ສະບາຍດີທຸກໆທ່ານ ເນື່ອງຈາກວ່າ VOA ໄດ້ນໍາສະເໜີການສໍາພາດແລະຫຼິ້ນເພງຂອງສິນລະປິນລາວໃນຕ່າງແດນ ໄປແດ່ແລ້ວໜ້ອຍນຶ່ງ ໃນວັນພະຫັດຜ່ານມານີ້ ວັນນະສອນ ຈຶ່ງຢາກຈະນໍາສະເໜີ ທັງໝົດຂອງບາງເພງຕື່ມໃຫ້ຟັງກັນຢ່າງໜໍາໃຈ ຂໍເລີ່ມດ້ວຍເພງ ຮ້ອງເພງ ຂອງວົງ ໜຸ່ມລາວ ຊຶ່ງປະຈຸບັນ ໄດ້ປ່ຽນຊື່ມາເປັນວົງ ຈິດປັນຍາ ຕາມນາມສະກຸນ ທີ່ມີ 3 ອ້າຍນ້ອງຕະກຸນ ຈິດປັນຍາ ເປັນຜູ້ຮ້ອງແລະຫຼິ້ນດົນຕີ ແລະແຕ່ງເພງນໍາ ມີພຽງແຕ່ ນັກຮ້ອງນໍາຂອງວົງເທົ່ານັ້ນ ທີ່ເປັນຄົນອື່ນ ທີ່ບໍ່ໃຊ້ຊື່ຈິດປັນຍາ ຊຶ່ງດົນຕີນໍາຂອງລາຍການສຽງເພງຈາກແດນໄກນີ້ ກໍແມ່ນວົງຈິດປັນຍາເປັນຜູ້ຮຽບຮຽງ ແລະວັນນະສອນເຊື່ອໝັ້ນວ່າ ເພງນີ້ຈະຖືກໃຈໄວໝຸ່ມເປັນທີ່ສຸດ ເຊີນຮັບຟັງໄດ້
ສ່ວນວົງດົນຕີທີ່ປະກອບສ່ວນ ໃນງານສະແດງຄອນເສີດທີ່ນະຄອນອັດແລນຕານັ້ນ ກໍມີ
ຫຼາຍວົງ ສິນລະປິນ ເພັດ ນໍຣະວົງ ເຈົ້າຂອງເພງ ສຽງສູງຂອງວົງ Exile ກໍມາລວດລາຍ
ແລະສະແດງສຸດຝືມື ຊຶ່ງປະຈຸບັນນີ້ ແຍກອອກມາຮ້ອງດຽວ ຊຶ່ງທາງ ເຮົາໄດ້ນໍາສະເໜີ
ໃຫ້ຟັງແລ້ວໃນຫວ່າງໝໍ່ທມານີ້ເອົາໄປຟັງເພງ ບ້ານເກີດເຮົາ ຊຶ່ງເປັນຊຸດທໍາອິດຂອງ
ວົງ Exile ເມື່ອ 20 ກວ່າປີນັ້ນ
ອາທິດໜ້າ ວັນນະສອນ ຈະມາຕອບຈົດໝາຍທ່ານຜູ້ຟັງ ແລະຂໍອໍາລາທ່ານຜູ້ຟັງ
ດ້ວຍເພງ ໝານ້ອຍທໍາມາະດາ ຂອງວົງ Balck Flame ໃຫ້ທ່ານຜູ້ຟັງກັນ
ພົບກັນໃໝ່ໃນສັບປະດາໜ້າ
ເພງ: “ໝານ້ອຍທໍາມາະດາ” ໂດຍ Balck Flame
