ໃນຄ່ຳຄືນວັນອາທິດມື້ນີ້ ທາງລາຍການສຽງເພງຈາກແດນໄກຂອງວີໂອເອ ມື້ນີ້ແມ່ນເຖິງ
ເວລາທີ່ຈະຫຼິ້ນເພງລາວແລ້ວ ຢ່າລໍຊ້າເລີຍ ຂໍເຊີນທ່ານຜູ້ຟັງເຂົ້າໄປຟັງພ້ອມໆກັນເລີຍ
ແລະວ່າ ວັນນະສອນ ໄດ້ຈັດເພງໃດໄວ້ກ່ອມທ່ານແດ່ນັ້ນກະລຸນາເຂົ້າໄປຮັບຟັງພ້ອມໆ
ກັນເລີຍ.
ສະບາຍດີແຟນລາຍການສຽງເພງຈາກແດນໄກຂອງວີໂອເອ ໄດ້ມາຈັດເພງລາວ
ໃຫ້ທ່ານຜູ້ຟັງໄດ້ຮັບຟັງກັນ ເພງທີ່ຫາກໍຈົບລົງໄປນັ້ນ ແມ່ນເພງ ອ້າຍອາດມາຊ້າ
ຂອງວໍລະເດດ ດິດທະວົງ ຈັດໃຫ້ທ່ານຜູ້ຟັງທີ່ໃຊ້ຊື່ ຫວັງດີ ທີ່ຂຽນເຂົ້າມາທາງໜ້າ
website ຂອງເຮົາທີ່ບອກມາວ່າ ເພງທີ່ອອກອາກາດໄປຄັ້ງກ່ອນນີ້ ໃຊ້ຊື່ຜິດ...
ແນ່ນອນລະ ເພາະວ່າທ່ານຫວັງດີ ຈາກຍີ່ປຸ່ນ ເປັນແຟນແພງຂອງ ວໍລະເດດ
ດິດທະວົງ ຂະໜານແທ້ ຈຶ່ງໄດ້ຈັດເພງນີ້ ເພື່ອມອບໃຫ້ແທນຄຳຂອບໃຈ ແລະກໍ
ຫວັງວ່າ ທ່ານຫວັງດີ ຄົງຈະໄດ້ມີໂອກາດຂຽນເຂົ້າມາຫາທາງເຮົາ ແລະຕິດຕາມ
ຮັບຟັງວີໂອເອ ຕະຫຼອດໄປ.
ຫຼາຍໆທ່ານຄົງຈະຄິດເຖິງສິນລະປິນສຽງດີທ່ານນີ້ ຜູ້ຊຶ່ງເປັນສິນລະປິນຕົ້ນສະບັບຂັບ
ຮ້ອງເພງ ຄົງເຊໂດນທີ່ຮັກ, ແຕ່ຄັ້ງນີ້ ມາລີຈັນສຸກ ຈະມາກ່ອມທ່ານຜູ້ຟັງ ອົກຫັກ ຊຶ່ງເປັນ
ບົດປະພັນໂດຍອາຈານສົມລິດ ໄຊຍະບຸນຊູ ເອົາໄປຟັງເພງ ເສິກທາງໃຈ ພ້ອມໆກັນ
ເລີຍ…ຂໍປິດທ້າຍລາຍການດ້ວຍເພງມ່ວນໆ ເພງດັງໃນອະດີດທີ່ປະພັນໂດຍ ອາຈານ
ປ. ຕຣີຈັນ ແລະຂັບຮ້ອງໂດຍ ອຸດອນ ວົງສີ ໃນບົດເພງສາວນາຊາຍທອງ ເພື່ອຈັດມອບ
ໃຫ້ທ່ານຜູ້ຟັງທີ່ໜ້າຮັກຂອງວີໂອເອ ພ້ອມດຽວກັນກັບທ່ານຄໍາມ່ວນ ສີວິໄລ ຜູ້ຟັງທີ່ຂຽນ
ເຂົ້າມາຫາລາຍການສຽງເພງຈາກແດນໄກ ທີ່ບອກມາວ່າ ມັກຟັງລາຍການສຽງເພງຈາກ
ແດນໄກ ວ່າຊັ້ນ ໂດຍສະເພາະເພງລາວເກົ່າໆ ຊຶ່ງນັບມື້ກໍນັບຫາຟັງໄດ້ຍາກນັ້ນ ໂອກາດ
ໜ້າວັນນະສອນຈະໝັ້ນຫາເພງລາວ ມ່ວນໆ ມາສະເໜີທ່ານຜູ້ຟັງອີກ ກະລຸນາຄອຍຕິດ
ຕາມ ຂໍໃຫ້ທຸກໆທ່ານນອນຫຼັບຝັນດີ ແລະພົບກັນໃໝ່ໃນສັບປະດາໜ້າ.
