ສະບາຍດີທຸກໆທ່ານ ກັບມາຟັງເພງມ່ວນໆກັບວັນນະສອນອີກໃນລາຍການສຽງເພງ
ຈາກແດນໄກຂອງ VOA ເຊັ່ນເຄີຍ ໃນທຸກໆຄໍ່າຄືນວັນອາທິດ ຟັງເພງໄປ ຜ່ອນຄາຍ
ອາລົມໄປ. ຖ້າທ່ານໃດ ຍັງບໍ່ທັນໄດ້ມີໂອກາດຂຽນເຂົ້າມາຂໍຟັງເພງຫຼືໂອ້ລົມກັນແລ້ວນັ້ນ
ກໍຢ່າຟ້າວລີລໍ ໃຫ້ຂຽນເຂົ້າມາເລີຍ ເພາະວັນນະສອນ ຈະໄດ້ຈັດເພງໃຫ້ຟັງແບບຖືກໃຈ
ໄປເລີຍ ຄ່ຳຄືນນີ້ ຂໍແນະນຳຜົນງານເພງຫຼ້າສຸດທີ່ທາງເຮົາເປັນຜູ້ທຳອິດທີ່ໄດ້ຮັບຈາກ
ສິນລະປິນຮຸ່ນອາວຸໂສທີ່ໄດ້ສ້າງຜົນງານດັງໆມາແລ້ວໃນອະດີດ ບໍ່ວ່າຈະເປັນເພງຫ້ອງ
ນອນສີຟ້າ ຈະຮັກໃຜດີ ແລະເພງນີ້ ສີລາວົງ ແກ້ວ ໄດ້ຈັດແຕ່ງຂຶ້ນມາເພື່ອງານສັງສັນ
ຊຸມນຸມຊາວຄຳມ່ວນ ທີ່ຈະໄດ້ຈັດຂຶ້ນໃນເດືອນສິງຫາຈະມານີ້ ເອົາໄປຟັງເພງ ທ່າແຂກ
ນຶ່ງໃນອານາ ພ້ອມໆກັນເລີຍ.
ສ່ວນເພງຕໍ່ໄປນີ້ ຂໍຈັດໃຫ້ນ້ອງ ເສັ່ງ ຕົ່ງຂື້ກື້ ຜູ້ຟັງຈາກບ້ານຫ້ວຍກຸ່ມ ເມືອງຊຳໃຕ້
ແຂວງຫົວພັນ ຂໍຟັງເພງມົ້ງ ເພື່ອຟັງຮ່ອມກັບພະນັກງານວີໂອເອທຸກໆທ່ານ ແລະ ພິເສດຟັງຮ່ວມກັບສາວມົ້ງທີ່ຢູ່ອາເມຣິກາທຸກຄົນເດີ ກ່ອນອື່ນເອື້ອຍວັນນະສອນ
ກໍຕ້ອງຂໍຂອບໃຈ ນ້ອງເສັ່ງ ທີ່ຄອຍຕິດຕາມຮັບຟັງ ແລະຂຽນຂໍ້ຄວາມຜ່ານທາງ
Facebook ເອື້ອຍວັນນະສອນ ຈະພະຍາຍາມຫາເພງມົ້ງມ່ວນໆ ມາຈັດໃຫ້ນ້ອງຟັງ
…ແຕ່ຕອນນີ້ ຂໍເປີດເພງລາວໄປກ່ອນ ຈົນກວ່າວ່າເຮົາຈະໄດ້ເພງມົ້ງມ່ວນໆມາ
ແລະເຂົ້າໃຈຄວາມໝາຍຂອງເພງ ຈຶ່ງຈະມາຈັດໃຫ້ນ້ອງ ເສັ່ງ ພ້ອມດ້ວຍສາວລາວ
ເຜົ່າມົ້ງໃນສະຫະລັດ ໃນອານາຄົດຂ້າງໜ້າ ແລະຫວັງວ່າເພງ ບໍ່ລືມວຽງຈັນ ຂອງ
ພອນ ພູມິທອນ ນີ້ ຄົງຈະພາໃຫ້ສາວມົ້ງ ທີ່ສະຫະລັດ ຄົງຈະພໍໄດ້ຫາຍຄິດເຖິງບ້ານ
ແດ່ ບໍ່ຫຼາຍ ກໍໜ້ອຍ ເຊີນໄປຮັບຟັງໄດ້.
ຂໍອໍາລາທ່ານຜູ້ຟັງໄປດ້ວຍເພງ ນຶ່ງຮັກນຶ່ງໃຈ ຂອງເຈເດນ ສິນລະປິນຜູ້ນ້ອງ ຂອງ
ສິນລະປະນຜູ້ນ້ອງຂອງນັກກິຕາມືອາຊີບ ນັກຮ້ອງ ນັກແຕ່ງເພງ ສັກກີ ແກ້ວມໍລະກົດ
ຈາກລັດ California ຂໍຈັດມອບໃຫ້ທ່ານຜູ້ຟັງທຸກໆທ່ານເລີຍ. ຢ່າລືມກັບມາພົບກັບ
ຽງເພງມ່ວນໆ ໃນລາຍການສຽງເພງຈາກແດນໄກຂອງ VOAD ຂໍໃຫ້ນອນລັບຝັນດີ
ແລະພົບກັນໃໝ່ໃນສັບປະດາໜ້າ.
