ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

American Soldier ​ຂັບ​ຮ້ອງ​ໂດຍ Toby Keith


ເນື່ອງໃນວັນຈັນມື້​ອື່ນ​ນີ້ ​ເປັນ​ວັນ "Memorial Day" ຫຼືວັນລະລຶກເຖິງດວງວິນຍານ
ຂອງເຫຼົ່າຜູ້ກ້າທັງຫຼາຍ ທາງລາຍການສຽງເພງຈາກແດນໄກຂອງ VOA ຈຶ່ງຈະມາຈັດ
ເພງອະເມຣິກັນ ທີ່ມີຄວາມໝາຍສໍາຄັນ ເພື່ອສະດຸດີ, ສັນລະເສີນແລະຂອບໃຈ ໃນທຸກໆ
ຄວາມເສຍສະລະຂອງພວກເຂົາເຈົ້າເຫຼົ່ານັ້ນ ຂໍ​ເຊີນ​ເຂົ້າ​ສູ່​ລາຍ​ງານ​ໄດ້​ນະ​ບັດ​ນີ້.

ຄວາມ​ໝາຍຂອງ​ຄຳ​ວ່າວັນ "Memorial Day" ​ແປ​ວ່າວັນລະນຶກເຖິງດວງວິນຍານ
ຂອງເຫຼົ່ານັກ​ລົບຜູ້ກ້າທີ່ໄດ້ເສຍສະລະ​ເລືອດເນື້ອເພື່ອປົກປ້ອງປະ​ເທດ​ຊາດ​ທີ່​ພວກ​ເຂົາ​
ເຈົ້າ​ເຫຼົ່າ​ນັ້ນ ​ໄດ້​ເກີດ​ແລະ​ເຕີບ​ໂຕ​ມາ ເນື່ອງໃນວັນຈັນມື້​ອື່ນນີ້ ​ເປັນ​ວັນ "Memorial
Day"
ແລະເປັນ​ວັນ​ຢຸດລັດຖະການໃນ​ສະຫະລັດ ສະນັ້ນ ​ເພື່ອ​ສະດຸດີ​ແລະ​ໃຫ້​ກຽດ
ແກ່ດວງວິນຍານຂອງເຫຼົ່າຜູ້ກ້າຫານທັງຫຼາຍ ວັນນະ​ສອນ ຈຶ່ງ​ຂໍ​ນຳ​ສະ​ເໜີ​ຜົນງານ​ເພງ​
ທີ່​ມີ​ຄວາມໝາຍ​ດີ ​ແລະ​ກ່ຽວຂ້ອງ​ກັບ​ຄຸນງາມຄວາມດີ​ຂອງ​ພວກ​ເພິ່ນ ຂໍ​ເຊີນຟັງ​ເພງ “American Soldier” ທີ່​ຂັບ​ຮ້ອງ​ໂດຍ Toby Keith ພ້ອມໆ​ກັນ​ເລີຍ…

