ລິ້ງ ສຳຫລັບເຂົ້າຫາ

logo-print

ອະນຸສັກ ທັມມະວົງສາ ສະແດງ ຄວາມຮັກຫອມ ມາຕຸພູມ ແດນຈຳປາລ້ານຊ້າງ ໃນບົດເພງ ງາມແດນລາວ


ອະນຸສັກ ທັມມະວົງສາ
ລິງໂດຍກົງ

ສະບາຍດີ​ທ່ານຜູ້​ຟັງ​ທີ່​ຮັກ​ແພງ ​ພົບ​ກັນອີກ​ແລ້ວ​ໃນ​ລາຍການ​ສຽງ​ເພງ​ຈາກ​ແດນ​ໄກ​ຂອງ VOA ​ທີ່​ໄດ້​ໃຫ້ການ​ສະໜັບສະໜຸນເພງ​ລາວ ຄ່ຳ​ຄືນ​ນີ້ ກໍ​ເຊັ່ນ​ກັນ ພິ​ເວດ​ສຸດໆ ​ເພາະວ່າ​
ຫາ ກໍ​ໄດ້​ຮັບ CD ຊຸດ​ໃໝ່​ຫຼ້າ​ສຸດ ຈາກ​ຄະ​ນະ​ສາຍສຳພັນ ກຸ່ມ​ສິນລະປິນ​ຄຸນ​ນະພາ​ບ
ຈາກ Montreal, Canada ຊຶ່ງ​ເປັນ​ທີ່​ຮູ້ຈັກ​ແລະ​ກ່າວ​ຂານ​ກັນ ​ໃນ​ແວດ​ວົງ​ປະຊາ​ຄົມ​ລາວ​
ໃນ​ແຂ​ດນັ້ນ ​ເພງ​ທີ່​ຈະ​ຫຼິ້ນ​ໃຫ້​ຟັງ​ຕໍ່​ໄປ​ນີ້ ​ໄດ້​ບັນ​ລະ​ຍາ​ຍ​ເຖິງ​ຄວາມ​ມີ​ອະລິຍະ​ທຳ​ອັນ​ສູງ​ສົ່ງ​ແລະ​ຄວາມ​ງົດ​ງາມ​ຂອງ​ຮີດຄອງ​ປະ​ເພນີ ​ແລະ​ວັດທະນະ​ທຳ ທີ່​ອະນຸ​ສັກ ທັມມະວົງສາ ​ໄດ້ກັ່ນ​ກອງ​ຈາກ​ຄວາມ​ຮູ້ສຶກ​ເລິກ​ໆ ບັນຈົງ​ໃສ່ລົງ​ໄປໃນຕົວ​ອັກສອນ ອອກ​ມາ​ເປັນ​ບົດ​ເພງ ​ໃຫ້​ຊາວ​ໂລກ​ໄດ້​ຮັບ​ຮູ້​ເຖິງ​ແດນ​ຈຳປາ ລ້ານ​ຊ້າງແຫ່ງນີ້ ພ້ອມ​ດຽວ​ກັນ​ນີ້ ອະນຸ​ສັກ ຍັງ​ໄດ້​ຂັບ​ຮ້ອງ​ນຳ​ອີກ ​ແລະ​ຜູ້ກ່ຽວ​ກໍເປັນ​ສິນລະປິນ​ຄຸນ​ນະພາ​ບ ທີ່​ໜ້າ​ເຊື່ອ​ຖື​ຜູ້​ນຶ່ງ ​ໃນ​ປະຊາ​ຄົມ​ລາວ​ໃນ​ຕ່າງ​ແດນ ​ເອົາ​ໄປ​ຟັງເພງ "ງາມ​ແດນ​ລາວ” ພ້ອມໆ​ກັນເລີຍ ແລະວ່າຈະສົມກັບຄຳ
ກ່າວລື ຫຼືບໍ່?

