ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ບຸນຄຸນຂອງ​ພໍ່​ແມ່ ​ໂດຍ ກໍ ສັກ​ສີ


ຈຳປາເມືອງລາວ
ຈຳປາເມືອງລາວ

ສະບາຍດີ​ທ່ານ​ຜູ້ຟັງ​ທີ່​ເຄົາຣົບ​ແລະ​ຍິນ​ດີ​ຕ້ອນຮັບ​ທ່ານ​ຜູ້​ຟັງ​ເຂົ້າ​ສູ່ລາຍການ​ສຽງ​ເພງ
ຈາກ​ແດນ​ໄກຂອງ VOA ຄ່ຳ​ຄືນ​ນີ້ພິ​ເສດ​ແດ່​ ​ເພາະວ່າເປັນວັນ​ແມ່ ໃນ​ສະຫະລັດ​ ຊຶ່ງ​ກົງ
ກັບ​ວັນ​ອາທິດ ມື້​ນີ້​ພໍດີ ເພາະສະ​ນັ້ນ ວັນນະ​ສອນ ​ຈຶ່ງ​ຂໍ​ນໍາ​ສະ​ເໜີ​ເພງກ່ຽວ​ກັບ​ແມ່ ​
ເພື່ອສັນລະ​ເສີນແລະ​ໃຫ້​ກຽດ​ແດ່​ບັນດາ​ແມ່ທັງຫຼາຍ ທຸກ​ຜູ້​ທຸກໆຄົນ​ໃນ​ສາກົນ​ລະ​ໂລກ​ນີ້
ຊຶ່ງ​ຂໍ​ເລີ້ມ​ຕົ້ນ​ດ້ວຍ​ເພງ ​ບຸນຄຸນ​ພໍ່​ແມ່ ​ໂດຍ ກໍ ສັກ​ສີ ປະພັນ​ໂດຍ ​ເຈົ້າ​ຄໍາ​ຜາຍ ກຸນ​ລະ​ວຸດ.
ຂໍ​ເຊີນ​ໄປ​ຮັບ​ຟັງ​ພ້ອມໆ​ກັນ​ເລີຍ.

​ເປັນ​ຈັ່ງ​ໃດ​ລະ ຟັງ​ເພງ​ລາວ​ທີ່​ມີ​ຄວາມ​ໝາຍ​ຫວານຊື່ນ ກ່ຽວກັບ​ແມ່​ນັ້ນ ​ກໍ​ຄົງ​ຈະ​ເຮັດ​ໃຫ້
ຜູ້​ຟັງ​ປື້​ມອົກ​ປື້​ມ​ໃຈ ທີ່​ທາງ​ເຮົາຈັດ​ເພງມອບ​ໃຫ້​ພວກ​ແມ່ໆທັງ​ຫຼາຍພ້ອມ​ກັນ ​ເພື່ອ​ໃຫ້​ເພິ່ນ​
ໝັ້ນ​ໃຈ​ວ່າ ພວກ​ລູກໆ ຍັງ​ຮັກ​ເພິ່ນບໍ່​ເຊື່ອມ​ຄາຍແລະ​ພ້ອມ​ທີ່​ຈະ​ເບິ່ງ​ແຍງ​ດູ​ແລ ທ່ານຢູ່
​ສະ​ເໝີ​ໄປ. ອັນ​ດັບ​ຕໍ່​ໄປ​ຂໍ​ນຳ​ສະ​ເໜີ​ເພງ​ທີ່ມີ​ຄວາມ​ໝາຍ​ດີ ​ເວົ້າ​ເຖິງ​ຄຸນງາມຄວາມດີ
ຄວາມ​ເສຍສະຫຼະ ຄວາມ​ຖະໜຸຖະໜອມ ການ​ເອົາ​ໃຈ​ໃສ່ ມີ​ມານະ​ອົດທົນ ລ້ຽງດູ
ສັ່ງສອນ ພວກ​ລູກໆໂດຍບໍ່​ຫວັງ​ຜົນ​ຕອບ​ແທນ ​ແລະ​ນອກ​ເໜືອກ​ວ່າ​ສິ່ງ​ອື່ນ​ໃດ ກໍ​ຄື​
ນ້ຳ​ໃຈ​ອັນ​ງົດ​ງາມ​ຂອງ​ແມ່​ທີ່​ມີ​ຕໍ່​ພວກ​ລູກໆ ​ແລະ​ເພງ You’re So Beautiful ຈຶ່ງ​ເໝ​າະ
ສົມທີ່​ສຸດ​ສຳ​ລັບ​ແມ່. ທ່ານຜູ້​ຟັງ ກໍ​ສວຍ​ງາມ​ເຊັ່ນ​ກັນ ດັ່ງ​ຊື່​ຂອງ​ເພງ​ນີ້ You’re So
Beautiful ທີ່​ຂັບ​ຮ້ອງ​ໂດຍ Kenney Rogers.

ເພງ​ສຸດ​ທ້າຍ​ ​ເປັນ​ເພງ​ທີ່​ມີເນື້ອ​ໄນ​ຄວາມ​ໝາຍ​ກ່ຽວ​ກັບ​ແມ່ ​ເປັນ​ເພງ​ລູກ​ທົ່ງ​ສາກົນ ທີ່​ຂັບ
​ຮ້ອງ​ໂດຍ​ສິລະ​ປິນລຸ່ນອາວຸ​ໂສ​ລູກ​ທົ່ງ ຜູ້​ທີ່​ມີ​ຊື່​ສຽງ​ໂດ່ງ​ດັງ​ໃນ​ສະຫະລັດ Garth Brooks
ໃນບົດ​ເພງ Mom ຊຶ່ງ​ເພງ​ນີ້ ​ໄດ້​ເປັນ​ຕົວ​ແທນ​ຂອງ​ພວກ​ລູກໆ ທີ່​ບອກ​ແມ່​ວ່າ​ ພວກ​ລູກ
​ຮັກ​ແມ່ ຕະຫຼອດ​ໄປ ​ແລະ​ຕະຫຼອດ​ການ ບໍ່​ມີ​ວັນ​ເຊື່​ອ​ມຄາຍ. ຂໍ​ໃຫ້​ນອນຫ​ລັບ​ສະບາຍ….
ພົບ​ກັນໃຫມ່​ໃນ​ສັບປະດາ​ຫນ້າ Happy Mother’s Day.

XS
SM
MD
LG