ທ່ານ​ແຟນ​ເພງ​ທັງຫຼາຍລາຍການວິທະຍຸວີ​ໂອ​ເອຂອງ​ເຮົາ ​ໄດ້ອອກ​ອາກາດ​ມາ​ນານ
ກວ່າ 5 ທົດ​ສະ​ວັດ​ມາ​ແລ້ວ ຊຶ່ງ​ສ່ວນ​ໃຫຍ່ທາງ​ເຮົາ​ໄດ້ນຳ​ສະ​ເໜີ ຂ່າວສານ ເລື້ອງ​ລາວ
ແລະ​ສາລະ​ຄະດີຕ່າງໆ. ​ແຕ່​ນອກຈາກ​ຂໍ້​ມູນ ຂ່າວສານ ຄວາມ​ຮູ້​ຄວາມ​ຫຼັກ​ແລ້ວ
ພວກ​ເຮົາ​ກໍ​ຢາກໃຫ້ມີການບັນເທີ​ງ ມ່ວນ​ຊື່ນສນຸກສະ​ນານ ​ແລະ​ຜ່ອນຄາຍອາລົມ​ໄປ
​ພ້ອມ ພວກ​ເຮົາ​ຈຶ່ງ​ໄດ້​ນຳ​ເອົາ​ລາຍການ​ດົນຕີ​ເຂົ້າ​ມາ​ປະກອບ​ນຳ ​ເຊັ່ນ ​ໃນ​ລາຍການ​
ມື້​ນີ້ ​ເຮົາ​ຈະ​ນຳ​ສະ​ເໜີ ເພງ "Arlington" ທີ່​ຂັບ​ຮ້ອງ​ໂດຍ Trace Adkins ​ເປັນ​ເພງ
​ເສົ້າ​ແລະ​ໝາຍ​ເຖິງສະຖານ​ທີ່​ນີ້ ທີ່​ມີ​ຊື່ວ່າ Arlington ຊຶ່ງເປັນສຸສານແຫ່ງ​ຊາດ ເປັນ​ອະນຸ
ສອນ​ສະຖານທີ່ຝັງ​ກະດູກ ​ຂອງ​ທະຫານ​ຜູ້​ກ້າຫານ ທີ່​ເສຍ​ຊີວິດ​ໃນ​ສະໜາມ​ລົບ​ ​ເຖິງແມ່ນ​ວ່າສະຖານດັ່ງກ່າວ ຈະເປັນ​ບ່ອນ​ທີ່​ງົດ​ງາມ​ແລະ​ຖືກ​ຈັດ​ໃຫ້ເປັນລະບຽບຮຽບຮ້ອຍ ​
ເພື່ອ​ໄວ້ອາ​ໄລ​ເຖິງດວງ​ວິນ​ຍານ​ກໍ​ຕາມ ​ແຕ່​ມັນ​ກໍຍັງມີ​ຄວາມ​ເສົ້າສະຫຼົດ​ໃຈ ການ​ເສຍ​
ສະຫຼະທີ່​ຍິ່ງ​ໃຫຍ່ຂອງຊາວ​ອາ​ເມຣິກັນ ​ແອບ​ແຝງ​ຢູ່ ຊຶ່ງ​ບັນດາພໍ່​ແມ່​ພີ່ນ້ອງ ສາມີ
ພັນ​ລະ​ຍາ ​ຄອບຄົວ ​ແລະ​ຍາດ​ມິດ​ສະຫາຍ ​ເພື່ອນ​ສະ​ນິດ ຈາກທົ່ວ​ສາລະ​ທິດ ຈະ​ພາ
ກັນ​ມາ​ໄວ້ອາ​ໄລ ຢ້ຽມຢາມ​ສຸສານ​ແຫ່ງ​ຊາດ​ ​ໃນ​ວັນ​ສຳຄັນນີ້ແລະ​ໃນ​ທົ່ວ​ສະຫະລັດ
ພວກ​ເຂົາ​ເຈົ້າ​ແລະ​ພວກທີ່​ຈົງ​ຮັກ​ພັກດີ, ແລະຜູ້ຮູ້​ບຸນຄຸນທັງຫຼາຍ ຕ່າງກໍ​ຈະ​ເອົາ​ທຸງຊາດ​
ອາ​ເມຣິກັນ, ດອກ​ໄມ້​ ພວກ​ມາລາແລະ​ຂອງ​ທີລະ​ລຶກ ​ໄປ​ໄຫວ້ຄຳນັບຂຸມ​ຝັງ​ສົບ ຂອງວິ
ລະ​ຊົນເຫຼົ່າ​ນີ້. ພິ​ເສດ​ສຸດ ກໍ​ຄົງ​ຈະເປັນ​ການວາງ​ພວງ​ມາລາ​ທີ່​ຂຸມ​ຝັ່ງ​ສົບ​ນິລະນາມ​ທີ່
ສຸສານ​ແຫ່ງ​ຊາດ Arlington ​ໂດຍ​ປະທານາທິບໍດີ​ສະຫະລັດ. ເພງ​ນີ້ ກໍ​ຍິ່ງ​ພິ​ເສດ
​ເພາະວ່າ ​ແມ່ນ​ເພື່ອ​ໄວ້ອາ​ໄລ ​ແດ່​ດວງ​ວິນ​ຍານຂອງ​ທະຫານ​ນິລະນາມ ຊຶ່ງມີ​ຄວາມ​ໝາຍ
​ຍິ່ງ ​ແລະ​ສຳນຽງ​ສຽງ​ຮ້ອງ​ຂອງ Jeff Moor ​ໃນ​ບົດ​ເພງ "Unknown Soldier" ນີ້ ກໍ​ຄົງ
ຈະເຮັດ​ໃຫ້​ຫຼາຍໆຄົນ​ນ້ຳ​ຕາ​ຊຶມ ຄິດ​ຮອດ​ຄິດ​ເຖິງ​ຮົ້ວ​ປ້ອງ​ກັນຊາ​ດທີ່​ເຂັ້ມ​ແຂງ ທີ່​ໄດ້​
ຈາກ​ພວກ​ເຮົາ​ໄປ ຈະແມ່ນ​ຜູ້​ໃດ​ກໍ​ຕາມ​ແຕ່…

ວັນນະ​ສອນ​ ພ້ອມ​ດ້ວຍ​ຄະນະ VOA ຂໍ​ສົ່ງ​ແຮງ​ໃຈ​ແລະ​ຂໍ​ກ່າວ​ຄໍາ​ວ່າ ຂອບ​ໃຈ​ແລະ​ຮູ້​ບຸນ
ຄຸນ ມາ​ຍັງ​ບັນດາ​ທະຫານ​ທັງ​ຍິງ​ແລະ​ຊາຍ ຜູ້​ທີ່​ກໍາລັງ​ດໍາ​ເນີນ​ແລະ​ສືບຕໍ່​ໃນ​ສະໝໍລະພູມ
​ສູ້​ລົບ​ຢູ່​ໃນ​ຂະນະ​ນີ້. ຂໍ​ໃຫ້​ສິ່ງ​ສັກສິດ​ຢູ່​ໃນ​ສາກົນ​ລະ​ໂລກນີ້ ຈົ່ງ​ໄດ້ປົກ​ປ້ອງ​ແລະ​ຄຸ້ມ​ຄອງ
ພວກ​ທ່ານ...​ຈຶ່ງຂໍ​ມອບເພງ​ທີ່​ມີ​ຄວາມ​ໝາຍນີ້ ​ໃຫ້​ແກ່ພວກ​ທະຫານຫັງຫຼາຍ​ທັງ​ປວງ
ພວກ​ຊຶ່ງ​ໄດ້​ມອບທຸກ​ສິ່ງ​ຢ່າງ​ໃຫ້​ປະ​ເທດຊາດ​ບ້ານ​ເມືອງ ​ແມ່ນ​ກະທັ້ງ​ຊີວິດຂອງ​ຕົນ​ເອງ
​ໃນ​ບົດ​ເພງ "Some Gave All" ທີ່​ຂັບ​ຮ້ອງ​ໂດຍ Billy Ray Cyrus.

XS
SM
MD
LG