ໃນຄ່ຳຄືນວັນອາທິດມື້ນີ້ ທາງລາຍການສຽງເພງຈາກແດນໄກຂອງວີໂອເອ ຈະນຳສະເໜີ
ເພງສາກົນ ສ່ວນວ່າຈະມີເພງທີ່ຖືກໃຈທ່ານຫຼືບໍ່ນັ້ນ ຂໍເຊີນທ່ານມາຟັງພ້ອມໆກັນເລີຍ.
ສບາຍດີທ່ານແຟນເພງທັງຫຼາຍ ແລະກໍຍິນດີຕ້ອນຮັບທ່ານເຂົ້າສູ່ລາຍການສຽງເພງ
ຈາກແດນໄກຂອງວີໂອເອ. ເພງທີ່ທ່ານຫາກໍຟັງຈົບລົງໄປນັ້ນ ແມ່ນສຽງຮ້ອງ Girls Like
You ຂອງ Maroon 5 ກັບ Cardi ເປັນເພງທັງແນວເພວປ໊ອບກັບ ແຣປ ປະສົມປະສານ
ເຂົ້າກັນທີ່ຢ່າງພໍດິບພໍດີ. ຄວາມໝາຍຈາກເນື້ອຮ້ອງgr'ouh ກໍຄືວ່າ ພວກແມ່ຍິງແບບ
ເຈົ້າ…ເປັນຜູ້ຍິງທີ່ຂ້ອຍຈຳເປັນຕ້ອງມີ ພວກເຈົ້າຊ່ອຍຂ້ອຍໄດ້ທຸກຢ່າງ ພວກເຈົ້າມີ
ຄວາມໝາຍ ແລະເປັນກຳລັງໃຈໃຫ້ຂ້ອຍ. ວັນນະສອນຫວັງວ່າ ເພງນີ້ຈະເປັນກຳລັງໃຈ
ໃຫ້ແກ່ພວກແມ່ຍິງຫຼາຍໆຄົນ.
ເພງຕໍ່ໄປນີ້ແມ່ນເພງທີ່ນັກຮ້ອງສາວ Beyonce ທີ່ຄ່ຳຄວນຢູ່ໃນວົງການເພງມານານແລ້ວ
ແຕ່ກັບໄປສ້າງຊື່ສຽງດ້ວຍການແຍກຕົວເອງອອກມາຮ້ອງດ່ຽວ ແລະກໍໄດ້ຮັບລາງວັນ
ແກຣມມີ ຫຼາຍໆລາງວັນ...ເພງນີ້ ມີຄວາມໝາຍໂດຍການວ່າ ຄວາມຮັກເຮັດໃຫ້ໂລກ
ສົດໃສ ການມີເຈົ້າເປັນຄົນຮັກ ມັນໄດ້ນຳມາຊຶ່ງແສງສະຫວ່າງແລະຄວາມອົບອຸ່ນໃຫ້ກັບ
ຂ້ອຍ ເອົາໄປສຳພັດຄວາມຮັກທີ່ມີພະລັງແບບເພງນີ້ດີກວ່າ Love On Top ວັນນະສອນ
ຄິດວ່າຫຼາຍໆທ່ານຄົງຈະຖືກໃຈ.
ເອົາມາຮອດເພງສຸດທ້າຍແລ້ວ ຂໍປິດທ້າຍດ້ວຍເພງມ່ວນໆ ແນວເພງຣ໊ອກລູກທົ່ງຈາກ
ວົງ Parmalee ໃນບົດເພງ Close Your Eyes... ພົບກັນໃໝ່ ໃນສັບປະດາໜ້າ
ຂໍໃຫ້ທຸກໆທ່ານນອນຫຼັບຝັນຫວານ.
