ຕຳຫລວດມຽນມາ ຢູ່ໃນເມືອງ Mandalay ຊຶ່ງເປັນເມືອງໃຫຍ່ອັນ
ດັບສອງ ຂອງປະເທດ ໄດ້ໃຊ້ລູກປືນຢາງໃນວັນພຸດມື້ນີ້ ຍິງຂັບໄລ່
ຝູງຊົນຊາວພຸດກຸ່ມນຶ່ງ ທີ່ໄດ້ໂຈມຕີຮ້ານນໍ້່າຊາ ທີ່ຊາວມຸສລິມເປັນ
ເຈົ້າຂອງແຫ່ງນຶ່ງ.
ຖະແຫລງການສະບັບນຶ່ງຂອງຕຳຫລວດ ກ່າວວ່າ ຫ້າຄົນໄດ້ຮັບ
ບາດເຈັບ ຈາກການທັບມ້າງການກໍ່ຈະລາຈົນດັ່ງກ່າວ ຊຶ່ງເປັນ
ເຫດການຫລ້າສຸດຂອງຄວາມຮຸນ ແຮງທາງສາສະໜາ ລະຫວ່າງ
ຊາວພຸດແລະມຸສລິມ ຢູ່ໃນມຽນມາ.
ບັນດາຜູ້ເຫັນເຫດການກ່າວວ່າ ຊາວພຸດຫລາຍຮ້ອຍຄົນ ທີ່ພາ
ກັນຖືມີດ ແລະ ກ້ອນຫີນໄດ້ໂຈມຕີຮ້ານນ້ຳຊາ ຫລັງຈາກມີຂ່າວລືວ່າ ຊາວມຸສລິມຜູ້ເປັນເຈົ້າຂອງຮ້ານ ໄດ້ຂົ່ມຂືນຜູ້ຍິງທີ່ເປັນຊາວພຸດ.
ພວກກໍ່ຈະລາຈົນຍັງພາກັນທັບມ້າງ ຮ້ານອື່ນໆທີ່ຊາວມຸສລິມເປັນເຈົ້າຂອງ ແລະຈູດເຜົາ
ລົດລາຫລາຍຄັນ ກ່ອນທີ່ກຳລັງຕຳຫລວດເປັນຈຳນວນຫລວງຫລາຍສາ ມາດຟື້ນຟູ
ຄວາມເປັນລະບຽບຮຽບຮ້ອຍໄດ້ ໃນເວລາຕໍ່ມາ ໃນວັນພຸດມື້ນີ້.
ຢ່່າງໜ້ອຍ 200 ຄົນ ສ່ວນໃຫຍ່ເປັນສະມາຊິກຂອງປະຊາຄົມມຸສລິມທີ່ເປັນຊົນ ກຸ່ມນ້ອຍ
ໃນມຽນມາ ໄດ້ເສຍຊີວິດຍ້ອນຄວາມວຸ້ນວາຍທາງສາສະໜາ ນັບແຕ່ເດືອນມິຖຸນາ ປີ
2012 ເປັນຕົ້ນມາ. ຫລາຍສິບພັນຄົນ ຍັງໄດ້ຖືກປ່ອຍປະບໍ່ໃຫ້ມີທີ່ຢູ່ອາໄສ.
