ຄໍ່າຄືນວັນອາທິດມື້ນີ້ ວັນນະສອນ ຈະມາຈັດຂັບລຳລາວທີ່ນຳມາປະສົມປະສານ ເຂົ້າກັບຍຸກໃໝ່ ເພື່ອມອບໃກ້ແຟນລາຍການສຽງເພງຈາກແດນໄກຂອງ VOA ແລະວັນນະສອນວ່າ ຂັບຕັ່ງຫວາຍ ຂອງແດງດວງເດືອນ ທີ່ມີນ້ຳເປັນເອກກະລັກ ຂອງຕົວເອງນີ້ ຄົງຈະເຮັດໃຫ້ຫຼາຍໆທ່ານຄິດເຖິງສາວຜູ້ໄທ ກຸ່ມຊົນທີ່ອະດົມຮັ່ງມີ ທັງພາສາ ແລະວັດທະນະທຳທີ່ດີງາມ ຂໍເຊີນໄປຟັງຂັບຕັ່ງຫວາຍທີ່ມີຊື່ວ່າ ຍິ້ມກ້ຽວແຟນເພິ່ນ ແລະວ່າ ໄດ້ຍິນເພງນີ້ ກໍຢ່າໄປຍິ້ມກ່ຽວແຟນຄົນອື່ນເນີ…ເພາະຮັກຈອ້ງບອກມາ.
ສ່ວນຈົດໝາຍຂອງທ່ານຜູ້ຟັງທີ່ຂຽນເຂົ້າມາຫາທາງເຮົານັ້ນ ວັນນະສອນຈະກັບມາຕອບ ທ່ານຜູ້ຟັງໃນສັບປະດາໜ້າ ວັນນະສອນ ຂໍແນະນຳເພງມ່ວນໆທີ່ທາງ ຢູນາສະຕູດີໂອ ຊຶ່ງວັນນະສອນ ຟັງເພງນີ້ແລ້ວຊາບຊຶ້ງໃນຄວາມໝາຍແລະຊື່ຂອງເພງ ສອງມືນາງສ້າງເມືອງ…ທີ່ຂັບຮ້ອງໂດຍສິນລິປິນສາວໜ້າໃໝ່… VOA ຂໍເປັນກຳລັງໃຈແລະເອົາໃຈຊ່ອຍໃຫ້ໝັ່ນສ້າງຜົນງານດີໆ ອອກມາສູ່ສາຍຕາຂອງທຸກໆຄົນທີ່ຮັກເພງລາວໃນທົ່ວໂລກອີກ. ສິນລະປິນສາວຄົນນີ້ມີນາມວ່າ ມ່ອມນ່ອຍ ຢູ່ນາ. ເພງນີ້ຟັງແລ້ວຊື້ງ…ຄິດເຖິງແມ່.
ຂໍອຳລາທ່ານຜູ້ຟັງດ້ວຍເພງຫວານໆ ຂອງນຳສຽງສາວນ້ອຍ ສິລິພອນ ສີປະເສດ ຈາກຄ້າຍເພງ ຢູ່ນາອີກເຊັ່ນກັນ...ເພງ ເຊລະນອງ ຂໍໃຫ້ທຸກທ່ານ ນອນຫຼັບຝັນດີ.