ນັ້ນແມ່ນເພງ “ກຸຫຼາບປາກເຊ” ທີ່ຂັບຮ້ອງໂດຍແສງນະພາ ທີ່ວັນນະສອນໄດ້ຈັດໃຫ້ຕາມຄຳຂໍຂອງຍາເອື້ອຍດາຣາ ບັກຄຳ ອະດີດຜູ້ອຳນວຍການ VOA ພະແນກພາສາລາວ ເພື່ອມອບ ໃຫ້ແກ່ແຟນຄລັບວີໂອເອ ຢູ່ເມືອງໂພນທອງ ຊື່ ເຈ້ດາວແລະນ້ອງສາວທີ່ໃຫ້ການຕ້ອນຮັບຂັບສູ່ເປັນຢ່າງດີຕອນໄປລາວນັ້ນແລະ ຍາເອື້ອຍດາຣາ ຂໍມອບເພງນີ້ໃຫ້ແທນຄຳຂອບໃຈສຳຫລັບການຕ້ອນຮັບທີ່ອົບອຸ່ນ.
ວັນນະສອນ ທັງດີໃຈແລະຕ້ອງຂໍຂອບໃຈທຸກໆຈມ, ທຸກໆ email ທີ່ຂຽນເຂົ້າມາຫາທາງລາຍການ VOA ຢ່າງມາກມາຍກ່າຍກອງ ທີ່ວ່າ ຕິດຕາມຮັບຟັງຂ່າວຈາກພວກເຮົາແລະວ່າ VOA ເປັນສື່ທີ່ໃຫ້ຂໍ້ມູນຊັດເຈນ ມີທັງສາຣະ ໃຫ້ຄວາມບັນເທີງ ວັນນະສອນ ພ້ອມດ້ວຍຄະນະຕ້ອງຂໍຂອບໃຈໃນຄວາມເປັນແຟນລາຍການຂະນານແທ້ ທີ່ຄອຍຮັບຟັງມາຕະຫຼອດ.
ເພງຕໍ່ໄປນີ້ ຂໍມອບໃຫ້ ເອື້ອຍແກ້ວມະນີ ພິມມະສອນ ຜູ້ຟັງຈາກລັດ TN ທີ່ຄອຍຕິດຕາມຢູ່ສະເໝີມາ ເປັນຜົນງານເພງຂອງສາວໜ້າຫວານ Alexandra ທິດາວັນ ບຸນຊ່ວຍ ໃນບົດເພງ ຮັກເຈົ້າຕະຫຼອດໄປ…ຊຶ່ງວັນນະສອນ ວ່າ ຊ່າງເໝາະກັບເທດສະການ
ວັນແຫ່ງຄວາມຮັກ ໃນຄ່ຳຄືນນີ້.
ຂໍມອບເພງຫວານປິດທ້າຍລາຍການໃນຄ່ຳຄືນວັນແຫ່ງຄວາມຮັກນີ້ ໃນບົດເພງ “When You Kiss Me” ຂອງ Shania Twain ເປັນເພງ ຫວານຈັບໃຈ ຊຶ່ງວັນນະສອນຂໍຈັດມອບໃຫ້ພິເສດແດ່ແຟນເພງ ໂດຍສະເພາະຜູ້ທີ່ກໍາລັງທີ່ຈະຕັດສິນໃຈຕົກລົງປົງໃຈເລືອກເອົາໃຜຜູ້ນຶ່ງເຂົ້າມາໃນຊີວິດ ແລະແນ່ນອນພໍໄດ້ຟັງເພງນີ້ແລ້ວ ທ່ານຜູ້ຟັງຈະໄດ້ຕັດສິນໃຈດ້ວຍຕົວເອງຢ່າງຖືກຕ້ອງວ່າ ນອກຈາກຄວາມຮັກ, ຄວາມອົບອຸ່ນ, ຄວາມໄວ້
ເນື້ອເຊື່ອໃຈ, ຄວາມຫ່ວງ ຫາອາທອນທີ່ມອບໃຫ້ກັນແລ້ວ ແລະວ່າເຂົາຄືຄົນນັ້ນ ຄືຄົນທີ່ທ່ານໄດ້ເຝົ້າລໍມາຕລອດຊີວິດ ແລະພ້ອມທີ່ຈະເລືອກເຂົ້າໄປໃນຊີວິດຂອງທ່ານ
ຫຼືບໍ່ ທີ່ຈະຢູ່ນໍາກັນຈົນແກ່ເຖົ້າ …ຂໍເປັນແຮງໃຈອີກຕື່ມຄົນນຶ່ງ ເພື່ອຊ່ອຍໃນການຕັດສິນໃຈ.
