ຄ່ຳຄືນນີ້ ວັນນະສອນ ຈະມາກ່ອມທ່ານຜູ້ຟັງດ້ວຍເພງສາກົນທີ່ຕິດອັນດັບ Top Ten
ຢູ່ໃນຂະນະນີ້ ສ່ວນວ່າຈະມີເພງມ່ວນໆໃດແດ່ນັ້ນ ຂໍເຊີນເຂົ້າໄປພິສູດດ້ວຍຕົວທ່ານ
ເອງເລີຍ ໃນລາຍການສຽງເພງຈາກແດນໄກຂອງວີໂອເອ.
ສະບາຍດີທ່ານຜູ້ຟັງທີ່ເຄົາລົບ 2-3 ສັບປະດາແລ້ວ ທີ່ວັນນະສອນ ຍັງບໍ່ຫາຍຈາກການ
ເປັນຫວັດ…ຫວັງວ່າທ່ານຜູ້ຟັງຄົງຍັງບໍ່ເບື່ອນ້ຳສຽງແຫບໆຂອງວັນນະສອນ ເທື່ອ.
ຈັງໃດກໍໄດ້ເຂົ້າມາຮັບຟັງແລ້ວ ກໍຢ່າຟ້າວໄປໃສ ຟັງໃຫ້ຈົບກ່ອນ ຫາກໍເຂົ້າລາຍການ
ມານີ້ເອງ. ເອົາລະ ຂໍເລີ້ມດ້ວຍເພງປະກອບພາບພະຍົນເລື້ອງ Spider-Man: Into the
Spider-Verse ທີ່ Post Malone & Swae Lee ຂັບຮ້ອງ ໃນບົດເພງ Sunflower
ຊຶ່ງນີ້ແມ່ນເພງ single ໃໝ່ທີ່ຫາກໍອອກມາໃນກາງເດືອນທັນວາຜ່ານມານີ້ ຊຶ່ງເປັນວັນ
ດຽວກັນກັບວັນທີ່ຮູບເງົາເອນີເມຊັນ ເລື້ອງດັ່ງກ່າວອອກສາຍ. ເພງນີ້ ແມ່ນເປັນທີ່
ນິຍົມກັນແລະຕິດອັນດັບທີ 2 ໃນ Top Ten ດ້ວຍ.
ສ່ວນເພງຕໍ່ໄປນີ້ແມ່ນເພງ Happier ທີ່ຂັບຮ້ອງໂດຍ Marshmello ແລະ Bastille
ຊຶ່ງເພງນີ້ ມີຄວາມໝາຍວ່າ ຂ້ອຍຢາກໃຫ້ເຈົ້າມີຄວາມສຸກກວ່ານີ້ ນອກຈາກນີ້ແລ້ວ
ເພງດັ່ງກ່າວຍັງໄດ້ຕິດຢູ່ໃນອັນດັບທີ 6 ໃນ Top Ten ດ້ວຍ ເຊັ່ນກັນ.
ຂໍປິດທ້າຍລາຍການດ້ວຍເພງທີ່ສະໜຸກສະໜານ ຂອງ Fonsi ແລະ Daddy Yankee
ຮ່ວມກັບ Justin Bieber ໃນບົດເພງທີ່ທຸກໆຄົນສາມາດອອກມາເຕັ້ນຢ່າງມ່ວນຊື່ນໄດ້
ໃນບົດເພງ Despacito ຊຶ່ງເພງຊຸດນີ້ ນຳມາ Remix ໃໝ່ ແລະແນ່ນອນວ່າເພງນີ້
ຈະນຳມາຊຶ່ງຄວາມມ່ວນຊື່ນສະໜຸກສະໜານທີ່ສຸດເລີຍລະ. ຂໍອໍາລາທ່ານໄປກ່ອນ
ແລະຂໍໃຫ້ທຸກໆທ່ານນອນຫລັບຝັນດີ ແລະພົບກັນໃໝ່ໃນສັບປະດາໜ້າ.
