ລັດຖະບານມຽນມາ ແລະບັນດາຜູ້ຕາງໜ້າ ຂອງພວກກະບົດ
ຈາກ 16 ຊົນຊາດຊົນເຜົ່າທີ່ສຳຄັນ ໄດ້ລົງນາມໃນຮ່າງຂໍ້ຕົກລົງ
ຢຸດຍິງ ທີ່ແນໃສ່ເພື່ອຍຸດຕິການສູ້ລົບກັນດ້ວຍກຳລັງອາວຸດ
ມາເປັນເວລາຫລາຍທົດສະວັດແລ້ວນັ້ນ.
ໃນການຖະແຫລງຢູ່ພິທີລົງນາມ ທີ່ນະຄອນຢາງກຸ້ງ ໃນວັນອັງ
ຄານມື້ນີ້ ປະທານາທິບໍດີ Thein Sein ໄດ້ສັນລະເສີນຮ່າງຂໍ້
ຕົກລົງສັນຕິພາບໃນທົ່ວປະເທດວ່າ ເປັນບາດກ້າວທຳອິດ ໄປ
ສູ່ການເປີດການເຈລະຈາທາງດ້ານການເມືອງກັບ ກຸ່ມກະບົດ
ຕ່າງໆ.
ກ່ອນຈະມີການລົງນາມໃນຂໍ້ຕົກລົງຂັ້ນສຸດທ້າຍນັ້ນ ພວກກະບົດກ່ອນອື່ນໝົດ ຈັດກອງປະຊຸມເພື່ອຕັດສິນໃຈຮັບເອົາເງື່ອນໄຂຕ່າງໆຂອງຂໍ້ຕົກລົງ. ແຕ່ຍັງບໍ່ທັນໄດ້ກຳນົດວັນ
ເວລາຂອງກອງປະຊຸມນັ້ນເທື່ອ.
ເຖິງຢ່າງໃດກໍດີ ສະຫະປະຊາຊາດ ກໍໄດ້ສັນລະເສີນຮ່າງຂໍ້ຕົກລົງຢຸດຍິງໃນທົ່ວປະເທດ
ຫລື NCA ວ່າ ມີຄວາມໝາຍ “ປະຫວັດສາດ ແລະບັນລຸຜົນທີ່ສຳຄັນ.”
ທີ່ປືກສາພິເສດ ສະຫະປະຊາຊາດ ທ່ານ Vijay Nambiar ກ່າວຢູໃນຖະແຫຼງຂ່າວສະ
ບັບນຶ່ງວ່າ “ການລົງນາມໃນຂໍ້ຕົກລົງຢຸດຍິງທົ່ວປະເທດ ເປັນບາດກ້າວ ທຳອິດໄປສູ່່ການ
ເຈລະຈາໃນຂອບເຂດທີ່ກວ້າງຂວາງ ເພື່ອແກ້ໄຂບັນຫາຕ່າງໆ ທາງດ້ານການເມືອງ ແລະ
ດ້ານທະຫານ ທີ່ຈະແຜ້ວທາງໄປສູ່ອະນາຄົດທີ່ມີທຸກ ພັກຝ່າຍເຂົ້າຮ່ວມ ແລະເປັນນຳນຶ່ງ
ໃຈດຽວກັນ ສຳຫລັບມຽນມາ.”
ທ່ານກ່າວຕື່ມວ່າ “ການຕົກລົງກັນມື້ນີ້ເປັນສັນຍານທີ່ສະແດງໃຫ້ເຫັນເຖິງການມີ ຄວາມ
ເຊື່ອໝັ້ນ ຄວາມໄວ້ວາງໃຈ ແລະການຮ່ວມມືໃນລະດັບໃໝ່ ທີ່ອາດເປັນ ໄປໄດ້ລະຫວ່າງ
ອະດີດຄູ່ສັດຕູ ແລະແກ່ນກ້າການຂອງປ່ຽນແປງທີ່ສຳຄັນ ຢູ່ໃນ ມຽນມາ ກຳລັງເລີ້ມແຕກ
ໜໍ່ອອກມາແລ້ວ.”
