ຍິນດີຕອນຮັບທ່ານຜູ້ຟັງເຂົ້າສູ່ລາຍການສຽງເພງຈາກແດນໄກຂອງວີໂອເອ
ໃນຄ່ຳຄືນວັນອາທິດມື້ນີ້ ວັນນະສອນ ຈະມາຈັດເພງສາກົນໃຫ້ທ່ານຜູ້ຟັງອີກ
ເຊັ່ນເຄີຍ ແລະວ່າຈະແມ່ນເພງໃດແດ່ທີ່ສ້າງຄວາມປະທັບໃຈໃຫ້ທ່ານຜູ້ຟັງ
ຂໍເຊີນໄປຮັບຟັງພ້ອມໆກັນເລີຍ.
ສະບາຍດີທຸກໆທ່ານ ກັບມາຟັງເພງມ່ວນໆກັບວັນນະສອນອີກ ໃນລາຍການ
ສຽງເພງຈາກແດນໄກຂອງ VOA ຮັບຟັງເພງສາກົນເຊັ່ນເຄີຍ ຂໍຂອບໃຈນ້ອງ
ແສງຈັນ ພັນທະນົງ ທີ່ຂຽນເຂົ້າມາຂໍຟັງເພງ ເພື່ອຈັດໃຫ້ ພີ່ນ້ອງໝູ່ເພື່ອນ ຢູ່ທາງ
ບ້ານຊຶ່ງປັດຈຸບັນນີ້ ແມ່ນປະກອບອາຊີບ ຢູ່ນະຄອນຫຼວງວຽງຈັນ. ເສຍດາຍ ທີ່ວ່າ
ທາງເຮົາຍັງຢູ່ໃນຊ່ວງເປີດເພງສາກົນ ສະນັ້ນ ອີກສອງສັບປະດາ ເອື້ອຍວັນນະ
ສອນ ຈຶ່ງຈະໄດ້ຈັດເພງລາວໃຫ້ຟັງ ລໍຖ້າກ່ອນເດີ ຖ້າເປັນແຟນລາຍການຂອງ
ເຮົາຢ່າງໜຽວແໜ້ນ ຕອນນີ້ຂໍໃຫ້ຟັງເພງນີ້ ເພງ Perfect ທີ່ມ່ວນໆ ນ້ຳສຽງ
ຫວານໆຂອງສິນລະປິນຄຸນນະພາບ Ed Sheeran ແລະ Beyonce ທີ່ຮ້ອງຄູ່ກັນ ຫວັງວ່າເພງນີ້ຄົງຈະປະທັບໃຈນ້ອງແສງຈັນ ແລະກໍຢ່າລືມກັບມາຟັງເພງມ່ວນໆ
ນຳເຮົາອີກ.
ສ່ວນເພງຕໍ່ໄປນີ້ ກໍແມ່ນເພງຂອງນັກຮ້ອງໜ້າໃໝ່ Lanco ທີ່ຮ້ອງເພງ Greatest
Love Story ນີ້ ໄດ້ໜ້າຮັກໜ້າຊັງ ທີ່ອະທິບາຍເຖິງຄວາມຮັກຕອນຍັງນ້ອຍນຳກັນ
ແລະຕ່າງຄົນ ກໍຕ່າງເຕີບໃຫຍ່ ໄປໃຊ້ຊີວິດຂອງໃຜລາວ ຄົນລະແຫ່ງ ຈຶ່ງໃນທີ່ສຸດ
ກໍໄດ້ກັບມາຮັກກັນອີກ ຈົນຜູ້ຊາຍໄດ້ຄຸເຂົາ ຂໍແຕ່ງງານ ເອື້ອຍວັນະສອນຂໍມອບ
ເພງນີ້ ໃຫ້ທ່ານຜູ້ຟັງທີ່ກຳລັງມີຄວາມຮັກແລະວາງແຜນຈະແຕ່ງານຢູ່ໃນຂະນະນີ້.
ຂໍສົ່ງທ່ານເຂົ້ານອນ ດ້ວຍເພງລູກທົ່ງອາເມຣິກັນ ອີກຕື່ມເພງນຶ່ງເປັນເພງທີ່ຟັງແລ້ວ
ສະບາຍໃຈ ເປັນເພງຂອງສິນລະປິນເຈົ້າຂອງຫຼາຍໆລາງວັນທີ່ມີຄວາມສາມາດ
ເຕັມປ່ຽມ ເປັນເພງຂອງ Luke Bryan ທີ່ມີຄວາມປະທັບໃຈໃນເນື້ອເພງ ຊຶ່ງທັງຜູ້ກ່ຽວ
ແລະແຟນສາວ ມັກເພງນີ້ແລ້ວພາກັນອອກມາເຕັ້ນ ພໍໄດ້ຍິນສຽງເພງນີ້ ຜ່ານທາງ
ວິທະຍຸ. ບໍ່ເຊື່ອ ກໍຂໍໃຫ້ພິສູດ້ວຍຕົວທ່ານເອງເບິ່ງ ໃນບົດເພງ Play It Again ຂໍໃຫ້ທ່ານຜູ້ຟັງຈົ່ງນອນຫລັບຝັນດີ ແລະພົບກັນໃໝ່ ໃນສັບປະດາໜ້າ.
