ຕ້ອມ ເຣນໂບວ໌ - “ຍັງຄິດເຖິງ”

ສະບາຍດີທ່ານຜູ້ຟັງທີ່ເຄົາຣົບ ອາກາດໃນ Washington DC ກໍ​ຍັງ​ໜາວ​ຢູ່ ກໍ​ເລີຍ​ພາ​ໃຫ້​ວັນນະ​ສອນ​ເປັນຫວັດ ສຽງ​ບໍ່​ຄອຍ​ຫວານ​ປານ​ໃດ ​ແຕ່​ເຖິງ​ຢ່າງ​ໃດ​ກໍ​ຕາມ​
ວັນນະ​ສອນ​ກໍ​ດີ​ໃຈ​ທີ່ໄດ້ນໍາຜົນງານເພງຊຸດໃໝ່ໆຫຼ້າສຸດ
ຂອງຕ້ອມເຣນໂບວມາໃຫ້ທ່ານຜູ້ຟັງໄດ້ຮັບຟັງກັນ ຂໍເລີ່ມ
ດ້ວຍເພງນີ້ “ຍັງຄິດເຖິງ” ຊຶ່ງ​ເປັນ​ບົດ​ປະພັນ​ຂອງ​ອາຈານ
ສ. ​ແສງ​ສິຣິວັນ​ ແລະ​ໃນ​ຊຸດ​ນີ້​ຕ້ອມ​ໄດ້​ບອກ​ມາ​ວ່າ ​ໄດ້​ນໍາ​
ເພງ​ຂອງ ອາຈານ ສ. ​ແສງ​ສິຣິວັນ​ ມາ​ຂັບ​ຮ້ອງ​ກັນ​ຕັ້ງ​ຫຼາຍ
ເພງ​ແນ໋ ​ເອົາ​ເຊີນ​ຮັບ​ຟັງ​ໄດ້.

ເພງ “ຍັງຄິດເຖິງ”

ຫັວງວ່າເພງ “ຍັງຄິດເຖິງ” ນີ້ຄົງຈະພາໃຫ້ຫຼາຍທ່ານຜູ້ຟັງຫາຍຄວາມຄິດເຖິງເຈົ້າຂອງສຽງ
ແລ້ວລະ ຫຼືບໍ່ກໍຍິ່ງພາໃຫ້ຄິດເຖິງ ເແລະໃນອີກບໍ່ດົນ ຕ້ອມ ເຣນໂບວ ກໍຈະມາກ່ອມອາຣົມ
ປະຊາຄົມລາວໃນສະຫະລັດ ແລະວ່າຖ້າທ່ານໃດຢູ່ໃນລັດ Connecticut ຫຼືອ້ອມແອ້ມນັ້ນ
ກໍຄົງໄດ້ນັ່ງຟັງເພງຂອງ ຕ້ອມ ເຣນໂບວ ຕົວຈິງສຽງຈິງ. ສ່ວນລໍາສີທັນດອນທີ່ຈະຫຼິ້ນ
ໃຫ້ຟັງຕໍ່ໄປນີ້ ບໍ່ໜ້າເຊື່ວວ່າ ຕ້ອມ ຈະລໍາໄດ້ດີຂະໜາດນີ້ ເພາະຄິດວ່າ ຕ້ອມ ຄົງຈະບໍ່​ໄດ້
ຖະນັດແນວເພງປະເພດລໍາໆພວກນີ້ ແຕ່ຂໍໂທດ ພໍໄດ້ຟັງແລ້ວວັນນະສອນນຶກວ່າເປັນສຽງ
ໝໍລໍາຈາກພາກໃຕ້ຂອງລາວຂະໜານແທ້ເລີຍ. ເອົາໄປພິສູດກັນໄດ້ເລີຍວ່າ ຈະຈິງແທ້ສໍ່າໃດ
ແລະວ່າ ວັນນະສອນເວົ້າຈິງແທ້ໆ​ບໍ.

ລໍາ: “ສີທັນດອນ”

ວັນນະ​ສອນຕ້ອງ​ຂໍ​ຂອບ​ໃຈທີ່ທ່ານຜູ້ຟັງໄດ້ຝາກທັງ email ແລະຂໍ້ຄວາມໄວ້ທັງ VOA's
website ແລະ Facebook ທີ່ວ່າ ມັກຕິດຕາມຮັບຟັງລາຍການຂອງ VOA ວ່າ​ຊັ້ນ
ແລະຫັວງວ່າ ຄົງຈະໄດ້ເຫັນທ່ານຜູ້ຟັງຂຽນເຂົ້າມາຫາອີກ ສ່ວນເພງທີ່ຂໍມານັ້ນ
ວັນນະສອນຂໍຕິດ ຄ້າງໄວ້ກອ່ນເພື່ອປ່ຽນບັນຍາກາດ ອາທິດໜ້າແນ່ນອນໄດ້ຟັງອີຫຼີລະ
ແລະວ່າຈະເປັນເພງ ຂອງທ່ານຂໍມານັ້ນ ຫຼືບໍ່? ກໍຕ້ອງລໍຖ້າຮັບຟັງ ວັນນະ​ສອນ ລໍ້າລາ
ທ່ານດ້ວຍ ດ້ວຍຄວາມຮັກແລະຄິດເຖິງ ທຸກໆທ່ານເລີຍໃນທຸກໆມູມໂລກ ດັ່ງຄວາມໝາຍ
ຂອງເພງນີ້ “ຝາກຮັກກັບສຽງເພງ” ​ເປັນ​ເພງ​ຂອງຕ້ອມ ອີກ​ຕື່​ມ​ເພງ​ນຶ່ງ ຂໍຈົ່ງນອນຫຼັບຟັນດີ​
ແລະ​ພົບ​ກັນ​ໃໝ່​ໃນ​ສັບ​ປະດາ​ໜ້າ.

ເພງ: “ຝາກຮັກກັບສຽງເພງ”