​ຂໍຂັ້ນຈັ່ງ​ຫວະ​ດ້ວຍ​ຂັບ​ລຳ​ລາວ​ຂະໜານ​ແທ້ ຂອງ​ສິນລະປິນໜຸ່ມ ສິດທິພົນ ສຽງສະຫວັນ ​ເປັນ​ຂັບ​ງື່​ມ ​ແບບ​ຕໍ່ກອນ​ຈີບ​ສາວ​ທີ່​ມີ​ຊື່ວ່າ “ນາງ​ລືມ​ສັນຍາ” ຈັດ​ມອບ​ໃຫ້​ທ່ານ​ຜູ້​ຟັງ Le Solo ທີ່​ຂຽນ​ຂໍ້ຄວາມ​ຝາກ​ໄວ້​ໃນ website ຂອງ​ເຮົາ ຊຶ່ງ​ວ່າ ຂອບ​ພະ​ຄຸນ​ເປັນ​ຢ່າງ​ສູງ
ຕໍ່ VOA ສຳ​ຫຼັບ​ລາຍ​ການ​ເພງ​ທີ່​ໜ້າ​ສົນ​ໃຈ ມີ​ຄວາມ​ຮູ້ສຶກ​ວ່າ ໜຸ່ມ​ຂຶ້ນ​ມາທີ່ ​ໄດ້​ຍິນ​ສຽງ​ຫວານໆ​ຂອງ​ສິນລະປິນ​ສາວ​ວ່າ​ຊັ້​ນ ​ແລະ​ຝາກ​ຄຳ​ພັງ​ເພີຍທີ່​ເປັນ​ພາສາ​ອັງກິດແບບ​ເລິກໆ​ວ່າ ​ທີ່​ແປ​ເປັນ​ພາສາ​ລາວ​ວ່າ “ຕາມ​ມາລະຍາດ ​ໃນ​ການ​ນັ່ງ​ໂຕະ​ຮັບ​ປະທານ​ອາຫານແລ້ວນັ້ນ ຄວນ​ຈະ​ໃຊ້​ບ່ວງ​ເທົ່າ​ນັ້ນ​ທີ່​ຊົດ​ແກງ” ຊຶ່ງ ​ຈະໝາຍຄວາມ​ວ່າຢ່າງໃດ​ແລະ​ເຖິງ​
ຜູ້​ໃດ​ນັ້ນ ກໍ​ໃຫ້​ຕີ​ຄວາມ​ໝາຍ​ເອົາ​ເອງ​ສຳ​ຫຼັບ​ຜູ້ກ່ຽວ​ຂ້ອງ…​ເອົາ​ໄປ​ຟັງ​ຂັບ​ ງື່ມພ້ອມໆ​ກັນ​ດີ
ກ​ວ່າ.

ຄວາມຜິດພາດຂອງ ເຊີເວີ

Oops, as you can see, this is not what we wanted to show you! This URL has been sent to our support web team to the can look into it immediately. Our apologies.

Please use Search above to see if you can find it elsewhere

ຢາກ​ຈະ​ມີ​ເວລາ​ເປັນ​ຊົ່ວ​ໂມງ​ຈະ​ໄດ້​ມາ​ຈັດ​ເພງ​ແລະ​ໂອ້​ລົມ​ກັບ​ແຟນລາຍການ​ໃຫ້​ສົມ​ໃຈ
ຈະ​ຟັງ​ແຕ່​ເພງ​ດຽວ​ຂອງ​ຊຸດ​ໃໝ່​ຂອງ​ຄະນະ​ສາຍສຳພັນ ຄົງ​ຈະ​ບໍ່​ໄດ້​ແລ້ວ​ລະ ຄົງ​ຈະ​ນອນ​ບໍ່​ລັບ ວ່າ​ບໍ່​ທ່ານ​ຜູ້​ຟັງ? ຂໍ​ມອບ​ແຖມ​ໃຫ້​ອີກ​ເພງ​ນຶ່ງ ​ແລະ​ໂອກາດ​ໜ້າ VOA ຈະ​ນຳ​ສະ​ເໜີ​ຜົນງານ​ເພງ​ຂອງ​ຄະນະ​ສາຍສຳພັນ​ແລະ​ຂອງ​ສິນລະປິນລາວ ທ່ານ​ອື່ນ​ໆອີກ​ ​ໃນ​ທົ່ວ​ໂລກ​ ຂໍໃຫ້ທຸກໆທ່ານນອນຫຼັບຝັນດີ ດ້ວຍ​ເພງ​ນີ້ “ຈຳປາ​ລາ​ວັນ.”

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG