ລາຍການສຽງເພງຈາກແດນໄກ ຂອງ VOAໃນຄໍ່າຄືນນີ້ ວັນນະສອນຂໍສະເໜີເພງ
ທຳນອງແຈສ ເຢັນໆ ແບບສະບາຍໆ ຟັງແລ້ວ ກໍຈະໄດ້ຜ່ອນຄາຍອາລົມ ໃນວັນທ້າຍ
ສັບປະດາມື້ນີ້. ເຊີນເຂົ້າສູ່ລາຍການຂອງເຮົາໄດ້.
ສະບາຍດີ ທ່ານຜູ້ຟັງທີ່ເຄົາລົບ ເພງທີ່ຫາກໍຈົບລົງໄປນັ້ນ ແມ່ນເພງ “Waiting In Vain”
ທຳນອງແຈສ ຊ້າໆ ຟັງເຢັນໆ ແບບສະບາຍໆ ທີ່ຂັບຮ້ອງ ໂດຍ Dianne Reeves feat.
Lalah Hathaway ຊຶ່ງນານໆ ວັນນະສອນ ຈຶ່ງຄອຍໄດ້ມີໂອກາດຈັດເພງທຳນອງແບບນີ້
ໃຫ້ຟັງ ແລະກໍຫວັງຢ່າງຍິ່ງວ່າ ທ່ານຜູ້ຟັງກໍຈະພໍໃຈ ແລະກໍຢ່າລືມຂຽນມາບອກແດ່ວ່າ
ມີຄວາມຮູ້ສຶກແບບໃດ ແລະຢາກຮັບຟັງເພງໃດ ກໍຂໍໃຫ້ບອກມາດ້ວຍ. ສ່ວນເພງຕໍ່ໄປນີ້
ແນ່ນອນ ຫຼາຍໆທ່ານຄົງຈະພໍຄຸ້ນຫູ ຄຸ້ນຕາແດ່ແລ້ວ ແລະເປັນແຟນເພງຂອງສິນລະປິນ
ອາເມຣິກັນ ຜູ້ທີ່ມີຊື່ສຽງໂດ່ງດັງກ້ອງໂລກ ແລະເປັນນັກຮ້ອງທີ່ແຫວກແນວ ໃນຍຸກນັ້ນ
ຈະຖືວ່າເປັນເຈົ້າພໍ່ເພງຣ໊ອກ ກໍວ່າໄດ້ ພໍວັນນະສອນ ພຽງແຕ່ເອີຍຊື່ອອກມາແລ້ວນັ້ນ
ເຊື່ອວ່າທຸກຄົນ ກໍຈະພາກັນຮ້ອງອໍ…ເປັນສຽງດຽວກັນ. ເອົາມາຟັງເພງ “Always On
My Mind” ຂອງElvis Presley ພ້ອມໆກັນເລີຍ.
ຂໍອຳລາທ່ານຜູ້ຟັງດ້ວຍເພງທຳນອງແຈສ ອີກເພງນຶ່ງ ທີ່ຖືວ່າເປັນອີກເພງນຶ່ງທີ່ນິຍົມກັນ
ແລະແນ່ນອນ ວັນນະສອນວ່າ ຖືກໃຈນັກຟັງເພງແຈສ ຢ່າງແນ່ນອນ ເພາະ Petter
Cincotti ຖືວ່າເປັນນັກດົນຕີແລະນັກຮ້ອງແຈສສຽງດີຄົນນຶ່ງໃນວົງການແຈ໊ສ ເອົາ
ຂໍມອບເພງ On The Moon ໃຫ້ທຸກໆທ່ານຮ່ວມມ່ວນຊື່ນໃນຊ່ວງສະຫຼອງປີໃໝ່ລາວ
ຕໍ່ໄປ. ຂໍໃຫ້ທຸກໆທ່ານ ນອນຫຼັບຝັນຫວານ.
