ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ວິໄລຈັນ ສະເວຊວົງ - ຄືນ​ສຸດ​ທ້າຍ


ວິໄລຈັນ ສະເວດວົງ (ຂວາສຸດ) ຖ່າຍຮູບຮ່ວມກັບສິນລະປິນລາວ ໃນຕ່າງແດນ ມີ ອະນຸຣິດ ທັມມະວົງສາ, ສົມບູນ ສຸກຂະຜົນ, ວີນາ ສະຫວັນ, ຄຳພາ ແລະອະນຸຣັກ ທັມມະວົງສາ.
ວິໄລຈັນ ສະເວດວົງ (ຂວາສຸດ) ຖ່າຍຮູບຮ່ວມກັບສິນລະປິນລາວ ໃນຕ່າງແດນ ມີ ອະນຸຣິດ ທັມມະວົງສາ, ສົມບູນ ສຸກຂະຜົນ, ວີນາ ສະຫວັນ, ຄຳພາ ແລະອະນຸຣັກ ທັມມະວົງສາ.

ສະບາ​ຍດີ​ທຸກໆທ່ານ ວັນນະ​ສອນ​ຂໍ​ນໍາ​ສະ​ເໜີ​ເພງ​ລາວ​ ທີ່​ຂັບ​ຮ້ອງ​ໂດຍ ວິ​ໄລ​ຈັນ
ສະ​ເວ​ຊວົງ
ສິນລະປິນ​ສາວ​ຈາກ​ກາ​ນາ​ດາ ທີ່ຮ້ອງເພງໄດ້​ຫຼາຍ​ພາສາ ທັງ​ຝຣັ່ງ ອັງກິດ
ຈີນ ​ໄທ ​ແລະ​ລາວ ຊຶ່ງ​ວັນນະ​ສອນ ກໍ​ເຄີຍ​ໄດ້​ນຳ​ສະ​ເໜີ​ເພງ​ຂອງ​ຜູ້ກ່ຽວ​ໄປ​ແລ້ວ ​ແລະ​ຄັ້ງ​ນີ້ ​ເປັນຜົນງານເພງ ຊຶ່ງ​ປະ​ພັນໂດຍ ​ເຈົ້າ​ຄຳ​ຜາຍ​ ກຸນລະ​ວຸດ ​ເອົາຂໍ​ເຊີນ​ໄປ​ຮັບ​ຟັງ​ເພງ
ຄືນ​ສຸດ​ທ້າຍ
ພ້ອມ​ໆກັນ​ເລີຍ.
ເພງ: ຄືນ​ສຸດ​ທ້າຍ” ຂັບ​ຮ້ອງ​ໂດຍ ວິ​ໄລ​ຈັນ ສະ​ເວ​ຊວົງ

ວັນນະ​ສອນ ຂໍ​ເ​ເນະ​ນຳ ຜົນງານ​ເພງຂອງສິນລະປິນ ຊຶ່ງເປັນທັງນັກ​ຮ້ອງ ແລະນັກ​ແຕ່ງ
​ເພງທີ່​ມີ​ຜົນງານ​ເປັນ​ຂອງ​ຕົວ​ເອງ ​ທີ່​ຫຼາຍໆ​ທ່ານ​ຄຸ້ນ​ເຄີຍ​ເປັນ​ຢ່າງ​ດີ ​ໃນ​ປະຊາ​ຄົມ​ລາວ ​
ທີ່​ຝຣັ່ງ ​ແຕ່ຄັ້ງ​ນີ້ ກິ​ວົງ ຈະ​ມາ​ຮ້ອງ​ເພງ​ຂອງ​ອາຈານ ສົມ​ລິດ ​ໄຊ​ຍະ​ບຸນ​ຊູ ແລະ​ຫວັງ​ວ່າ ​
ເພງ ນ້ອງ​ຕັດສິນ​ໃຈ​ຖືກ​ແລ້ວ ຄົງ​ເປັນ​ອີກ​ເພງ​ນຶ່ງ​ທີ່ປະ​ທັບໃຈ​ທ່ານ​ຜູ້​ຟັງ ບໍ່ຫຼາຍ ກໍໜ້ອຍ.
ເພງ: ນ້ອງ​ຕັດສິນ​ໃຈ​ຖືກ​ແລ້ວຂັບ​ຮ້ອງ​ໂດຍ ກິ​ວົງ


