ລັດຖະສະພາມຽນມາ ໄດ້ລົງຄະແນນສຽງເລືອກເອົາທ່ານ
Htin Kyaw ເປັນປະທານາທິຄົນຕໍ່ໄປຂອງປະເທດ.
ລັດຖະກອນຜູ້ຊຶ່ງບຳນານ ຈາກພັກສັນນິບາດແຫ່ງຊາດ
ເພື່ອປະຊາທິປະໄຕ ຫຼື NLD ໄດ້ຮັບຄະແນນ 360 ສຽງ ຂອງ
ຈຳນວນທັງໝົ ດ 652 ສຽງ ໃນກອງປະຊຸມຮ່ວມຂອງລັດຖະ
ສະພາ ທີ່ຮູ້ກັນໃນນາມສະພາແຫ່ງຊາດຂອງສະຫະພາບນັ້ນ.
ທ່ານນາງ Hnin Htet ສະມາຊິກສະພາໃໝ່ຂອງພັກ NLD ທີ່ເປັນລູກສາວຂອງອະດີດນັກໂທດການເມືອງທ່ານນີ້ ກ່າວອອກມາດ້ວຍຄວາມຕື່ນເຕັ້ນວ່າ ຂ້ອຍດີໃຈລາວນຳລາວ ສຳລັບພັກຂອງເຮົາ ປະຊົນ ແລະປະເທດຊາດຂອງພວກເຮົາ.
ທ່ານ Htin Kyaw ບໍ່ໄດ້ແມ່ນສະມາຊິກໃນລັດຖະສະພາ ແຕ່ວ່າທ່ານແມ່ນເປັນຜູ້ທີ່ໃກ້ຊິດກັບຜູ້ນຳຂອງພັກ NLD ທ່ານນາງ Aung San Suu Kyi ຊຶ່ງໄດ້ເປັນຜູ້ທຳອິດໃນການລົງຄະແນນສຽງຄັ້ງປະຫວັດສາດນີ້.
ທ່ານນາງ Aung San Suu Kyi ບໍ່ໄດ້ໃຫ້ຄວາມເຫັນໃດໆຕໍ່ພວກນັກຂ່າວ ໃນລະຫວ່າງ ຕອນເຂົ້າແລະອອກມາຈາກສະພາ.
ທ່ານນາງ Aung San Suu Kyi ທີ່ເຄີຍໄດ້ຮັບລາງວັນໂນແບລຂະແໜງສັນຕິພາບນັ້ນແມ່ນເປັນຜູ້ທີ່ໄດ້ຮັບຄວາມນິຍົມຊົມຊອບຫຼາຍທີ່ສຸດ ໃນໝູ່ປະຊາຊົນຊາວມຽນມາ ແຕ່ວ່າທ່ານນາງຖືກກີດກັນບໍ່ໃຫ້ເປັນປະທານາທິບໍດີ ຍ້ອນວ່າ ພວກລູກຊາຍທັງສອງຂອງທ່ານນາງ ຍັງເປັຮສັນຊາດຕ່າງດ້າວ.
ເຈົ້າໜ້າທີ່ກະຊວງການຕ່າງປະເທດສະຫະລັດກ່າວວ່າ ພວກເຮົາຍັງສືບຕໍ່ມີຄວາມວິຕົກກັງ ວົນກ່ຽວກັບຂໍ້ຄວາມໃນບາງວັກຕອນຂອງລັດຖະທຳມະນູນມຽນມາ ທີ່ຂັດແຍ້ງກັບຫລັການ ພື້ນຖານຂອງປະຊາທິປະໄຕ ແລະຂັດຂວາງບໍ່ໃຫ້ປະຊາຊົນຊາວມຽນມາ ປ່ອນບັດເອົາຜູ້ນຳຂອງພວກເຂົາເຈົ້າໄດ້. ປະຊາຊົນຊາວມຽນມາຄວນສາມາດຕັດສິນໃຈກ່ຽວກັບວ່າ ເມື່ອໃດ ແລະເວລາໃດທີ່ເຂົາເຈົ້າຈະສາມາດດັດແປງກົດໝາຍລັດຖະທຳມະນູນ ຫລືກຳຈັດຂໍ້ກຳນົດ ເຫລົ່ານີ້.
ທ່ານນາງ Aung San Suu Kyi ໄດ້ປະກາດວ່າ ທ່ານນາງຈະສືບຕໍ່ເປັນຜູ້ຮັກສາອຳນາດ ສູງສຸດ ເໜືອກວ່າປະທານາທິບໍດີທີ່ທ່ານນາງໄດ້ເລືອກເອົາທີ່ທ່ານນາງໄດ້ຮູ້ຈັກນັບແຕ່ຕອນ ເຂົ້າຮຽນປະຖົມນຳກັນ.
ກອງທັບຍັງຈະສືບຕໍ່ເປັນຜູ້ມີອຳນາດຢ່າງເຂັ້ມແຂງຢູ່ໃນລັດຖະບານຊຸດໃໝ່ ຍ້ອນວ່າກອງ ທັບມີບ່ອນນັ່ງນຶ່ງສ່ວນສີ່ຫຼື 25 ເປີເຊັນ ຢູ່ໃນສະພາ ແລະຈະກຳຕຳແໜ່ງທີ່ສຳຄັນໆຫລາຍ ຕຳແໜ່ງໃນຄະນະລັດຖະບານ.
ລັດຖະບານໃໝ່ນີ້ ຈະຂຶ້ນກຳອຳນາດໃນວັນທີ 1 ເມສາ ຈະມາເຖິງນີ້.
