ທ່ານແຟນເພງທັງຫຼາຍໃນລາຍການສຽງເພງຈາກແດນໄກຂອງ VOA ໃນຄໍ່ຄືນມື້ນີ້ ວັນນະສອນຈະຈັດເພງລູກທົ່ງອາເມຣິກັນ ທີ່ເປັນເພງຍອດນິຍົມ ໃນວົງການເພງສະຫະລັດ ແລະວ່າ ຈະເປັນເພງໃດແດ່ນັ້ນ ຂໍເຊີນເຂົ້າໄປຟັງພ້ອມໆກັນເລີຍ.
ສະບາຍດີແລະຂໍຕ້ອນຮັບທ່ານຜູ້ຟັງເຂົ້າສູ່ລາຍການສຽງເພງຈາກແດນໄກຂອງ VOA
ໃນວັນອາທິດຕົ້ນເດືອນມີນານີ້ ເບິ່ງແມະ ບຶດດຽວກໍຢ່າງເຂົ້າເດືອນ 3 ແລ້ວ ຈັ່ງໃດກໍຂໍໃຫ້
ທ່ານຜູ້ຟັງເລີ້ມຕົ້ນປີ 2019 ດ້ວຍຄວາມຫວັງໃໝ່ທີ່ງົດງາມ ບໍ່ມີມື້ສາຍ. ເອົາມາຟັງເພງ
ຮ່ວມກັນເລີຍ ເປັນບົດເພງຂອງສິນລະປິນຄຸນະພາບ ແຖວໜ້າຂອງວົງການເພງລູກທົ່ງ
ອາເມຣິກັນຄົນນຶ່ງ ທີ່ໄດ້ຮັບຫຼາຍໆລາງວັນ Brad Paisley ເພງນີ້ຈະອອກທຳນອງຣ໊ອກ
ນ້ອຍໆ ສ້າງສີສັນໃຫ້ເພງໜ້າຟັງຍິ່ງຂຶ້ນ ຊຶ່ງເພງນີ້ມີຄວາມໝາຍປະມານວ່າ ເຈົ້າຊ່າງ
ງົດງາມ ແຂງແກ່ນ ແລະດຸດັນ ແບບວ່າ ເຈົ້າເປັນທັງແສງແດດທີ່ຮ້ອນແຮງແລະເປັນ
ພາຍຸຝົນທີ່ຄຶກຄະນອງ ແບບ Perfect Storm ດັ່ງຊື່ຂອງເພງນີ້ເລີຍ.
ສ່ວນເພງຄູ່ຕໍ່ໄປນີ້ ເປັນຂອງ Jillian Jacqueline ຮ້ອງປະສານກັບ Keith Urban
ສິນລະປິນຈາກປະເທດເຄັນກາຣູ ອົສເຕເຣຍເລຍພຸ້ນ ເພງນີ້ ພໍໄດ້ຟັງແລ້ວ ກໍຄົງເຮັດ
ໃຫ້ຄິດເຖິງໃຜບາງຄົນ…ເປັນເພງຫວານແຕ່ເສົ້າ…ທີ່ແປເປັນພາສາລາວວ່າ ຖ້າຂ້ອຍ
ເປັນເຈົ້າ…If I Were You.
ວັນນະສອນ ຕ້ອງຝາກຂອບໃຈທຸກໆທ່ານ ທີ່ຄອຍເປັນກຳລັງໃຈ ແລະຕິດຕາມຮັບຟັງ
ວິທະຍຸ ກະຈາຍສຽງ VOA ຂອງພວກເຮົາສະເໝີມາ ແລະຂໍຂອບໃຈເປັນພິເສດແດ່
ທ່ານຜູ້ຟັງທີ່ຕິດຕາມຮັບຟັງ ລາຍການຂອງພວກເຮົາທີ່ອອກອາກາດສົດ ຜ່ານທາງ
Facebook-Live ໃນ 3 ມື້ ຕໍ່ສັບປະດາ...ທີ່ຂຽນຕິຊົມແລະແຈ້ງໃຫ້ທາງເຮົາຊາບ
ແບບວ່າ ພາບແລະສຽງແຈ້ງຊັດເຈນດີ ຕ່າງໆນາໆ ສະນັ້ນ ວັນນະສອນ ຈຶ່ງຂໍຈັດເພງ
Callin' Me When I'm Lonely ຂອງ Sheryl Crow ແທນຄຳຂອບໃຈ ແລະ ຫວັງ
ຢ່າງຍິ່ງວ່າເພງນີ້ ຄົງເປັນເພງທີ່ປະທັບໃຈທ່ານຜູ້ຟັງ ບໍ່ຫຼາຍກໍໜ້ອຍ ເອົາລະຢ່າລືມ
ກັບມາພົບກັບສຽງເພງມ່ວນໆໃນລາຍການສຽງເພງຈາກແດນໄກຂອງເຮົາ ໄດ້ອີກ
ໃໝ່ໃນທຸກໆຄໍ່າຄືນຂອງວັນອາທິດ ຂໍໃຫ້ທຸກໆທ່ານນອນຫຼັບຝັນດີ.
