ຜູ້ນຳຂອງປະເທດ ມຽນມາ ທ່ານນາງ ອອງ ຊານ ຊູ ຈີ ຈະເປີດການເຈລະຈາສັນຕິພາບ ຮອບໃໝ່ ໃນວັນພຸດມື້ນີ້ ທີ່ລວມມີ ກຸ່ມກະບົດສາມກຸ່ມທີ່ຖືກຫ້າມ ກ່ອນໜ້ານີ້.
ກອງປະຊຸມດັ່ງກ່າວມີຈຸດເພັ່ງເລັງເພື່ອຍຸຕິການສູ້ຮົບ ທີ່ໄດ້ດຳເນີນມານັບຕັ້ງແຕ່ປະ ເທດໄດ້ຮັບເອກະລາດຈາກ ອັງກິດ ໃນປີ 1948. ມີກຳ ນົດວ່າ ກອງປະຊຸມດັ່ງກ່າວ ຈະເລີ່ມຂຶ້ນໃນນະຄອນຫຼວງ ເນປີດໍ ໃນວັນພຸດມື້ນີ້.
ກຸ່ມກະບົດຊົນເຜົ່າເຈັດກຸ່ມ ຍັງບໍ່ໄດ້ເຊັນຂໍ້ຕົກລົງຢຸດຍິງກັບລັດຖະບານເທື່ອ ແຕ່ປັດຈຸ ບັນນີ້ມີແຜນທີ່ຈະເຂົ້າຮ່ວມ ກອງປະຊຸມສັນຕິພາບຂອງ ສະຫະພາບ.
ການຍຸຕິສົງຄາມກາງເມືອງ ທີ່ດຳເນີນມາເກືອບວ່າຕະຫຼອດ ເປັນເວລາຫຼາຍທົດສະວັດ ແມ່ນບູລິມະສິດອັນດັບໜຶ່ງຂອງທ່ານນາງ ອອງ ຊານ ຊູ ຈີ ເຊິ່ງເພິ່ນເຫັນວ່າ ເປັນກະ
ແຈ ທີ່ຈະນຳໄປສູ່ການເປີດແຫຼ່ງຊັບພະ ຍາກອນອັນອຸດົມສົມບູນທີ່ມີຄວາມບົ່ມຊ້ອນ
ຂອງປະເທດ ແລະ ຮັບປະ ກັນການພັດທະນາພື້ນຖານ ສຳລັບປະຊາຊົນຫຼາຍກວ່າ 50 ລ້ານຄົນຂອງພວກເຂົາເຈົ້າ.
ໃນເວລາທີ່ທ່ານນາງເຂົ້າຮັບຜິດຊອບຂະບວນການສັນຕິພາບໃນປີກາຍນີ້ ທ່ານນາງໄດ້
ທັບມ້າງ ສູນກາງສັນຕິພາບ ທີ່ຖືກຕັ້ງຂຶ້ນໂດຍລັດຖະ ບານຊຸດກ່ອນທີ່ເປັນຜູ້ນຳພາໃນ
ການເຈລະຈາກັບພວກກະບົດ. ບັນດານັກສັງເກດການບາງຄົນກ່າວວ່າ ການເຄື່ອນໄຫວ
ດັ່ງກ່າວນີ້ໄດ້ທຳລາຍ ຄວາມເຊື່ອຖືທີ່ໄດ້ຖືກສ້າງຂຶ້ນມາຫຼາຍປີ.
ຄວາມຂັດແຍ້ງຫຼາຍຄັ້ງໄດ້ລະເບີດຂຶ້ນຄືນອີກນັບຕັ້ງແຕ່ນັ້ນມາ, ເຮັດໃຫ້ປະຊາຊົນປະ
ມານ 160,000 ຄົນບໍ່ມີທີ່ຢູ່ອາໄສ, ອີງຕາມອົງການ ສະຫະປະຊາຊາດ.
