ລິ້ງ ສຳຫລັບເຂົ້າຫາ


ສະບາຍດີ ທ່ານ​ຜູ້​ຟັງ​ທີ່​ຮັກ​ແພງ​ທຸກໆທ່ານ ທາງ​ສະຫະລັດ
ອະ​ເມຣິກາ ກໍ​ໄດ້​ປ່ຽນລະດູ​ການ​ມາ​ເປັນ Spring ຫຼື​ວ່າ
ລະດູບານໃໝ່ ຊຶ່ງ​ກໍ​ກົງ​ກັບວັນ​ທີ 20 ມີນາ 2-3 ມື້​ ຜ່າ​ນມາ
​ນີ້​ເອງ ​ປີ​ນີ້ຖືໜາວນານ​ກວ່າ ​ປົກກະຕິ ປະຈຸ​ບັນ​ນີ້ ຍັງ​ມີ​ລົມ
​ໜາ​ວພັດ​ເຂົ້າ​ມາ​ເລື້ອຍໆ ແລະວ່າອາທິດ​ໜ້າ​ກໍ​ຍັງ​ຈະ​ໜາວ
​ຢູ່ ຫິມ​ມະ​ຫາ​ກໍ​ເຊົາ​ຕົກ​ວັນ​ຈັນ​ຜ່ານ​ມາ​ນີ້​ເອງ ວັນນະ​ສອນ
​ ກໍ​ເລີຍ​ເປັນຫວັດ ສຽງ​ບໍ່​ຄ່ອຍ​ຫວານ ກໍ​ທົນໆ​ຟັງ ​ເອົາ​ໃຈ​
ຊ່ອຍໆ​ກັນ​ໄປ​ເນາະ…​ເພງ​ຄູ່ທີ່​ຈະ​ຫຼິ້ນ​ໃຫ້​ຟັງຕໍ່​ໄປ​ນີ້​ເປັນ
​ຜົນງານ​ເພງ​ຂອງ​ສິນລະປິນຄົນ​ເກັ່ງ ດີ​ເດັ່ນ​ຂອງ​ສປປ ລາວ ​ເປັນ​ທັງ​ນັກ​ຮ້ອງ
ນັກ​ປະພັນ ຜູ້​ກຳກັບ​ການຖ່າຍ​ທຳmusic video ​ເຈົ້າ​ຂອງ​ຜົນງານ​ເພງສາວ​ອາ
​ພອນ​ລາວTar-A’Pect ທີ່ຮ້ອງ​ຄູ່​ກັບ Alexandra ທິດາວັນ ບຸນຊ່ວຍທີ່ຫາ
ກໍໄດ້ຮັບລາງວັນດວງຈຳປາ ປະເພດເພງປ໊ອປ ດີເດັ່ນ ທີ່ທາງເຮົາກໍໄດ້ນຳສະເໜີ
ຜົນງານເພງໄປແລ້ວໃນເມື່ອບໍ່ດົນມານີ້. ເອົາໄປຟັງເພງຂອງທັງຄູ່ “ເຈົ້າໄດ້ບໍ່?”
…ເຊີນຮັບຟັງໄດ້.

ສາວຜີວຄ້ຳ ນ້ຳສຽງ ທີ່ໄດ້ສະເໜີຊື່ເຂົ້າຊີງລາງວັນດວງຈຳປາ ອີກຄົນນຶ່ງ ກໍແມ່ນເຈົ້າ
ຂອງເພງ “ສາວປາກເຊ…ຄອຍບ່າວວຽງຈັນ” ທີ່ສິນລະປິນສາວ ແສງດາວວີ
ຂັບຮ້ອງໄດ້ກິນໃຈເຫຼືອເກີນ ແລະວ່າ ໜຸ່ມໆບ່າວວຽງຈັນ ທັງຫຼາຍ ພໍໄດ້ຟັງເພງນີ້
ແລ້ວ ກໍຢ່າໄດ້ຕົວະລະ ຮີບກັບໄປຫາສາວປາກເຊ ຕາມຄຳໝັ້ນສັນຍາ ທີ່ໄດ້ໃຫ້ໄວ້
​ເອົາ​ຂໍມອບໃຫ້ທຸກໆທ່ານ ໂດຍສະເພາະໜຸ່ມວຽງຈັນ ຢ່າໄດ້ເວົ້າຫຼິ້ນ ເວົ້າຕົວະເດີ​.
ສາວປາກເຊລໍຖ້າຢູ່ ເອົາເຊີນໄປຟັງພ້ອມໆກັນເລີຍວ່າ ການລໍຄອຍຂອງສາວປາກເຊ
ຈະເປັນຢ່າງໃດ.

ສ່ວນເພງສຸດທ້າຍນີ້ ມີທຳນອງຄ້າຍໆກັບເພງຢາດນ້ຳຝົນ ຢົດນ້ຳຕາຂອງອາຈານ
ສ. ແສງສິຣິວັນ ທີ່ໄດ້ມີຫຼາຍໆສິນລະປິນນຳມາຂັບຮ້ອງ ແຕ່ວ່າ ຄັ້ງນີ້ໄດ້ເນື້ອເພງໃໝ່
ທີ່ມີຄວາມໝາຍດີ ຊຶ່ງຈະເຮັດໃຫ້ຄົນລາວທີ່ໄດ້ພັດພາກຈາກບ້ານເກີດເມືອງນອນ
ໄປຢູ່ຕ່າງປະເທດໃນທົ່ວທຸກມຸມໂລກ ຈະໄດ້ຫວນກັບຄືນໄປຢາມບ້ານ ຖ້າມີໂອກາດ.​
ເອົາຂໍມອບເພງ “ຝາກເພງເຖິງພີ່ນ້ອງລາວ” ນີ້ ທີ່ຂັບຮ້ອງໂດຍ ສິນລະປິນ
ອະນຸສອນ ໄພຍະສິດ ມາຂັບຮ້ອງ ພົບກັນໃໝ່ໃນອາທິດໜ້າ ນອນຫຼັບຝັນດີ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG