ລິ້ງ ສຳຫລັບເຂົ້າຫາ

logo-print

ພົງ​ສະຫວັນ ​ໄຊ​ຍະ​ວົງ - ຂ້າ​ອ້າຍ​ໃຫ້​ຕາຍ​ສາ


ພົງ​ສະຫວັນ ​ໄຊ​ຍະ​ວົງ

ທ່ານ​ຜູ້​ຟັງ​ທີ່​ເຄົາຣົບ ລາຍການ​ສຽງ​ເພງ​ຈາກ​ແດນ​ໄກ ຂອງ ວີ​ໂອ​ເອ ໃນ​ແລງ​ວັນ​ອາທິດ
ມື້​ນີ້ ວັນນະ​ສອນ ​ຈະ​ມາ​ຈັດ​ຂັບ​ລຳ​ລາວ ຂອງ​ສິນລະປິນ​ໝໍ​ລຳ​ໃນ​ສະຫະລັດ ມາສະເໜີ
ທ່ານ ສ່ວນ​ວ່າ ຈະ​ແມ່ນ​ຂັບ​ລຳ​ປະ​ເພດ​ໃດ​ນັ້ນ ກະລຸນາ​ເຂົ້າ​ສູ່​ລາຍການ​ຂອງ​ເຮົາ ​ໄດ້ນະ
​ບັດ​ນີ້.

ສະບາຍດີ​ທຸກໆທ່ານ ​ກັບມາພົບ​ກັບວັນນະສອນ ອີກເຊັ່ນ​ເຄີຍເໜາະ​ ໃນ​ຄໍ່າ​ຄືນວັນ​ອາທິດ
ມື້​ນີ້. ມື້ນີ້ກໍຕົກມາ​ເຖິງຮອບ​ຈັດ​ເພງ​ລາວ​ໃຫ້​ຟັງ​ແລ້ວ ຈຶ່ງຖືເປັນເລື່ອງ​ພິ​ເສດເພາະວ່າ
ກວ່າ​ຈະ​ໄດ້​ມາ​ຈັດ​ເພງ​ຂັບ​ລຳ​ລາວ​ນັ້ນ ກໍ​ຕ້ອງໄດ້​ລໍຄອຍ​ມາ​ເປັນເວລາ 3 ສັບປະດາ
ແລະ​ອີກ​ປະການ​ນຶ່ງ ຄັ້ງ​ນີ້​ວັນນະ​ສອນ​ ຈະຂໍ​ນຳ​ເອົາຜົນງານ​ເພງ​ຊຸ​ດໃໝ່ ຂອງ​ນັກ​ຮ້ອງ
ທັງເປັນ​ໝໍ​ລຳຊາວ​ອາ​ເມຣິກັນ​ເຊື້ອສາຍ​ລາວ ​ມາ​ຝາກ​ທ່ານ​ຜູ້​ຟັງ ​ເພື່ອ​ໃຫ້ຫາ​ຍຄວາມຄິດ
​ເຖິງ​ບ້ານ​ລົງ​ແດ່​ຈັກ​ໜ້ອຍ ຊຸດ​ເພງ​ທີ່​ທາງ​ເຮົາ​ຫາ​ກໍ​ໄດ້​ຮັບມານີ້ ​ແມ່ນ​ຊຸດ​ທີ 2 ຂອງ​ ສິນລະ
ປິນ​ ພົງ​ສະຫວັນ ​ໄຊ​ຍະ​ວົງ...ຊຶ່ງ​ກອນລຳ ຂ້າ​ອ້າຍ​ໃຫ້​ຕາຍ​ສາ ເປັນ​ບົດ​ກອນລຳ​ປະຍຸກ
ໃໝ່ ທັງ​ລຳທັງ​ຮ້ອງ...​ເອົາ​ອອກ​ມາ​ລ້າຍ​ລຳ​ກັນ​ເລີຍ ​ແລະ​ກໍຫວັງ​ວ່າ​ລຳ​ນີ້​ຄົງຈະ​ຖືກ​ໃຈ
​ທ່ານ​ຜູ້ຟັງຄໍ​ໝໍ​ລຳ. ຢ່າ​ລືມ​ຂຽນ​ມາບ​ອກແດ່​ເດີ.

ສ່ວນ​ກອນລຳ ​ກອນ​ຕໍ່​ໄປ​ນີ້ ​ເປັນ​ສຽງ​ຮ້ອງຂອງສອງ​ສິນລະປິນ ​ທອນ​ອິນ ຖິ່ນ​ຜູ້​ໄທ ​
ແລະ​ແສງ​ດາວວີ ຊຸບ​ເປີ​ສອງສີ
ທີ່ຈະ​ມາ​ກ່ອມ​ທ່ານດ້ວຍລຳ​ພື້ນ​ບ້ານ​ທີ່ທ່ານ​ຜູ້​ຟັງ​ ​
ລໍຄອຍ​ມາ​ນານ ມື້​ນີ້ ວັນນະ​ສອນ ຈະ​ມາ​ຈັດ​ໃຫ້​ທ່ານ​ຜູ້​ຟັງ​ໄດ້​ຮັບ​ຟັງຈົນເປັນທີ່ພໍ​ໃຈ​
ໄປ​ເລີຍ...ຂໍ​ເຊີນ​ໄປ​ຟັງ​ພ້ອມ​ໆກັນ​ເລີຍ “ວາງ​ແຜນ​ໃຫ້​ແຟນຄືນ.”

ລຳ​ຜູ້ໄທ ຕໍ່​ໄປ​ນີ້ ​ເປັນຜົນງານຂອງ​ນັກ​ຮ້ອງ​ໝໍ​ລຳ​ສຽງ​ດີ ພູ​ວົງ ​ເພັດ​ພູ​ທອງ ຫວັງ​ວ່າ
ກອນລຳລາວ​ທັງຫຼາຍ​ທີ່​ທາງ​ເຮົາ​ນຳ​ມາສະ​ເໜີ​ທ່ານ​ໃນ​ຄ່ຳ​ຄືນ​ນີ້ ​ຄົງ​ຈະຊັກຊວນໃຫ້​ທ່ານ​
ຜູ້​ຟັງ​ກັບ​ມາ​ຮ່ວມ​ມ່ວນ​ຊື່ນ​ກັບ​ເຮົາ​ອີກ ມີ​ຫຍັງຢາກ​ເລົ່າໃຫ້ຟັງ ຢາກ​ຟັງ​ເພງ​ໃດ ​ໃຫ້​ຂຽນ​
ເຂົ້າ​ມາ. ຂໍໃຫ້ທຸກໆທ່ານນອນລັບຝັນດີ​.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

ທ່ານອາດຈະມັກເລື້ອງນີ້ຄືກັນ

XS
SM
MD
LG