ລິ້ງ ສຳຫລັບເຂົ້າຫາ

ສະບາຍດີ​ທຸກໆທ່ານ ​ແລະ​ກັບມາ​ພົບ​ກັບວັນນະສອນ ​ເຊັ່ນ​ເຄີຍ ​ໃນ​ຄໍ່າ​ຄືນ​ຂອງ​ວັນ​ອາທິດ
ພ້ອມ​ກັບ​ເພງຂັບລໍາ​ລາວ​ຂະ​ນານ​ແທ້ ໃນ​ລາຍການສຽງ​ເພງ​ຈາກ​ແດນ​ໄກຂອງ VOA
ວັນນະ​ສອນ ຈະ​ມາ​ຈັດ​ເພງ​ໃຫ້​ທ່ານ​ຜຸູ້ຟັງຕາມ ​ທີ່​ຂຽນ​ຂໍ້ຄວາມ​ໄວ້​ໃນ​ໜ້າ website ຂອງ​ເຮົາ. ຂໍ້ຄວາມທຳ​ອິດ​ນີ້​ຈາກທ່ານ ອຸ​ໄທ ວັນນະ​ພາສີ ທີ່​ຂຽນ​ຂໍ້ຄວາມ​ໄວ້​ໃນ​ໜ້າ website
ຂອງ​ພວກ​ເຮົາວ່າ “ສຽງ​ເພງ​ມ່ວນ​ຫຼາຍ ​ໂດຍ​ສະ​ເພາະ​ເພງ​ເກົ່າໆ ທີ່​ຮ້ອງ​ໃນ​ຄາວ​ກ່ອນ
​ທີ່​ວຽງ​ຈັນພຸ້ນ.”
ພ້ອມດຽວ​ກັນ​ນີ້ ທ່ານ ສິນ​ລີ​ວົງ ຜູ້​ຟັງ​ທີ່ຂຽນ​ເຂົ້າ​ມາ​ວ່າ “ມ່ວນ​ຫຼາຍ​
ວ່າ​ຊັ້ນ ຂອບ​ໃຈ​ທີ່​ຈັດ​ເພງ​ມ່ວນໆ​ໃຫ້​ຟັງ ​ເພ​າະວ່າ​ຟັງ​ຢູ່​ໂຮງການ Airbus ຮັບ​ຟັງ​
ທຸກໆ​ວັນ.”
ວັນະ​ສອນ ​ເພາະສະ​ນັ້ນ ​ວັນນະ​ສອນ ຈຶ່ງ​ຂໍ​ຫຼິ້ນ​ເພງ​ດັງ​ໃນ​ອະດີດ​ເພື່ອ​ມອບ​
ໃຫ້ອຸ​ໄທແລະ​ທ່ານ ສິນ​ລີ​ວົງ ແທນ​ຄຳ​ຂອບ​ໃຈ ​ແລະ​ຫວັງ​ວ່າ ​ໂອກາດ​ໜ້າ ​ເຮົາຄົງ​
ຈະ​ເຫັນ​ທ່ານ​ທັງ​ສອງ​ ຂຽນ​ເຂົ້າ​ມາ​ຖາມທຸກ​ສຸກດິບ ສະບາ​ຍດີ ​ກັນ​ອີກ...ຂໍ​ມອບເພງ
ຢາດ​ນ້ຳ​ຝົນ ຢົດ​ນ້ຳຕາ ທີ່​ປະພັນ​ໂດຍ​ອາຈານ​ສ. ​ແສງ​ສິຣິວັນ ​ທີ່​ອຸດອນ​ ວົງ​ສີ ສິນ​ລະ
​ປິນຈາກ​ອອສເຕຣ​ເລຍນຳ​ມາ​ຈັດ​ທຳໃໝ່ ຊຶ່ງ​ກໍ​ມ່ວນພໍ​ໆກັບ​ຕົ້ນ​ສະບັບ​ເລີຍ.

