັດລົງຄະແນນສຽງເອົາ. ນີ້ຈະມີຂື້ນໃນເດືອນພຶດສະພາ ປີ 2015. ຜົນຂອງການລົງປະຊາມະ ຕິດັ່ງກ່າວ ຈະຕ້ອງໄດ້ຮັບການ
ໃຫ້ສັດຕະຍາບັນຈາກສະພາສູງ ແລະສະພາຕໍ່າ ທີ່ຈະເຂົ້າປະຊຸມຫລັງຈາກການເລືອກຕັ້ງ ໃນປີ 2015.”
ທ່ານ ບໍ່ໄດ້ບັນລະຍາຍວ່າ ເປັນຫຍັງການປ່ຽນແປງຕ້ອງລໍຖ້າຈົນເຖິງການເຂົ້າ ປະຕິບັດງານຂອງສະພາຊຸດໜ້າ.
ທ່ານ Aung Kyi Nyunt ແມ່ນສະມາຊິກສະພາຄົນນຶ່ງຂອງຈາກພັກສັນນິບາດ ແຫ່ງຊາດ
ເພື່ອປະຊາທິປະໄຕຂອງທ່ານນາງ Aung Sa Su Kyi ກ່າວຕໍ່ ວີໂອເອ ວ່າ ການປ່ຽນແປງ
ທີ່ມີການຊັກຊ້ານີ້ ເປັນຄວາມຜິດພາດ.
ທ່ານນາງ Aung San Su Kyi ໄດ້ຖືກຫ້າມບໍ່ໃຫ້ເປັນປະທານາທິບໍດີ ໂດຍ ວັກນຶ່ງຂອງ
ລັດຖະທຳມະນູນ ທີ່ຫ້າມບໍ່ໃຫ້ບຸກຄົນໃດກໍຕາມ ທີ່ສາມີຫລືລູກ ຖື ສັນຊາວເປັນຄົນຕ່າງປະເທດ.
