ສບາຍດີແລະກັບມາພົບກັນເຊັ່ນເຄີຍໃນລາຍການສຽງເພງຈາກແດນໄກຄ່ຳຄືນນີ້ ວັນນະ ສອນ ຕັ້ງໃຈທີ່ຈະມາເປີດເພງ…ຄໍ່າຄືນນີ້ວັນນະສອນ ຈະພາທ່ານຜູ້ຟັງໄປສໍາພັດກັບສຽງ
ເພງມ່ວນໆທີ່ ສິນລະປິນ ຊື່ດັງທັງຫຼາຍໄດ້ຂັບຮ້ອງໄວ້ທີ່ໄດ້ພັນລະນາແລະຖ່າຍທອດ
ຄວາມຮູ້ສຶກຕ່າງໆກ່ຽວກັບເທດສະການສະເຫຼີມສະຫຼອງຄຣິສມາສ ແລະວັນນະສອນ ຄິດວ່າ ເທດສະການຄຣິສມາສແມ່ນ ຄືກຄັກກັນທຸກປີ ອາກາດກໍເປັນໃຈ ບໍ່ໜາວຫຼາຍ ຍັງບໍ່ເຖິງຂັ້ນ
ຫິມະຕົກເທື່ອ ວັນນະສອນ ກໍເລີຍຂໍມອບເພງ “Mis Deseos/Feliz Navidas” ເປັນການຮ້ອງເພງຄູ່ຂອງສິນລະປິນທີ່ໂດ່ງດັງ ຢ່າງ Michael Boublee ແລະສິນລະປິນສາວThalia ໃຫ້ຟັງ ເພື່ອຈະໄດ້ອົບອຸ່ນໃຈກັບຄົນພິເສດ...ພິເສດ…ໃນຊ່ວງເທດສະການ Christmas
ຂໍໃຫ້ທຸກໆທ່ານຫຼັບຕາ ແລະຈິນຕະນາການໄປພ້ອມໆກັບສຽງເພງນີ້ ແລ້ວ ທ່ານຈະເຫັນ ພາບຂອງຄ່ຳຄືນວັນຄຣິສມັສ ທີ່ງຽບສະງັດແລະງົດງາມນີ້.
ກໍເຫຼືອພຽງແຕ່ 5 ວັນເທົ່ານັ້ນກ່ອນເຖິງວັນຄຣີສມາສ ຊຶ່ງວັນດັ່ງກ່າວເປັນບັນຍາກາດຂອງ
ຄວາມປອງດອງ, ສະໝານສາມັກຄີ, ຮັກຫໍ່ໂຮມກັນ ລະຫວ່າງຄົນຮັກ, ຄອບຄົວ ຍາດພີ່ນ້ອງ ເພື່ອນມິດສະຫາຍທັງຫຼາຍ. ພວກເດັກນ້ອຍທັງຫຼາຍ ກໍຈະມັກເທດສະການນີ້ເປັນພິເສດ ເພາະຕື່ນເຕັ້ນແລະດີໃຈກັບຂອງຂັວນຂອງຝາກທີ່ຈະໄດ້ເປີດກັນ ໃນຕອນທ່ຽງຄືນຂອງ
ວັນຄຣິສມາສ ກໍຄືວັນທີ່ 24 ທັນວາ ວັນນະສອນ ຂໍເນລະມິດເທດສະການຄຣີສມາສ ມາໃຫ້ ທ່ານໄດ້ສໍາພັດກັນ ແລະຂໍມອບເພງ ຂອງ ທີ່ຂັບຮ້ອງໂດຍກຸ່ມສິນລະປິນ Pentatonix ໃຫ້ເປັນຂອງຂັວນແດ່ທ່ານຜູ້ຟັງ ເພື່ອສ້າງບັນຍາກາດກ່ອນເຖິງວັນຄຣິສມາສຈິງໆທີ່ຈະມາ
ເຖິງນີ້. ລອງໄປຟັງເພງທີ່ຮ້ອງປະສານສຽງແນວໃໝ່ ທີ່ບໍ່ແມ່ນເປັນເພງຄຣິສມາສ ແບບເດີມໆ ຫວັງວ່າຄົງຖືກໃຈ.
ເນຶ່ອງໃນໂອກາດເທດສະການຄຣີສມາສ ວັນນະສອນ ພ້ອມດ້ວຍຄະນະ VOA ຂໍອວຍ
ໄຊໃຫ້ພອນແດ່ແຟນລາຍການວິທະຍຸ VOA ທຸກຖ້ວນໜ້າ ຈົ່ງໄດ້ມີແຕ່ຄວາມສຸກລົ້ນ ໝາກມິ່ງແສນປະເສີດ ແລະຂໍໃຫ້ Voice of America ເປັນແຮງໃຈ ຕໍ່ເຕີມໃຫ້ທ່ານມີ
ແຮງສູ້ ເພື່ອຄວາມກ້າວໜ້າ, ທັງພາລະໜ້າທີ່, ຄວາມອຸດົມສົມບູນຂອງທ່ານແລະ ຄອບຄົວ ຕະຫຼອດເທດສະການຄຣິສມາສປີນີ້ ແລະຫຼາຍໆປີຕໍ່ໜ້າ ຂໍມອບເພງ Silent Night ຂອງ The Temptation ເປັນຂອງວັນໃຫ້ ທ່ານ ແລະຂໍໃຫ້ທຸກໆທ່ານນອນຫຼັບຝັນດີ Merry Christmas.
