ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ເຈົ້າ​ໜ້າທີ່ ມຽນມາ ​ຈັບ​ກຸມ ​ຜູ້ຕ້ອງສົງໄສ 362 ຄົນ ໃນ​ຄວາມ​ຮຸນ​ແຮງ ​ທີ່ Mandalay (ວີດີໂອ)


ປ. ມຽນມາ Thein Sein
ປ. ມຽນມາ Thein Sein

ເຈົ້າ​ໜ້າ​ທີ່​ຂອງ​ມຽນມາ ກ່າວ​ວ່າ ພວກ​ເຂົ້າ​ເຈົ້າ​ໄດ້​ຈັບ​ກຸມ​ຢ່າງ​ນ້ອຍ​
362 ຄົນ ຫຼັງ​ຈາກທີ່​ໄດ້​ເກີດ​ຄວາມ​ຮຸນ​ແຮງ ທາງ​ສາສະໜາ ​ໃນ
ເມືອງ​ Mandalay ທີ່​ໄດ້​ສັງຫານ 2 ຄົນ ​ແລະ​ບາດ​ເຈັບຫຼາຍ​ກວ່າ
​ສິບ​ຄົນ​ໃນ​ສັບປະດາ​ທີ່​ແລ້ວ​ນີ້.

ຕຳຫຼວດ​ໃນເມືອງ Mandalay ທີ່ຕັ້ງຢູ່ໃນເຂດພາກກາງຂອງ
ປະເທດ ກ່າວໃນ​ວັນ​ຈັນ​ວານ​ນີ້ ​ ​ສ່ວນ​ໃຫຍ່​ຂອງ​ພວກ​ທີ່​ຖືກ​ຈັບ​ກຸມ​
ແມ່ນພວກ​ທີ່​ລະ​ເມີດການສັ່ງ​ຫ້າມ​ອອກ​ນອກ​ເຮືອນ ໃນ​ຍາມ​ວິ
ການເພື່ອ​ເຮັດໃຫ້​ຄວາມຮຸນແຮງຫລຸດລົງ. ພວກ​ເຂົາ​ເຈົ້າ​ກ່າວ​
ເພີ່ມ​ຕື່ມວ່າມີ​ຫຼາຍ​ກວ່າ 100 ຄົນ ​ໄດ້​ຖືກ​ປ່ອຍພ້ອມ​ກັບ​ການ​ເຕືອນ​ເຫຼົ່າ​ນີ້.

​ແຕ່​ວ່າ ຫົວໜ້າ​ຕຳຫຼວດ Mandalay ທ່ານ Zaw Min Oo ​ໄດ້​ບອກ​ກັບ VOA ພະ​ແນ​ກ
ພາສາ​ມຽນມາ ວ່າ ​ຕຳຫຼວດຍັງ​ຊອກຫາ​ພວກ​ທີ່​ຕ້ອງ​ສົງ​ໄສ​ຕື່ມອີກ ທີ່​ໄດ້ພົວພັນ​ກັບ​ການ​ສັງຫານ​ນີ້.

ຄວາມ​ຮຸນ​ແຮງ​ໄດ້​ເລີ່​ມຂຶ້ນ​ໃນ​ວັນອັງຄານ​ອາທິດແລ້ວ ​ເວລາພະສົງສາສະໜາພຸດ​ປະມານ 300 ຮູບ ​ໄດ້​ເຂົ້າ​ບຸກຮ້ານ​ນ້ຳ​ຊາ ທີ່​ມີ​ຊາວ​ມຸສລິ​ມ​ເປັນ​ເຈົ້າ​ຂອງ ທີ່ຖືກກ່າວ​ຫາ​ວ່າ ຂົ່ມ​ຂືນ
ສຳ​ເລົາ ​ແມ່ຍິງ​ຊາວ​ພຸດ.

ປະທານາທິບໍດີ​ມຽນມາ ທ່ານ Thein Sein ກ່າວ​ໃນ​ວັນ​ອັງຄານມື້​ນີ້​ວ່າ ​ໄດ້​ເຕືອນວ່າ ລັດຖະບານ​ຂອງຕົນ​ຈະ​ບໍ່​ຍອມປ່ອຍໃຫ້ມີການກໍ່​ຄວາມ​ຮຸນ​ແຮງ ອີກ​ຕໍ່​ໄປ​ແລ້ວ.

ທ່ານ Thein Sein ກ່າວ​ວ່າ: “ພວກ​ທີ່​ເຂົ້າ​ໄປພົວພັນ ​ໃນ​ຄວາມ​ຮຸນ​ແຮງ​ນີ້ ​ແລະ​ພວກ​ທີ່​ໄດ້​ຍຸຍົງ​ສົ່ງ​ເສີມ​ໃຫ້ມີການ​ກໍ່​ຄວາມ​ຮຸນ​ແຮງ ຈະມີ​ການ​ສືບສວນສອບ​ສວນຢ່າງ​ລະອຽດ ​ແລະ​ຈະ​ມີ​ການ​ເອົາ​ບາດກ້າວ​ທີ່​ຈິງຈັງ ຕໍ່​ພວກ​ເຂົາ​ເຫຼົ່າ​ນີ້. ຂ້າພະ​ເຈົ້າກ່າວ​ຢ້ຳວ່າ ລັດຖະບານຈະ​ບໍ່ຍອມ ປ່ອຍໃຫ້ ມີການຍຸຍົງໃຫ້​ເກີດ​ຄວາມ​ຮຸນ​ແຮງ ແລະ​ການ​ກະທຳ​ທີ່ບໍ່ເປັນການທຳລາຍ ແລະຈະ ເພື່ອເປັນການລົງໂທດໃນທັນທີ.”

MYANMAR VIOLENCE VO
please wait
Embed

No media source currently available

0:00 0:00:58 0:00

ລາຍການກະຈາຍສຽງຂອງວີໂອເອ ລາວ ຜ່ານໂທລະພາບ

ສົດ ລາຍການວິທະຍຸ-ກະຈາຍສຽງຂອງວີໂອເອລາວ ວັນທີ 29 ມີນາ 2024

XS
SM
MD
LG