ຄ່ຳຄືນນີ້ ວັນນະສອນ ຈະມາຈັດເພງຍອດຮິດໃນອະດີດ ໃຫ້ທ່ານຜູ້ຟັງ ໄດ້ຮັບຟັງກັນ ໃນລາຍການສຽງເພງຈາກແດນໄກຂອງ ຢ່າລໍຊ້າເລີຍ ຂໍເຊີນເຂົ້າສູ່ລາຍການໄດ້ເລີຍ.
ສະບາຍດີທ່ານຜູ້ຟັງທຸກໆທ່ານ ຄ່ຳຄືນນີ້ ວັນນະສອນ ເລີ່ມຕົ້ນດ້ວຍການເປີດເພງ
Hotel California ຂອງວົງດົນຕີ ຊຶ່ງເປັນເພງນຶ່ງທີ່ໂດ່ງດັງໃນຊຸມປີ 1970 ພຸ້ນ
ທີ່ເປັນຜົນງານເພງຂອງວົງດົນຕີ The Eagles ທີ່ວັນນະສອນ ຄິດວ່າ ເພງນີ້ຄົງຈະ
ໃຫ້ຫຼາຍໆທ່ານຮ້ອງຕາມໄດ້ ແລະເພງນີ້ຖືວ່າເປັນເພງທີ່ມີກິຕ້າ solo ທີ່ມ່ວນສຸດ
ແລະເພງນີ້ຍັງໄດ້ຮັບລາງວັນ Grammy Award for Record of the Year 1978.
ຕິດຕາມມາດ້ວຍເພງທີ່ໂດ່ງດັງທີ່ສຸດ ອີກເພງນຶ່ງ ໃນຍຸກຊຸມປີ 1960 ຊຶ່ງຈະພາທ່ານ
ຜູ້ຟັງຫວນຄິດເຖິງຄວາມຫຼັງເມື່ອຄັ້ງເຍົາໄວພຸ້ນ ເປັນຜົນງານເພງຂອງມື້ລາງ John
Lennon ທີ່ເປັນນັກຮ້ອງນຳຂອງວົງ The Beatles ເປັນເພງທີ່ສ້າງຈິນຕະນາການ
ສ້າງຄວາມຝັນ ທີ່ມັນຈະບໍ່ເປັນໄປໄດ້ ທີ່ມີເນື້ອໄນຄວາມໝາຍວ່າ...ລອງມາຈິນຕະ
ນາການເບິ່ງດູວ່າ...ຫາກໂລກນີ້ ບໍ່ມີພົມແດນ ບໍ່ມີເສິກສົງຄາມ ແລະຢູ່ກັນຢ່າງ
ສັນຕິ ໃນໂລກ ໜ່ວຍນີ້ຮ່ວມກັນ ຄົງຈະມີຄວາມສຸກລົ້ນ...ເອົາມາຮອດນີ້ ທ່ານຜູ້ຟັງ
ຄົງຢາກຈະຟັງແລ້ວລະວ່າ ເພງ Imagine ຈະມ່ວນສ່ຳໃດ.
ຂໍສົ່ງທ່ານຜູ້ຟັງເຂົ້ານອນ ດ້ວຍເພງຫວານໆ ແລະອ່ອນຊ້ອຍ I Will Always Love
You ຊຶ່ງນາງເອກ Whitney Houston ຂອງເລື່ອງທີ່ເປັນສາວຜີວຄ້ຳທີ່ຫຼິ້ນຄູ່ກັບ
ພະເອກຜີວຂາວ Kevin Costner. Whitney Houston ເປັນຄົນຮ້ອງເພງນີ້
ທີ່ສາມາດເວົ້າໄດ້ວ່າ ນ້ຳສຽງສຸດຍອດ ແລະຫາຄົນທຽບໄດ້ຍາກ ຈິງໆແລ້ວເພງນີ້
ຕົ້ນສະບັບ ແມ່ນເປັນເພງລູກທົ່ງຂອງນັກຮ້ອງຜົມບລອນ Dolly Parton ແລະມາ
ໂດ່ງດັງເປັນທີ່ຮູ້ກັນ ກໍຕອນທີ່ Whitney Houston ນຳມາຮ້ອງເປັນເພງປະກອບ
ພາບພະຍົນທີ່ໂດ່ງດັງສຸດໃນຍຸກຊຸມປີ 1990 ໃນເລື່ອງ Body Guard. ສັບປະດາ
ໜ້າວັນນະສອນຈະນຳເພງລາວໃໝ່ ມາສະເໜີທ່ານ. ຂໍໃຫ້ທຸກໆທ່ານນອນລັບຝັນ
ຫວານ ພົບກັນໃໝ່ ໃນສັບປະດາໜ້າ.
