ສະບາຍດີແຟນລາຍການທີ່ຮັກແພງທຸກໆທ່ານ ຜູ້ຟັງທຸກໆທ່ານ ວັນນະສອນຂໍຕອບຈົດໝາຍທີ່ຂຽນໄວ້ໃນແວບໄຊຕ໌ ຂອງ VOA ໃນລາຍການສຽງເພງຈາກແດນໄກ ໃນນາມແຝງວ່າ ຕູ້ສາ ຈາກ Manchester, New Hampshire ເພິ່ນບອກວ່າ “VOA ເອີຍ” ເພາະເພິ່ນເຂົ້າໃຈ ວັນນະສອນ ບໍ່ເຂົ້າໃຈຄວາມໝາຍຫຼືຢ່າງໃດທີ່ວ່າ ໄປເອີ້ນ
ສິນລະປິນລຸ້ນອ້າຍວ່າເປັນໜຸ່ມ ເພາະວ່າອາຍຸອານາມຂອງ ທ່ານນີ້ ກໍກາຍ 50 ປີມາແລ້ວ ແຕ່ວ່າເປັນຫຍັງ ວັນນະສອນຍັງເອີ້ນວ່າ ສິນລະປິນໜຸ່ມ ວັນນະສອນວ່າ ນີ້ຄືການໃຫ້ກຽດຊຶ່ງກັນແລະກັນ ຖ້າຈະເວົ້າຈິງ ຕາມອາຍຸແລ້ວນັ້ນ ວັນນະສອນຄົງຈະຕ້ອງປະກາດໄປວ່າ ເຊີນຮັບຟັງເພງຂອງຍາລຸງຫຼືຍາພໍ່ຕູ້ ຄຳຫຼ້າ ໜໍ່ແກ້ວ ເພາະເພິ່ນກໍອາວຸໂສແລ້ວ ກໍຄົງຈະບໍ່ມ່ວນຫູຊວນຟັງ ຫຼືບໍ່ ກໍຕ້ອງເອີ້ນແຕ່ຊື່ເທົ່ານັ້ນ. ຄັນຊັ້ນ ວັນນະສອນ
ເອງ ກໍຄົງຕ້ອງອອກຕົວເອງວ່າ ປ້າແລ້ວລະ ເພາະວ່າກະໄດ້ຢູ່ມາຫຼາຍທົດສະວັດແລ້ວເຊັ່ນກັນ ເອົາກໍແຈ້ງກັນຊາບຕາມປົກກະຕິ ຫົວມ່ວນໂອ້ລົມກັນ ຮັກແພງກັນໄວ້ນັ້ນລະດີ ຖ້າບໍ່ຂຽນມາຕິຊົມ ກະບໍ່ຮູ້ວ່າຈະຕອບຈົດໝາຍກັບໃຜ.
ຂໍມອບເພງນີ້ໃຫ້ຟັງ ແທນຄຳຂອບໃຈ ເປັນຟັງເພງຂອງສິນລະປິນສາວ ພອນ ພູມິທອນໃນບົດເພງ "ບໍ່ລືມວຽງຈັນ."
ສ່ວນຂໍ້ຄວາມໃນນາມແຝງ “ບັກຫຳນ້ອຍ” ທີ່ຂຽນບອກມາວ່າ ດີແລ້ວ ນີ້ຄືວິທີນຶ່ງໃນການສົ່ງເສີມສິນລະປິນ ການດົນຕີໃຫ້ຊາວໂລກໄດ້ຮັບຊາບກັນ ໂດ່ງດັງແບບ MichaelJackson ຫຼືດັງກ້ອງໂລກໄປເລີຍ ນັ້ນຄືເຈດຕະນາລົມຂອງທາງເຮົາຢູ່ແລ້ວທີ່ຈະຄອຍສະໜັບສະໜຸນ ສົ່ງເສີມບັນດາສິນລະປິນລາວແລະໃນຕ່າງແດນ ຈະໄດ້ສຶກສາຮ່ຳຮຽນ ຊຶ່ງກັນແລະກັນ ແລະໄດ້ຮູ້ໄດ້ປະຈັກວ່າ ວົງການເພງຂອງລາວໃນແຕ່
ລະທີ່ ແຕ່ລະບ່ອນ ໄດ້ກ້າວໄກໄປໜ້າ ຢ່າງໃດແລ້ວ ເອົາຕ້ອງຂໍຂອບໃຈ ໃນທຸກໆຄຳຕິ ຊົມ ທີ່ຂຽນເຂົ້າມາ ຂໍຂອບໃຈຈິງໆ ຂໍມອບເພງນີ້ ແທນຄຳຂອບໃຈ ໃນບົດເພງ ສາວເມືອງມໍລະດົກໂລກ ຂອງ ນ້ອຍ ມະນີໂສ
ຂໍ້ຄວາມທີ່ຂຽນໄວ້ໃນລາຍການຊີວິດຊາວລາວໃນຕ່າງແດນ ທີ່ອອກອາກາດໄປກ່ຽວ
ກັບຮ້ານອາຫານຂອງຕະຫຼາດລາວ-ເອເຊຍໃນ Las Vegas, Nevada, ມີຫຼາຍໆທ່ານບອກມາວ່າ ຊື່ນຊອບ ຖືກໃຈ ທີ່ໄດ້ເຫັນຄົນລາວໄດ້ດິບໄດ້ດີ ມີທຸລະກິດເປັນເຈົ້າ
ຂອງຮ້ານອາຫານຕະຫຼາດລາວ ຊຶ່ງຜູ້ຟັງ ອະນຸສອນ ຈາກ San Jose, California
ບອກວ່າດີໃຈໄດ້ຊາບວ່າມີຮ້ານອາຫານລາວ ໃນ Las Vegas ຊຶ່ງເພິ່ນບອກວ່າ ຢູ່ San Jose ກໍຄົງປະມານ 10 ຊົ່ວໂມງ ສ່ວນທ່ານໃຈຊື່ ຈາກສະພາກາເຟລູກດອນໂຂງ ຈາກວຽງຈັນ ກໍຍ້ອງມາເຊັ່ນກັນ ແລະຂໍສັນລະເສີນ ໃຫ້ກ້າວໜ້າເອົາຄົນລາວເຮົາກໍຕ້ອງໄປອຸດໜຸນຊຶ່ງກັນແລະກັນ ແລະຂໍມອບຈັດເພງນີ້ ມອບໃຫ້ທຸກໆທ່ານທີ່ໄດ້ກ່າວນາມ
ມາບ້າງເທິງນີ້ທັງໝົດ ວັນນະສອນຂໍອຳລາທ່ານດ້ວຍເພງນີ້ “ສາວປາກເຊ” ທີ່ຂັບຮ້ອງໂດຍ ກ້ອຍ ຄຳວິໄລ ນອນຫຼັບຝັນຫວານ ສະບາຍດີປີໃໝ່.
