ລິ້ງ ສຳຫລັບເຂົ້າຫາ

Adele ນັກຮ້ອງປະກອບສ່ວນ ໃນຮູບເງົາ ເລື່ອງ Skyfall ໃນຊຸດ James Bond.


Adele ໃນພິທີມອບລາງວັນ Grammy Awards ປະຈຳປີ ຄັ້ງທີ 59 ທີ່ສູນກາງ Staples Center ໃນວັນທີ 12 ກຸມພາ 2017, ທີ່ນະຄອນ Los Angeles.

ສບາຍດີ ​ໃນ​ຄໍ່າ​ຄືນ​ນີ້ ວັນນະ​ສອນຈະ​ພາ​ທ່ານ​ຜູ້​ຟັງ​ຂ້າມ​ນໍ້າ ຂ້າມ​ທະ​ເລ​ມາ​ຟັງ​ເພງ
​ສາກົນ ຢູ່​ທີ່​ອາ​ເມຣິກາພີ້ ໃນ​ວັນອາທິດ 26 ທ້າຍ​ເດືອນ​ພະຈິກມື້ນີ້ ຂໍ​ເລີ່​ມດ້ວຍ​ເພງ
​ຂອງ​ນັກ​ຮ້ອງ​ທີ່​ມີນ້ຳ​ສຽງ​ສຸດ​ພະລັງ Adele ​ເຈົ້າ​ຂອງຫຼາຍໆ​ລາງວັນ ຊຶ່ງ​ເປັນສິນລະ
ປິນ​ສາວ​ຈາກ​ອັງກິດ ​ເພງນີ້​ເປັນ​ເພງ​ປະກອບ​ຮູບເງົາ​ທີ່​ຊື່​ສຽງ​ກ້ອງ​ໂລກ ທີ່ເກືອບ​ວ່າ​
ທຸກ​ຄົນ ຮູ້​ຈັກ James Bond 007 ​ແຕ່​ຄັ້ງ​ນີ້ ມີ​ຊື່​ເລື່ອງວ່າ Skyfall ດັ່ງ​ຊື່​ຂອງ​ເພງ​ນີ້​
ເລີຍ.

ສ່ວນ​ເພງ When I Was Your Man ​ນີ້ ກໍ​ແມ່ນ​ຜົນງານ​ອີກ​ເພງ​ນຶ່ງ​ຂອງ Bruno
Mars ທີ່​ໄດ້​ສະ​ແດງ​ອອກ​ຊຶ່ງ​ຄວາມ​ສາມາດ​ຂອງ​ນ້ຳ​ສຽງ​ອັນ​ມີ​ພະລັງ​ຂອງ​ນັກ​ຮ້ອງ
​ໜຸ່ມ ເພງ​ນີ້ ມີ​ຄວາມ​ໝາຍ​ເສົ້າ​ທີ່​ຄ່ຳ​ຄວນ​ຫາ​ຄົນຮັກ ຊຶ່ງຕອນ​ນີ້ ມັນ​ໄດ້​ຈົບ​ລົງ​ໄປ​ແລ້ວ
ຄົງ​ເຫຼືອ​ໄວ້​ແຕ່​ຄວາມ​ຈົງ​ຈຳ​ທີ່​ເຈັບ​ປວດ ​ແລະ​ໄດ້​ແຕ່​ຄຳ​ນຶງ​ເຖິງ​ຊ່ວງ​ເວລາ​ທີ່ເຄີຍ
​ມີ​ໂອກາດ ​ແຕ່​ບໍ່​ໄດ້​ເຮັດ…ບັດ​ນີ້ ມັນ​ກໍ​ຄົງ​ເປັນ​ພຽງ​ຄວາມ​ຊົງ​ຈຳ​ເທົ່າ​ນັ້ນ ດັ່ງ​ຄວາມ​
ໝາ​ຍຂອງເພງນີ້…ທີ່ວ່າຕອນ​ທີ່​ຂ້ອຍ​ເຄີຍ​ເປັນ​ຜູ້​ຊາຍ​ຂອງ​ເຈົ້າ.

ຂໍ​ສົ່ງ​ທ່ານ​ຜູ້​ຟັງ​ເຂົ້າ​ນອນ ດ້ວຍ​ເພງ​ຂອງ​ວົງ Chicago ​ໃນ​ບົດ​ເພງ​ທີ່​ກາຍ​ມາ​ເປັນ​
ຕຳນານ​ໄປ​ແລ້ວ ​ Hard to Say I'm Sorry - Get Away ຊຶ່ງ​ເພງ​ນີ້ ຄົງ​ຈະ​ເຮັດ​ໃຫ້
​ຫຼາຍໆ​ທ່ານ​ຄິດ​ເຖິງ​ອະດີດ ​ແລະ​ຫວນ​ຄິດເຖິງ​ ຄວາມ​ຫວານ​ຊື່ນ​ໃນ​ຄັ້ງ​ເກົ່າໆ ພົບ​ກັນ​ໃໝ່​
ໃນ​ສັບປະດາໜ້າ.

XS
SM
MD
LG