ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ກຸ່ມຕິດອາວຸດຊົນເຜົ່າກຸ່ມນ້ອຍມຽນມາ ເຂົ້າຢຶດເມືອງທ່ອງທ່ຽວແຄມຊາຍຫາດຂອງປະເທດ


ພື້ນຖານໂຄງລ່າງຂອງມຽນມາ ໄດ້ຖືກຖ່າຍຈາກບໍລິເວນເມືອງເທັກເນັຟ (Teknaf) ບໍລິເວນຊາຍແດນລະຫວ່າງ ມຽນມາ-ບັງກລາແດັສ, ໃນຂະນະທີ່ຄວາມຂັດແຍ້ງຍັງຄົງເກີດຂຶ້ນຕໍ່ເນື່ອງໃນລັດຣາໄຄນ໌ຂອງມຽນມາ, ໃນຂົງເຂດ ຄັອກສ໌ ບາຊາ ຂອງ ບັງກລາແດັສ, ວັນທີ 24 ມິຖຸນາ 2024.
ພື້ນຖານໂຄງລ່າງຂອງມຽນມາ ໄດ້ຖືກຖ່າຍຈາກບໍລິເວນເມືອງເທັກເນັຟ (Teknaf) ບໍລິເວນຊາຍແດນລະຫວ່າງ ມຽນມາ-ບັງກລາແດັສ, ໃນຂະນະທີ່ຄວາມຂັດແຍ້ງຍັງຄົງເກີດຂຶ້ນຕໍ່ເນື່ອງໃນລັດຣາໄຄນ໌ຂອງມຽນມາ, ໃນຂົງເຂດ ຄັອກສ໌ ບາຊາ ຂອງ ບັງກລາແດັສ, ວັນທີ 24 ມິຖຸນາ 2024.

ກຸ່ມປະກອບອາວຸດຊົນເຜົ່າກຸ່ມນ້ອຍຂອງມຽນມາ ໄດ້ເຂົ້າຢຶດເອົາເມືອງຣີສອດແຄມຊາຍຫາດທີ່ມີຊື່ສຽງທີ່ສຸດຂອງປະເທດ, ໂດຍມີລັດຖະບານທະຫານຄວບຄຸມສະໜາມບິນຢູ່ບໍລິເວນໃກ້ຄຽງ, ອີງຕາມແຫຼ່ງຂ່າວທາງທະຫານ ແລະທ້ອງຖິ່ນທີ່ກ່າວຕໍ່ອົງການຂ່າວ AFP ໃນວັນອັງຄານມື້ນີ້.

ການ​ປະ​ທະ​ກັນ​ ໄດ້​ສັ່ນ​ສະ​ເທືອ​ນ​ໄປທົ່ວບໍລິເວນ​ພາກ​ຕາ​ເວັນ​ຕົກ​ຂອງ​ລັດ ​ຣາ​ໄຄ​ນ໌ (Rakhine) ນັບ​ຕັ້ງ​ແຕ່​ກອງທັບອາຣາຄານ (Arakan) ໄດ້​ທໍາການໂຈມ​ຕີ​ພວກ​ທະ​ຫານຢູ່ຂົງເຂດແຫ່ງນັ້ນ ​ໃນ​ເດືອນ​ພະ​ຈິກທີ່​ຜ່ານ​ມາ, ເຊິ່ງສິ້ນ​ສຸດລົງດ້ວຍ​ການ​ຢຸດ​ຍິງຢູ່ໃນພື້ນທີ່​ສ່ວນ​ໃຫຍ່ທີ່ໄດ້ຖືກຍຶດຄອງ ​ນັບ​ຕັ້ງ​ແຕ່​ການ​ກໍ່​ລັດຖະປະ​ຫານ​ຂອງ​ທະ​ຫານໃນ​ປີ 2021.

ເປັນເວລາຫຼາຍມື້ແລ້ວ ທີ່ການສູ້ລົບກັນໄດ້ແຜ່ລາມໄປທົ່ວເຂດຊາຍຫາດ ນາພາລີ (Ngapali) ທີ່ຕັ້ງຢູ່ໃນຂົງເຂດພາກໃຕ້ຂອງລັດດັ່ງກ່າວ, ບ່ອນທີ່ຣີສອດເກົ່າແກ່ລາຄາແພງຕັ້ງຢູ່ເທິງແຄມຊາຍຝັ່ງທີ່ເຕັມໄປດ້ວຍຕົ້ນປາມ ຂອງມະຫາສະໝຸດອິນເດຍ.

