ສະບາຍທຸກໆທ່ານ ຫວັງວ່າທ່ານຜູ້ຟັງຄົງຈະມ່ວນຊື່ນສະໜຸກ
ສະໜານກັບກຸດສົງການປີໃໝ່ ຫົດນ້ຳ ດຳຫົວ ຂໍຂະມາໂທດ
ພໍ່ແມ່ພີ່ນ້ອງ ຍາດຜູ້ໃຫຍ່ ຕາມປະເພນີ ເປັນທີ່ຮຽບຮ້ອຍ
ໄປແລ້ວ. ແລະຢ່າງໃດກໍດີ ຊ່ວງນີ້ ກໍຍັງຖືວ່າຍັງຢູ່ໃນບັນຍາ
ກາດປີໃໝ່ຢູ່ ຈຶ່ງຂໍມອບເພງທີ່ໜ້າຮັກໆ ທີ່ຍັງຄົງຄວາມໝາຍ
ຂອງເທດສະການບຸນຫົດນ້ຳ ປີໃໝ່ຢູ່ ເປັນເພງຂອງກຸ່ມສິນ
ລະປິນຝຣັ່ງຫົວໃຈລາວ ULUVUS ທີ່ຮ້ອງເພງ“ຜູ້ສາວປີໃໝ່” ໄດ້ດີກິນໃຈເຫຼືອເກີນ ຂໍມອບໃຫ້ໜຸ່ມໆທີ່ມັກຮັກສາວລາວ ໂດຍສະເພາະ ໃນຊ່ວງປີໃໝ່ນີ້ລະກັນ ຖ້າມີ
ໂອກາດກໍໄປຫົດນ້ຳມ່ວນນຳກັນໃນບຸນປີໃໝ່ ທີ່ຫຼວງພະບາງພຸ້ນແດ່ ເຫັນນາງສັງຂານ
ລາວແລະຈະດີໃຈ ທີ່ເຫັນສາວລາວໄດ້ນຸ່ງສິ້ນແບບສະບັບ ຫຼວງພະບາງຂະໜານແທ້.
ເພງທີສອງ ຂໍມອບໃຫ້ຍາລຸງບົວຫອມ ດຳຣົງ ທີ່ຂຽນມາທັກທາຍກັນເໝືອນເດີມ ຂໍໃຫ້ປີໃໝ່ຟ້າໃໝ່ ຈົ່ງມີສຸກຂະພາບແຂງແຮງ ແລະໝັ້ນຍືນ ຢູ່ກັບລູກຫຼານລາວ
ຕະຫຼອດໄປ ດັ່ງຄວາມໝາຍຂອງເພງນີ້ "ສະບາຍດີປີໃໝ່" ທີ່ຂັບຮ້ອງໂດຍ
ອາຈານ ຄຳຫຼ້າ ໜໍ່ແກ້ວ
ຂໍອຳລາທຸກໆທ່ານດ້ວຍເພງນີ້ "ປີໃໝ່ແລ້ວແກ້ວຕາ" ທີ່ຂັບຮ້ອງໂດຍ ແຊມແລະ
ຢູໂກະ.
ຂໍໃຫ້ທຸກໆທ່ານ Happy ແລະສຸກຂີຕະຫຼອດໄປ.
