ສະບາຍດີແລະຍິນດີຕ້ອນຮັບທ່ານຜູ້ຟັງເຂົ້າສູ່ລາຍການສຽງເພງຈາກແດນໄກຂອງ VOA ແລະກໍຂໍບອກອີກແລະຈະບອກຕະຫຼອດໄປວ່າວັນນະສອນດີໃຈແລະ ຕັ້ງໃຈໃນທຸກໆຄັ້ງທີ່ ໄດ້ມາຈັດເພງກ່ອມທ່ານຜູ້ຟັງໃນທຸກໆຄໍ່າຄືນ ຂອງວັນ ອາທິດ ວັນນະສອນ ຂໍຈັດເພງ ກຸຫຼາບປາກເຊ ທີ່ປະພັນໂດຍ ເຈົ້າຄຳຜາຍ ກຸລະວຸດ ແລະຂັບຮ້ອງໂດຍ ນ້ອງຕິ່ງໜ່ອຍ ພອຍໄພລິນ ສິນລະປິນສາວສຽງໃສ ຈາກສປປ ລາວ ເພື່ອມອບໃຫ້ຍາເອື້ອຍ ສີອຳພອນ ນໍຣິນ ຊ່າງເສື້ອຝືມືດີ ຈາກສປປລາວ ພ້ອມດ້ວຍ ທຸກໆທ່ານທີ່ຫຼົງຮັກສາວປາກເຊ ແລະວ່າສາວປາກເຊ ຈະງາມແລະໜ້າຮັກດັ່ງເນື້ອໄນ ຂອງເພງນີ້ ຫຼືບໍ່ນັ້ນ ວັນນະສອນວ່າ ທ່ານຜູ້ຟັງກໍຄົງຕ້ອງໄດ້ໄປພິສູດ ດ້ວຍຕົວທ່ານເອງ ແລະກ່ອນອື່ນຂໍໄປຟັງເພງນີ້ກັນກ່ອນ ແລ້ວຈຶ່ງໄປທ່ຽວປາກເຊ ນຳກັນ.
ວັນນະສອນຂໍຕາງໜ້າ VOA ຂອບໃຈນໍາທ່ານຜູ້ຟັງ ທີ່ກະລຸນາ ຂຽນຂໍ້ຄວາມມາຫາທາງເຮົາຕະຫຼອດມາ ຈຶ່ງຂໍມອບເພງ ສະເຫນ່ທ່າເຊຈຳພອນ ທີ່ຂັບຮ້ອງເຈົ້າຂອງລາງວັນດອກຈຳປາ ນ້ອງມຸກດາວັນ ສັນຕິພອນ ແລະວັນນະສອນ ວ່າ ເພງນີ້ພາໃຫ້ທ່ານຜູ້ຟັງ ໄດ້ເຄີ້ມ ໄປ ກັບສຽງຫວານໆຂອງເພງນີ້…ຂໍເຊີນອອກມາລ້າຍລຳນຳກັນ ເພາະເພງນີ້ ໄດ້ນຳຂັບລຳລາວ ມາປະສົມປະສານແລະປະຍຸກເຮັດໃຫ້ເພງນີ້ໜ້າຟັງຍິ່ງໆຂຶ້ນ. ເຊີນໄປຟັງພ້ອມໆກັນເລີຍ.
ວັນນະສອນ ພົບພໍ້ເພງນີ້ ແລະວ່າມັນມ່ວນດີ ກໍເລີຍ ນຳມາມອບໃຫ້ທ່ານຜູ້ຟັງໄດ້ຟັງມ່ວນ ນຳກັນ ຖ້າຜູ້ໃດຊາຍຊື່ຂອງສິນລະປິນທ່ານນີ້ ກະລຸນາຂຽນເຂົ້າມາຫາທາງເຮົາດ້ວຍ ເພງນີ້ ຄົງຈະໃຫ້ໜຸ່ມໆ ມີກຳລັງໃຈຂຶ້ນມາ ເພາະວ່າອົກຫັກ ຄົງຈະບໍ່ຕາຍແລະ ຈະ ໄຫ້ນຳເຂົາເຮັດຫຍັງ…ດັ່ງຊື່ຂອງເພງນີ້ເລີຍ ຖ້າທ່ານໃດຊາບຊື່ຂອງສິນລະປິນທ່ານນີ້ ກະລຸນາຂຽນມາຫາ ທາງເຮົາດ້ວຍ. ພົບກັນໃໝ່ໃນສັບປະດາໜ້າ ຂໍທ່ານໃຫ້ທຸກໆທ່ານນອນຫຼັບຝັນ.