ສ່ວນ​ຂໍ້ຄວາມ​ຂອງ​ທ່ານ James Vilayhong ກໍ​ຂຽນ​ໄວ້​ໃນ​ໜ້າ​ website ແລະວ່າ ​
ເພງ ​ເສິກ​ທາງ​ໃຈ ຂອງ​ມະ​ລີ​ຈັນ​ສຸກ ນັ້ນ​ວ່າ​ ມ່ວນ​ຫຼາຍວ່າ​ຊັ້ນ. VOA ກໍ​ຕ້ອງ​ຂໍ​ຂອບໃຈ
ສິນລະປິນ​ທ່ານ​ນີ້ ທີ່​ຄ່ອຍຕັ້ງໜ້າ​ແລະ​ທະຍອຍນຳສະ​ເໜີ​ຜົນງານເພງ​ອອກ​ມາ​ໃຫ້​
ພວກ​ເຮົາ ​ໄດ້​ຮັບ​ຟັງ​ເພງລາວຢູ່​ເລື້ອຍ​ມາ. ​ເພາະສະນັ້ນ ທາງ​ເຮົາຈຶ່ງ​ຂໍ​ນຳ​ສະ​ເໜີ​ຜົນງານ
​ເພງ ຂອງ​ມະ​ລີ​ຈັນ​ສຸກ ຊຶ່ງ​ເພງຄົງ​ເຊ​ໂດນ​ທີ່​ຮັກ ​ນີ້ກໍ​ເປັນ​ອີກ​ເພງ​ນຶ່ງ​ທີ່​ເຄີຍ​ໂດ່​ງດັງ​ມາ​
ໃນ​ອະດີດ​ ​ແລະ​ມະ​ລີຈັນ​ສຸກ ​ໄດ້​ນຳ​ຂຶ້ນ​ມາ​ຈັດ​ທຳ​ດົນຕີໃໝ່​ເພື່ອຄົງ​ໄວ້​ໃນ​ຄຸນ​ນະພາ​ບ​
ຂອງ​ເພງ. ຂໍ​ມອບ​ໃຫ້​ທ່ານ James Vilayhongແລະ​ຜູ້​ຟັງ​ທ່ານ​ອື່ນໆ ​ໂດຍ​ສະ​ເພາະ
ຜູ້​ຟັງ​ຈາກ​ພາກ​ໃຕ້ ທີ່​ມັກ​ຮັກ​ໃນຜົນງານ​ເພງ​ຂອງ​ສິນລະປິນ​ທ່ານ​ນີ້…​ເອົາ​ໄປ​ຟັ​ງເພງ
ຄົງ​ເຊ​ໂດນ​ທີ່​ຮັກ
ພ້ອມໆ​ກັນ​ເລີຍ.

ຂໍ​ປິດ​ທ້າຍ​ລາຍການ​ດ້ວຍ​ຂັບ​ຊໍາ​ເໜືອທີ່ ນໍາ​ມາ​ປະຍຸກ ​ໃຫ້​ເຂົ້າກັບ​ສະໄໝຊຶ່ງ​ໄດ້​ນັກ​
ຮ້ອງ​ສາວ​ສຽງ​ໃສ​ຈາກ​ ສປປ ລາວ ຄໍາ​ປານີ ວົງ​ທອງ​ຄໍາ ຮ້ອງ​ຮ່ວມ​ກັນກັບ ​ໄມ ພິຣົມພອນ ສິນລະປິນລູກ​ທົ່ງ ຊື່ດັງ​ຈາກປະ​ເທດໄທ ບໍ່ຜິດ​ຫວັງ​ແນ່ນ​ອນ ຂໍ​ຈັດ​ມອບ​ໃຫ້ທ່ານ​ຜູ້​ຟັງ
​ທີ່​ມັກຮັກ​ຂັບ​ລຳ​ລາວ ​ແລະ​ໜຸ່ມໆ​ທີ່​ໝາຍ​ຕາໄວ້ກັບ​ສາວ​ງາມແຂວງຫົວພັນ ​ໃນ​ບົດ​ເພງ
“ສາວ​ງາມແຫ່ງ​ແຂວ​ງຫົວພັນ.” ຂໍໃຫ້ທຸກໆທ່ານນອນລັບຝັນຫວານແລະ ພົບກັນ
ໃໝ່ໃນສັບປະດາໜ້າ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG