ສະບາຍດີທຸກໆທ່ານແລະພົບກັນອີກຕາມເຄີຍ ພ້ອມກັບເພງມ່ວນໆໃນທຸກໆຄໍ່າຄືນວັນອາທິດ ຫັວງວ່າຄົງມີຫຼາຍໆທ່ານໄດ້ມີໂອກາດເຂົ້າໄປຮັບຊົມ ຮັບຟັງໃນ website ຂອງພວກເຮົາແດ່ແລ້ວ ເພາະວ່າຫຼັງຈາກທີ່ໄດ້ພິມເຜີຍແຜ່ລາຍການສຽງເພງຈາກແດນໄກທີ່ໄດ້ນຳສະເໜີເພງ ມາເດີ້ ມາເດີ້ ປະເພດເພງ Hip – Hop ຂອງກຸ່ມຄ້າຍເພງ Drunken Style Record ແລ້ວນັ້ນ ກໍໄດ້ມີຫຼາຍໆທ່ານຂຽນຂໍ້ຄວາມຝາກໄວ້ ໃນໜ້າ website ທີ່ບອກມາວ່າ ມັກເພງນີ້ ມ່ວນຫຼາຍ ແລະບາງທ່ານຍັງບອກວ່າ ໃຫ້ພວກສິນລະປິນລາວ-
ອາເມຣິກັນພວກນີ້ ຮຽນຮູ້ແລະໃຫ້ມີຄວາມເຂົ້າໃຈ ທັງພາສາ ຮີດຄອງປະເພນີຂອງລາວໃຫ້ຫຼາຍຂຶ້ນແດ່ ເພື່ອວ່າ ການແຕ່ງເພງຄັ້ງຕໍ່ໄປ ຈະມີເນື້ອຫາແລະມີຄວາມໝາຍດີກວ່າ. ເອົາ ຖ້າວ່າກຸ່ມສິນລະປິນທີ່ກ່າວມານີ້ ໄດ້ມີໂອກາດເຂົ້າມາຮັບຊົມ websiteຂອງພວກ
ເຮົາ ແລະກໍຂໍໃຫ້ຕັ້ງໃຈສ້າງຜົນງານດີໆອອກມາໃຫ້ພວກເຮົາໄດ້ຮັບຟັງກັນອີກຕໍ່ໄປ. ວັນນະສອນ ຂໍນຳສະເໜີຜົນງານເພງຊຸດໃໝ່ ຂອງສິນລະປິນ ຄຸນນະພາບ ສຽງຫວານນ້ຳເຜິ້ງຍັງຫວານບໍ່ປຽບປານ. ວັນນະສອນ ຂໍໃຫ້ທ່ານໄດ້ຮັບຟັງຈາກທາງລາຍການຂອງ VOA ໄປກ່ອນ ເພາະວ່າ ລາຍການສຽງເພງຈາກແດນໄກຂອງ VOA ເປັນລາຍການ
ດຽວທີ່ໄດ້ຮັບເພງຊຸດນີ້ ກ່ອນຜູ້ໃດ ໃນປັດທະພີ ຂໍເຊີນທຸກໆທ່ານໄປຮັບຟັງເພງຫວານໆໄດ້ເລີຍ...
ເຫັນບໍ່ລະ ມ່ວນປະທັບໃຈ ດັ່ງທີ່ໄດ້ບອກໄວ້ຫຼືບໍ່? ເພງທີ່ຫາກໍຈົບລົງໄປນັ້ນແມ່ນເພງ
ຮັກສລາຍ ທີ່ປະພັນໂດຍ ອາຈານ ສີລາວົງ ຊຶ່ງເພງນີ້ ກໍຂໍຈັດໃຫ້ທ່ານຜູ້ຟັງ ແສງສະຫວັດ ຣາຊວົງ ທີ່ຂຽນເຂົ້າມາຂໍຟັງເພງອະມະຕະ ຍອດນິຍົມຂອງລາວ ຊຶ່ງວັນນະສອນ ກໍຫວັງວ່າ ເພງ ຮັກສລາຍ ນີ້ ຄົງພາໃຫ້ທ່ານ ແສງສະຫວັດ ມ່ວນຊື່ນ ໄປກັບເພງນີ້. ກໍຕ້ອງຂໍຂອບໃຈກັບສິນລະປິນສຽງອະມະຕະ ທ່ານນີ້ ທີ່ໄດ້ນຳເພງຫວານໆໃນອະດີດ ມາຂັບຮ້ອງໃໝ່ ຊຶ່ງກໍໄດ້ອອກມາຫຼາຍຊຸດແລ້ວ ແລະເພາະຍ້ອນນ້ຳສຽງຫວານໆແລະມີພະລັງຂອງອຸດອນ ວົງສີ ສິນລະປິນລາວ ຈາກ ອອດສະເຕຣຍເລຍ ທ່ານນີ້ ຈຶ່ງໄດ້ມີສຽງຮຽກຮ້ອງໃຫ້ມີຜົນງານໃໝ່ອອກຕື່ມມາເລື້ອຍໆ. ຊຸດໃໝ່ນີ້ ກຳລັງຈະວາງຕະຫຼາດໃນໄວໆນີ້......ຂໍໃຫ້ພາກັນຊ່ອຍເຫຼືອສະໜັບສະໜຸນ ຈັບຈອງເປັນເຈົ້າຂອງ...ກໍໃຫ້ພາກັນຊ່ອຍສົ່ງເສີມແລະຮັກສາພາສາລາວຜ່ານທາງດົນຕີ ແລະລູກຫຼານລາວ ຈະໄດ້ຮຽນແລະຝຶກພາສາລາວໃຫ້ເກັ່ງນຳກັນເພຶ່ອຈະໄດ້ສື່ສານ ໂອ້ລົມກັບພໍ່ເຖົ້າແມ່ເຖົ້າ. ມາຟັງເພງຫວານໆຂອງຜູ້ກ່ຽວອີກຕື່ມເພງນຶ່ງ…ເພງນີ້ເປັນຜົນງານການແຕ່ງເພງຂອງສິນລະປິນ ນັກແຕ່ງເພງ ລາວ ຈາກຝຣັ່ງ ກິວົງ. ຂໍເຊີນໄປຟັງເພງ ກຸນແຈໃຈ ພ້ອມໆກັນເລີຍ.
ວັນນະສອນ ຄິດວ່າ ຫຼາຍໆທ່ານຄົງຈະຄິດແບບວັນນສອນ ທີ່ວ່າ ຟັງເພງເກົ່າໆໃນອະດີດ...ຟັງຍາມໃດ ກໍມ່ວນ ແລະແນ່ນອນ ເພງຫວານຊຸດໃໝ່ ຂອງອຸດອນ ວົງສີ ອີກຕື່ມເພງນຶ່ງເພື່ອປິດທ້າຍລາຍການ ໃນບົດເພງ ພາກຮັກ ທີ່ປະພັນໂດຍ ອາຈານ ຄຳຫຼ້າ ໜໍ່ແກ້ວ
ຈັ່ງໃດ ກໍຢ່າລືມຂຽນຂໍ້ຄວາມເຂົ້າມາບອກກັນແດ່ວ່າ ເພງດັງໃນອະດີດເຫຼົ່ານີ້ ມ່ວນດັ່ງທີ່ກ່າວມາໄວ້ຫຼືບໍ່ ພົບກັນໃໝ່ ໃນສັບປະດາໜ້າ.