ຊື່ສິນລະປິນ​ທ່ານຕໍ່​ໄປ ຄົງ​ເປັນ​ທີ່​ຄຸ້ນ​ຫູ​ຄຸ້ນ​ຕາ​ຂອງ​ນັກ​ຟັງ​ເພງລາວພໍ​ສົມຄວນນັ້ນ ກໍຄື
ຈິ​ມມີ ດິດທະ​ວົງ ທາຍາດ​ຂອງ​ສິນລະປິນ​ລຸ້ນລຸງ​ຢ່າງ​ ວໍລະ​ເດດ ດິດທະ​ວົງ ແລະ​ເພງ​ຕໍ່​
ໄປ​ນີ້ ​ເປັນ​ຜົນງານ​ເພງ​ທີ່​ເລົ່າ​ເຖິງປະສົບ​ການຂອງ​ຊີວິດ ຕອນ​ທີ່​ຊາວ​ລາວອົບ​ພະຍົບ
ລົບ​ໄພ​ອອກ​ຈາກ​ລາວ ຕອນ​ປ່ຽນ​ແປງ​ການ​ປົກຄອງ ​ແລະ​ໄປ​ຢູ່​ຕ່າງປະ​ເທດ ຈົນ​ເທົ່າ​ເຖິງ​
ປະຈຸ​ບັນ​ນີ້...​ເພາະ​ສະນັ້ນ​ເພງ​ນີ້ ຈຶ່ງ​ມີ​ຄວາມ​ໝາຍທີ່​ໄດ້ສະ​ແດງ​ສະທ້ອນ​ເຖິງ​ເລື່ອງ​ລາວ
ຄວາມຮັກ ແລະຄອບຄົວ ​ໃນ​ສະ​ໄໝ​ນັ້ນ ແລະ​ກໍ​ໄດ້​ມີ​ຜູ້​ຄົນ​ຈຳນວນບໍ່​ໜ້ອຍ ທີ່ຕ້ອງ​
ຈຳ​ເປັນຕ້ອງພັດ​ພາກ ​ແຍກ​ຍ້າຍ ​ເລີກລາ​ກັນ​ໄປ​ຢູ່​ຄົນ​ລະ​ທິດ​ລະ​ທາງ ຕາມ​ຄອບຄົວໄປ
ດັ່ງ​ຊື່ ​ຂອງ​ເພງ​ນີ້ ຮັກ​ເຄິ່ງທາງ ທີ່ປະພັນໂດຍ ສົມລິດ ໄຊຍະບຸນຊູ ເຊັ່ນ​ກັນ ​ເອົາ​ລອງ​ມາ​
ຟັງ​ເພງ ຮັກ​ເຄິ່ງທາງ ສະບັບຂອງ ຈິ​ມມີ ດິດທະ​ວົງ ກັນ​ກ່ອນ ​ແລະ​ວ່າ ກໍມ່ວນໄປກັນ
ຄົນລະແບບ ຈາກ​ຕົ້ນ​ສະບັບ ທີ່ຂັບ​ຮ້ອງ​ໂດຍ ບຸນ​ວຽງ. ຂໍ​ໃຫ້​ທຸກໆ​ທ່ານພັກຜ່ອນ​ໃຫ້​
ສະບາຍ​ແລະ​ເຂົ້າ​ນອນ ພ້ອມໆ​ກັນ​ກັບ​ສຽງ​ເພງນີ້.
ເພງ: ຮັກ​ເຄິ່ງທາງ - ຈິ​ມມີ ດິດທະ​ວົງ

XS
SM
MD
LG