ມຽນມາ ຊຶ່ງຮູ້ກັນອີກວ່າພະມ້ານັ້ນໄດ້ປ່ອຍນັກໂທດການເມືອງຫຼາຍກວ່ານຶ່ງ ຮ້ອຍຄົນ ໃນວັນສຸກວານນີ້ ພາຍໃຕ້ການນິລະໂທດກຳ ຊຶ່ງເປັນບົດບາດທາງການອັນ ທຳອິດຂອງ ທ່ານນາງ ອອງຊານຊູຈີຜູ້ນຳຄົນໃໝ່ຂອງປະເທດທັງເປັນອະດີດນັກໂທດການເມືອງ
ເອງນຳນັ້ນ. ອົງການຂ່າວສານທາງການມ່ຽນມ່າ Global New Light of Myanmar
ໄດ້ ກ່າວໃນວັນເສົາມື້ນີ້ວ່າ ໄດ້ມີການປ່ອຍນັກໂທການເມືອງທົ່ວປະເທດ 113 ຄົນ ອິງ ຕາມກະແສຂ່າວຂອງຕຳຫຼວດ.
ພວກຄອບຄົວແລະເພື່ອນຝູງຂອງນັກໂທດເຫຼົ່ານັ້ນໄດ້ພາກັນມາເຕົ້າໂຣມກັນຢູ່ຄຸກແຫ່ງ ຕ່າງໆ ນັບຕັ້ງແຕ່ເວລາທີ່ທ່ານນາງອອງຊານຊູຈີໄດ້ປະກາດໄປໃນວັນພະຫັດ ວ່າຈະມີ ການປົດປ່ອຍ ໃນໂອກາດປີໃໝ່ຂອງສາສະໜາພຸດ ໃນກາງເດືອນເມສານີ້.
ເວລາພວກນັກໂທດໄດ້ຮັບການປົດປ່ອຍອອກມາ ບາງຄົນກໍໄດ້ຖືກຕ້ອນຮັບດ້ວຍດອກໄມ້ ຖືກສວມກອດ ແລະໂຮ່ຮ້ອງ ໂດຍພວກສະໜັບສະໜູນແລະເພື່ອຝູງ.
ແຕ່ວ່າໃນທ່າມກາງການສະຫຼອງດັ່ງກ່າວນັ້ນ ທາງສານຂອງເມືອງມັນດາເລ ໄດ້ກ່າວຫາ ພວກເຄື່ອນໄຫວຢ່າງສັນຕິສອງຄົນ ວ່າພົວພັນກັບກອງທັບກະຈິນເອກກະລາດ ຊຶ່ງເປັນ ກຸ່ມກອງໂຈນນອກກົດໝາຍຢູ່ຫ່າງໄກທາງພາກເໜືອຂອງປະເທດ.