ເມືອງເທັນດ໌ເວ (Thandwe), ມີໄລຍະຫ່າງປະມານສອງສາມກິໂລແມັດຈາກບໍລິເວນຊາຍຫາດດັ່ງກ່າວ ແລະບ້ານເຮືອນ ໄປຫາສະໜາມບິນໃນທ້ອງຖິ່ນ, ເຊິ່ງໄດ້ຖືກປະຖິ້ມໄວ້ເປັນສ່ວນໃຫຍ່ ໃນວັນຈັນວານນີ້, ອີງຕາມປະຊາຊົນຜູ້ທີ່ຫຼົບໜີອອກມາໃນມື້ນັ້ນ ແລະໄດ້ບອກກັບອົງການຂ່າວ AFP.

“ເກືອບໝົດທຸກຄົນໃນເມືອງດັ່ງກ່າວ ໄດ້ພາກັນຫຼົບໜີອອກມາ, ມີຄົນຈໍານວນໜ້ອຍທີ່ສຸດທີ່ຍັງຄົງອາໄສຢູ່ໃນເມືອງເທັນດ໌ເວ ໃນຂະນະນີ້,” ອີງຕາມການກ່າວຂອງປະຊາຊົນຢູ່ໃນທ້ອງຖິ່ນ ທີ່ບໍ່ປະສົງອອກນາມ ເນື່ອງຈາກເຫດຜົນດ້ານຄວາມປອດໄພ.

ຜູ້ຄົນທີ່ສາມາດແນມເຫັນໃນຝັ່ງຂອງມຽນມາ, ໃນຂະນະທີ່ຄວາມຂັດແຍ້ງຍັງຄົງດໍາເນີນຕໍ່ເນື່ອງ ໃນລັດຣາໄຄນ໌ຂອງມຽນມາ, ໃນບໍລິເວນເທັກເນຟ ຂອງເຂດຄັອກບາຊາ ໃນບັງກລາແດັສ, ວັນທີ 24 ມິຖຸນາ 2024.
ຜູ້ຄົນທີ່ສາມາດແນມເຫັນໃນຝັ່ງຂອງມຽນມາ, ໃນຂະນະທີ່ຄວາມຂັດແຍ້ງຍັງຄົງດໍາເນີນຕໍ່ເນື່ອງ ໃນລັດຣາໄຄນ໌ຂອງມຽນມາ, ໃນບໍລິເວນເທັກເນຟ ຂອງເຂດຄັອກບາຊາ ໃນບັງກລາແດັສ, ວັນທີ 24 ມິຖຸນາ 2024.

“ລູກຈະຫຼວດລູກນຶ່ງໄດ້ຕົກຢູ່ໃນເມືອງດັ່ງກ່າວມື້ວານນີ້. ພວກເຮົາຍັງຄົງໄດ້ຍິນສຽງປືນໃຫຍ່ຍິງກັນຕໍ່ເນື່ອງຢ່າງໜັກ.”

ແຫຼ່ງ​ຂ່າວ​ທາງ​ການ​ທະຫານ​ຜູ້​ນຶ່ງ​ທີ່ບໍ່ປະສົງອອກນາມກ່າວ​ຕໍ່ອົງການຂ່າວ AFP ວ່າ ກອງ​ກຳລັງ​ດ້ານຄວາມໝັ້ນຄົງ​ໄດ້​ຖອຍກັບ​ໄປບໍລິເວນ​ສະໜາມ​ບິນ ​ແລະ​ໄດ້​ຄວບ​ຄຸມ​ສະຖານ​ທີ່​ດັ່ງກ່າວ.

ເຈົ້າ​ຂອງ​ໂຮງ​ແຮມ​ທ້ອງ​ຖິ່ນ​ຜູ້​ນຶ່ງ ​ທີ່​ບໍ່​ໄດ້​ຢູ່​ໃນ​ຕົວ​ເມືອງ​ນັ້ນ ​ບອກອົງການຂ່າວ AFP ວ່າ ​ພະນັກງານ​ຂອງ​ລາວ​ກ່າວ​ວ່າ ທະຫານ​ໄດ້​ທຳ​ການ​ໂຈມ​ຕີ​ທາງ​ອາກາດ​ໃກ້ໆກັບ​ສະໜາມ​ບິນ​ໃນ​ວັນ​ຈັນ​ວານ​ນີ້.

ບັນດາພະນັກງານຂອງລາວບອກລາວ ວ່າ ມີ “ກອງທັບ ແລະເຈົ້າໜ້າທີ່ຕໍາຫຼວດຈໍານວນນຶ່ງ ຍັງຄົງຕິດຄ້າງຢູ່ໃນອາຄານສະໜາມບິນແຫ່ງນັ້ນ”.

ອ່ານຂ່າວນີ້ເປັນພາສາອັງກິດ

ຟໍຣັມສະແດງຄວາມຄິດເຫັນ

ສົດ ລາຍການວິທະຍຸ-ໂທລະພາບ ພາກພາສາລາວ

XS
SM
MD
LG