ສະບາຍດີແລະມື້ນີ້ວັນນະສອນຈະມາຈັດເພງມ່ວນໆໃຫ້ທ່ານຜູ້ຟັງໄດ້ມ່ວນຊຶ່ນກັບເພງລາວມ່ວນໆໃນລາຍການສຽງເພງຈາກແດນໄກຂອງ VOA ສໍາຫຼັບແລງວັນອາທິດສະບາຍໆໃນທ້າຍເດືອນກໍລະກົດນີ້. ເພງ ອ້າຍບໍ່ແມ່ນພະອິນ ເປັນຜົນງານເພງສິນລະປິນຊາຍ ທີ່ເປັນເພງຕອບຂອງຝ່າຍຍິງ ທີ່ວັນນະສອນ ຫາກໍນຳສະເໜີໄປໃນຫວ່າງມໍ່ໆນີ້ ແລະຄິດວ່າ ເພງນີ້ຄົງຖືກໃຈທ່ານຜູ້ຟັງບໍ່ຫຼາຍ ກໍໜ້ອຍ ໂດຍສະເພາະໜຸ່ມໆ ເພາະວ່າໄດ້ລະບາຍເຖິງຄວາມໄນອອກມາ ຂໍເຊີນໄປຮັບຟັງສຽງຫວານໆຂອງ ກ້ອງ ໄຊຍະວົງ ພ້ອມໆກັນເລີຍ.
ຈັ່ງໃດກໍຫຼິ້ນເພງປ໊ອປ ໄປແລ້ວ ວັນນະສອນຂໍແນະນຳຜົນງານເພງຂອງສິນລະປິນໜ້າໃໝ່ ໃນວົງການເພງ ສປປ ລາວ ອາລິດສາ ຈາກຄ້າຍເພງ ລາວລ້ານຊ້າງ ໃນບົດເພງ “ຜິດທີ່ຂ້ອຍ”
ສ່ວນເພງ ຊວນໃຫ້ຊາວລາວທົ່ວໂລກຮັກກັນ ຕໍ່ໄປນີ້ ຂໍຈັດມອບໃຫ້ພີ່ນ້ອງລາວໃນທົ່ວໂລກ ໃຫ້ຮັກຫໍ່ໂຮມກັນ ເປັນບົດປະພັນໂດຍ ອາຈານສິດ ແລະຂັບຮ້ອງໂດຍ ອາທິດ ແລະຫວັງວ່າທຸກທ່ານທີ່ຮັບຟັງລາຍການສຽງເພງຈາກແດນໄກຂອງ VOA ຄົງຈະມ່ວນຊື່ນກັບເພງນີ້ ແລະສັບປະດາໜ້າວັນນະສອນຈະມາຕອບຈົດໝາຍຂອງທ່ານຜູ້ຟັງທີ່ຂຽນເຂົ້າມາ ຂໍໃຫ້ທຸກໆທ່ານນອນລັບຝັນຫວານ.
